يطبق الاستاذ محمود الطريقة العملية التي شرحها في الفيديو السابق و التي تعمل على تحديد النغمات الموسيقية على الكمان و المسافات بين النغمات على الأوتار في آلة الكمان حيث تفيد هذه الطريقة الطالب المبتدأ لتحديد الأماكن الصحيحة لموقع الأصبع لاستخراج النوتة الصحيحة.
محمود سرور:
السلام عليكم ورحمة الله وبركاته معاكم محمود سرور عازف الكمان المصري من اعزف دوت كوم.
النهاردة هنوضح في الدرس ده الدرس العاشر هوضح المسافة بين اللا والسي و السي والدو والصول واللا وهنعملها بشكل أبسط شوية عشان نبسط ع الناس الموضوع.
احنا نجيب الكمانجة بتاعتنا زي ما هو موجود عندنا عندنا وتر صول أهو في الأول باجي عند الكمانجة بتاعتي بعزف على وتر صول أول ما بيجي عند اللا أول ما بعزف بيجي الصوت مظبوط عند اللا باجيب علامة من عندي أي علامة نقول مثلا زي السولوتيب ده كده وبالزق العلامة باجي من تحت الكمانجة من تحت الأوتار وبعدي العلامة جوة عندي وباحط العلامة بالشكل ده.
بقيت كده عندي علامة بالسولوتيب بتحددلي المسافة أنا كده لما آجي اعزف أو ازاكر يبقى عندي مكان الصوباع اللي احط فيه هو ده على الخط الأحمر ده بعد كده بامسك كمانجتي وبردو باجي عند علامة السي باجي بردو عند علامة السي واسيب الاتنين سنتي واعمل علامة بالشكل ده زي ما احنا شايفين هنا موضحة المكان آدي اللا فوق الخط الأحمر الأولاني والسي فوق الخط الأحمر التاني باجي بردو على نفس الكلام باعمل علامة تالتة عند الدو هنا الدو احنا اتفقنا إن إحنا هنصغر المسافة هتبقى مش اتنين سنتي هتبقى سنتي بعني نص المسافة أصبح عندنا الشكل زي ما احنا شايفين.
أول اتنين سنتي من البنجق لغايط أول حرف اللي هو اللا و بعد كده من حرف اللا لحرف السي اتنين سنتي تانيين مكان الخط الأحمر التاني بعد كده سنتي واحد لغايط الدو إحنا ممكن نوضب كمانجتنا أو نظبطها بالشكل اللي احنا شايفينه ده هيريحنا جدا ومش هيريحنا بس في اللا وفي السي والدو هيريحنا حتى في بقية الحاجات هنشرح لما نيجي نكمل بقية الحروف طيب دي للتوضيح عرفنا نظبطها إزاي.
نرجع لكمانجتنا عايزين نزاكر الحروف بتاعتنا نربط العلاقات أنا دلوقتي عرفت من الصول لللا وعلمت على مكانها وعرفت إن الللا للسي وعلمت على مكانها في كمانجتي وعرف من السي للدو أنا مش عايز من وتر صول الأولاني غير هما الأربع حروف دول طيب عايز اربط العلاقة ببعضها ابدأ اعمل تمرين جديد هيفيدني في إن أنا اربط العلاقات إحنا بنحاول دايما إن احنا نبسط الدنيا عشان المعلومة تجري بشكل انسيابي خدنا الصول الفاضي وخدنا بعدها الللا وخدنا بعدها السي وخدنا بعدها الدو طب أنا عايز اربطهم الأربعة ببعض بقى اعمل إيه أعمل إيه اضطر إن أنا اربطهم مع بعض بقوس واحد قوس واحد قوس واحد عايزه يضملي كل الأربع حروف امسك كمانجتي الوضع السليم مناخيري عند البنجق بشكل سليم كوعي في مكانه المظبوط قوسي في مكانه المظبوط ابدأ اقول (يعزف الاستاذ محمود التمرين) أنا كده قولت الأربع حروف مع بعض اقولهم كمان مرة (يعزف الاستاذ محمود التمرين).
كده أنا بدأت اطلع نص السلم الموسيقي ده نص السلم الموسيقي دول اربع حروف من أصل أنا محتاج سبعة سبع حروف الموضوع بسيط جدا الموضوع بسيط جدا جدا جدا جدا مع السهولة واليسر اللي احنا بنتكلم بيه احنا بنقدر نوصل المعلومة بأبسط شكل ممكن كده احنا قولنا أربع نوت ده نص السلم الموسيقي.
احنا كده خلصنا خطوة كبيرة جدا طب أنا عايز أزاكر الأربع نوت دول كويس أوي أزاكرهم إزاي."
