تمارين عملية لتحسين اداء العازف , هذه التمارين مهمة لجعل الطالب متمكن من التنقل بين النوتات كاملة و التمكن من مسكة القوس و الوضعية الصحيحة للكمان و القوس معًا. عزف قطعة موسيقية بسيطة و تطبيق جميع ما سبق فيها , حيث يعزف الأستاذ سرور هذه الجملة الموسيقية البسيطة من التمرينات السابقة. ينصح الأستاذ سرور باتقان هذا التمرين قبل الانتقال الى الدرس القادم.
محمود سرور:
"السلام عليكم ورحمة الله وبركاته معاكم محمود سرور عازف الكمان المصري من اعزف دوت كوم.
النهاردة الحلقة التمانتاشر عايزين في الحلقة دي إن احنا نتعلم إزاي نعزف قطعة موسيقية نقدر نستفيد بيها من كل الحاجات اللي احنا خدناها فتعالو نعمل إيه بقى تعالو نرتب الأمور كده نرتب مع بعض عشان عايزين نعزف حاجة لطيفة.
تعالو نعمل إيه نقول فكرة كده نستفيد الأول بأول وتر عندنا اللي هو وتر صول نشوف ممكن نطلع منه إيه في البداية عايز اعلمكو تمرين جميل هيساعدنا جدا وهيفدنا جدا تمرين مفيد جدا تكنيكي بينشط الصوباع وبينشط ليونة القوس وبينشط بينشط كمان التكنيك بتاع العازف كالآتي بص كده (يعزف الاستاذ محمود التمرين) تمرين بسيط جدا مفيد جدا بيفيدني في القوس إن أنا باعزف بكل القوس بتاعي إن أنا باستخدم كل الحروف اللي أنا خدتها إن أنا باستخدم كل الصوابع التلات صوباع اللي أنا خدتهم استعملتهم في التمرين ده تسلسل العزف بكل الصوابع استعملته في التمرين ده.
طيب التمرين ده اقدر اعمله على ري آه اقد اعمله على ري أمسك الري (يعزف الاستاذ محمود التمرين) كل القوس (يعزف الاستاذ محمود التمرين) واللي بعديه (يعزف الاستاذ محمود التمرين) تمرين مفيد جدا طب اقدر اعمل منه حتة مزيكا آه اقدر أعمل حتي مزيكا لو قولنا (يعزف الاستاذ محمود التمرين) الله دي بتطلع مزيكا آه بتطلع مزيكا وهما الاربع حروف ماعملناش حاجة تانية قولنا (يعزف الاستاذ محمود التمرين) طلع الفجر طب ما هما الأربع حروف دول أنا بارتبهم إزاي بارتبهم إزاي ببساطة (يعزف الاستاذ محمود التمرين).
باقول تالت صوباع تاني صوباع تالت صوباع تاني صوباع تالت صوباع أول صوباع (يعزف الاستاذ محمود التمرين) دي سهلة دي كده سهلة مفهاش حاجة لو قولت (يعزف الاستاذ محمود التمرين) مفهاش حاجة تمرين بسيط جدا ممكن اكرره على كل الحروف ممكن اقول (يعزف الاستاذ محمود التمرين).
حاجة بسيطة جدا عايز أحليها شوية أعمل إيه أحط فيبراتو عليه (يعزف الاستاذ محمود التمرين) بقيت طعمها أحسن طب إيه رأيكو لو عملنا كده (يعزف الاستاذ محمود التمرين) الله يبقى احنا عندنا نقدر نستخدم المحسنات بردو عشان خاطر نطلع الجملة بشكل أنسب نطلع الجملة بشكل أفضل طيب أنا عايز أعمل من الموضوع ده جملة كاملة بتاعت طلع الفجر أو طلع البدر أهو (يعزف الاستاذ محمود التمرين).
سهلة ولا مش سهلة مفهاش حاجة هو هو نفس التسلسل (يقرأ الاستاذ محمود الميلودي) نفس الشكل الإيقاعي بس باغير النوت وباغير القوس بتاعي تعالى نحليها شوية نخليها تقول حاجة تانية بص (يعزف الاستاذ محمود التمرين) إيه رأيك كده كده أحسن طب تعالو نشوف النص التاني (يعزف الاستاذ محمود التمرين) إيه رأيك طب تعالى نحط الاتنين على بعض واحد واتنين أهم (يعزف الاستاذ محمود التمرين) ونعيد (يعزف الاستاذ محمود التمرين) (يقرأ الاستاذ محمود النوتة).
دي النوت بتاعتها وشكلها لطيف جدا وسهلة جدا ودي بداية لتعليم موسيقى على آلة الكمان بشكل بسيط وشكل سلس وجملة بسيطة وسلسة وواخدين القطعة دي من التمرينات اللي خدناها بس عدته مرتين تلاتة بقى (يعزف الاستاذ محمود التمرين) وبعدين (يعزف الاستاذ محمود التمرين).
جليساندو احنا مش خدنا من المي للفا وقولنا نزحلق من المي ونحطها ع الفا طب أنا حاطط التمرين وحطيت بعد منه الجليساندو طلعت مزيكا ولا ماطلعتش مزيكا طيب أنا استخدمت التمرين بتاعي رصيت حتة تمرين صغيرة وحطيت بعدها نوتة وجليساندو بقيت (يعزف الاستاذ محمود التمرين) والنص التاني زيها بالظبط (يعزف الاستاذ محمود التمرين).
دي قطعة أولية وإن شاء الله في المرة الجاية هديكو قطعة تانية برتكون أصعب شوية بس نخلص دي الأول ونزاكرها مرة واتنين وعشرة وإن شاء اللمرة الجاية ناخد حاجة أصعب شوية شكرا ليكو."
