يعطي الأستاذ محمود تمرين للتركيز على أهمية وضعية الأصابع خلال مسك القوس و احتكاك القوس على آلة الكمان و على وتر و ينصح يعدم الانتقال الى الدرس القادم الا في حال اتقان هذا التمرين , مع أهمية المحافظة على مكان قوس La .الكمان بالشكل الصحيح.
محمود سرور:
"السلام عليكم ورحمة الله وبركاته معاكم محمود سرور عازف الكمان المصري من اعزف دوت كوم.
النهاردة بتكلم معاكم في الدرس الخامس لتعليم الكمانجة مسكنا الكمانجة مسكنا الكمانجة ومسكنا المسكة الإيد الشمال الصحيجة ومسكنا الإيه القوس ومسكنا الإيد اليمين صحيحة بشكل صحيح كل حاجة في مكانها سليم اتزان القوس سليم تمريننا سليم وعايزين نبدأ نحرك القوس على الأوتار.
كمانجتي ممسوكة بشكل سليم قوسي ممسوك بشكل سليم بحط القوس على الكمانجة ومن عند الكعب ببدأ إن أنا امشي بالقوس على الكمانجة بالشكل ده (يعزف الاستاذ محمود التمرين) الله القوس خلص يا استاذ محمود طب ده انا بشوف الراجل بيعزف حاجات كتير أوي انت عزفتلي حاجة صغيرة والقوس بتاعك خلص طب اعمل إيه لما يخلص القوس اعمل إيه ارجع بيه تاني يعني أنا خلصت هنا عند طرف القوس ارجع بيه تاني (يعزف الاستاذ محمود التمرين).
كده ببدأ إن انا اقدر اطلع صوت من الآلة النازل (يعزف الاستاذ محمود التمرين) احافظ على المكان اللي في الوسط القوس مايعوجش مني كده ولا يعوج من كده ماسك القوس بتاعي بشكل سليم وماسك الكمانجة بتاعتي بشكل سليم وبحرك القوس في مكانه الصحيح في الوسط بين آخر المرايا وبداية الفرسة وبحرك القوس بالشكل ده (يعزف الاستاذ محمود التمرين) لا يمين ولا شمال لا يمين ولا شمال (يعزف الاستاذ محمود التمرين).
يخلص القوس كعب القوس انزل تاني (يعزف الاستاذ محمود التمرين) واراعي إن انا نفس الصوت اللي طالع هو اللي نازل اعمل صوت تاني لأ نفس الصوت اللي نازل (يعزف الاستاذ محمود التمرين) هو اللي طالع (يعزف الاستاذ محمود التمرين).
نفس الصوت اللي نازل هو اللي طالع (يعزف الاستاذ محمود التمرين) طب يا استاذ محمود احنا شوفنا وانت بتعزف دلوقتي في حاجات بتطلع ضعيفة وفي حاجات بتطلع قوية المفروض إيه اللي يحصل المفروض إن أنا اقدر أوصل بمرحلة بعد ما ازاكر القوس واتزان القوس ومسكة القوس بشكل سليم إن أنا اوصل لمرحلة إن أنا أوحد صوت الكمانجة الصوت اللي طالع من الكمانجة لازم يطلع صوت واحد يعني مايجيش حتة ضعيفة (يعزف الاستاذ محمود التمرين) واعمل كده قوية (يعزف الاستاذ محمود التمرين).
وبعد كده أقوى (يعزف الاستاذ محمود التمرين) ويترعش مني (يعزف الاستاذ محمود التمرين) رعشة القوس دي معناها إن أنا مازكرتش كويس (يعزف الاستاذ محمود التمرين) رعشة القوس دي معناها إن أنا مازكرتش كويس والقوس اتعوج مني لو أنا محافظ بالشكل السليم (يعزف الاستاذ محمود التمرين).
ماشي في مكاني المظبوط القوس مابيترعش لإن ذاكرة اتزان لو أنا مازكرتش الاتزان بقى ايه اللي هيحصل هاجي عند المرحلة دي هلاقي نفسي (يعزف الاستاذ محمود التمرين) قوسي بيترعش في حاجة مش مظبوطة ليه أنا ماحبتش إن أنا اتخطى معاكو مراحل وحبيت إن احنا ناخد كل مرحلة تاخد وقتها لإن أنا هنا هبدأ أعاني من مشكلات عدم الإخلاص في المراحل اللي سبقت لو أنا ماخلصتش في المراحل اللي سبقت طب أنا هزاكر عشر دقايق ليه بس ما أنا بس أهو بثبت القوس أهو لأ ده أنا بعود إيدي بعود أعصابي بعود الأربطة بتاعتي على إن أنا أوزن القوس عشان مايترعش مني لما آجي اطلع صوت عايز القوس بتاعي ينزل سليم (يعزف الاستاذ محمود التمرين).
ويطلع سليم نفس الصوت (يعزف الاستاذ محمود التمرين) أحلى حاجة ممكن توصلها من التمرين ده إن انت ماتحسسنيش إن القوس طلع ولا نزل يعني امشي كده (يعزف الاستاذ محمود التمرين) شايف دي (يعزف الاستاذ محمود التمرين) لما نزل وحبيت اطلع تاني عملت وقفة لأ مش عايز اعمل الوقفة دي عايزك (يعزف الاستاذ محمود التمرين) حاول ماتبينهاش يبقى شكله من غير كخخخ اللي بتحصل دي (يعزف الاستاذ محمود التمرين) راحت أهي مع التمرين (يعزف الاستاذ محمود التمرين) بحيث إن أنا اقدر أوصل لصوت متصل لو أنا قدرت أوصل لصوت متصل مفهوش أي انقطاع يبقى أنا كده قوسي مشي بشكل سليم."
