يتابع الاستاذ محمود تمارين على وتر السول و عزف النوتات الأربع التي تم شرحها في الدروس الساب
محمود سرور:
"باختصار شديد جدا قوس واحد طويل وبابدأ إن أنا امشي على أول وتر فاضي (يعزف الاستاذ محمود التمرين) وارجعه (يعزف الاستاذ محمود التمرين) عشر مرات عشرين مرة بعد كده اللا (يعزف الاستاذ محمود التمرين) اللي هي أول خط أحمر عندي (يعزف الاستاذ محمود التمرين).
عشرين مرة وبعدين السي (يعزف الاستاذ محمود التمرين) رايح جاي والدو نفس الكلام (يعزف الاستاذ محمود التمرين) بعد ما اخلصهم هبدأ إن أنا اقرب المسافات شوية أخلي اللي نازل صول واللي طالع لا اللي نازل سي واللي طالع دو كده المركب تقد تمشي واحدة واحدة نبدأ (يعزف الاستاذ محمود التمرين) كمان (يعزف الاستاذ محمود التمرين).
كده الموضوع سهل وجميل كده إحنا قدرنا في الحصة دي إن احنا نوصل لمرحلة إن احنا بنقول نص السلم الموسيقي مهم جدا أحافظ على شكل قوسي أحافظ على الصوت اللي طالع مني يكون صوت واحد كل النوت عندي تكون بنفس الفولاستي يعني مفيش نوتة عالية ونوتة واطية كل النوت تبقى صوتها واحد ارتفاع اللاود نفسه بتاع الصوت يبقى واحد ماعملش صوت عالي ماتبقاش السي عالية والدو واطية لأ عايز أحافظ على نفس الصوت (يعزف الاستاذ محمود التمرين).
النوتة بتتغير بس بس نفس ارتفاع الصوت ونفس خامة الصوت كمان مايبقاش نوتة (يعزف الاستاذ محمود التمرين) ونوتة(يعزف الاستاذ محمود التمرين) لأ عايز كله نفس الصوت هقول التمرين ده عشرين مرة تلاتين مرة طب يا استاذ محمود هل إحنا هنطلع بس مش هننزل يعني اقول صول لا سي دو ومش هننزل لأ إحنا ممكن نقول دو سي لا صول ننزلهم ده تمرين تاني ده تمرين تاني من علاقات الربط بين الأربع حروف يعني ممكن اقول (يعزف الاستاذ محمود التمرين) وآجي انزل (يعزف الاستاذ محمود التمرين).
كده احنا طلعناهم ونزلناهم لإن انت ممكن تحتاج تطلع السلم وممكن تحتاج ننزل السلم وعشان كده سموه سلم يا بنطلع يا بننزل احنا شوفنا الطالع وزاكرناه ابدأ بردو أشوف النازل (يعزف الاستاذ محمود التمرين) وبعدين هنعمل إيه بعد كده عايز نفس الحروف دي قبل ما اطلع منها وامشي عايزن نقول إن احنا ممكن نعمل قوس واحد بيقول حرفين إزاي بدل ما اقول (يعزف الاستاذ محمود التمرين) في قوس (يعزف الاستاذ محمود التمرين) ودي في قوس أنا ممكن اقول (يعزف الاستاذ محمود التمرين).
الله يعني ممكن قوس واحد يساع اتنين آه يساع اتنين ويساع تلاتة ويساع اربعة ممكن اقول (يعزف الاستاذ محمود التمرين) قوت الاربع نوتات في قوس واحد ممكن ازاكر (يعزف الاستاذ محمود التمرين) لغايط كده أنا هكتفي بالقدر ده في الحصة دي وبأمر الله.
في الحصة الجاية نتكلم عن وظيفة القوس في تغيير نفس أشكال ونفس النوتات بس بغير شكلها عن طريق القوس في الطويل وفي القصير في المقطع وفيه المربوط لغايط كده مش هاتعبكو معايا وهكتفي بالقدر ده سلام عليكو."