يبدأ الاستاذ محمود بتذكير الطالب بالدروس السابقة حيث ينصح باتقان الدروس السابقة و أخذ الوقت الكافي قبل الانتقال للدروس القادمة. يذكر الاستاذ محمود باسماء الاوتار الاربعة لآلة الكمان , ثم ينتقل الى شرح الطريقة السليمة لاستخراج الصوت من الكمان باستعمال القوس , و يبدأ بتوضيح المكان السليم لوضع القوس على الآلة , يبين الاستاذ محمود عن ضرورة وضع القوس في وسط المكان المثالي حتى يتم استخراج الصوت بشكل سليم مع ضرورة المحافظة على المسكة السليمة للقوس و للكمان معًا. ينوه الاستاذ السرور بان اول احتكاك بين القوس و و ذلك لأنه أسهل الاوتار للتعامل , و بذلك ينهي الأستاذ La الكمان للمبتدئين هو احتكاك كعب القوس مع وتر .الدرس الرابع في دورة تعلم الكمان.
محمود سرور:
"سلام عليكم ورحمة الله وبركاته معاكم محمود سرور عازف الكمان المصري من اعزف دوت كوم.
النهاردة هنتكلم عن الدرس الرابع خدنا درس كامل في مسكة الكمانجة والإيد الشمال وخدنا درس كامل في مسكة القوس والإيد اليمين.
طب ليه يا استاذ محمود انت مادتناش الدنيا كلها على بعضها كده اقولوكو ببساطة لإن لازم كل مرحلة بنتكلم فيها لازم تاخد منك وقت لازم تاخد منك وقت لما بديك درس تمسك الكمانجة أنا عايزك تمسك الكمانجة وتعمل التمرين اللي أنا بقولك عليه ده لمدة ع الأقل ع الأقل اسبوع.
طيب تعالو النهاردة نقول كلام جديد ماقولناهوش قبل كده احنا بس بنفتكر مع بعض اللي فات القوس التلات اجزاء بتوعه اللي قولنا عليهم مسكة القوس مسكة الكمانجة طيب ما تيجي نعرفهم على بعض نعرف بقى القوس ع الكمانجة نشوف هيطلعو من بعض صوت ازاي الصوت بيحصل نتيجة احتكاك القوس بالأتوتار القوس بالأوتار أنا عندي في الأول قبل ما نعرف على بعض اعرفكو على اسماء الأوتار طالما هنبدأ نتعامل معاها ماينفعش نبدأ نتعامل مع الأوتار من غير ما نبدأ نتعرف على أسماء الأوتار.
طيب هنتكلم الأول عن أسماء الأوتار بالشكل التقليدي الكلاسيكي الغربي الغربي الكمانجة آلة غربية فلما آجي اتكلم عن أساسها اتكلم عن الشكل الأساسي التقليدي الغربي الكمانجة بتتظبط الأربع أوتار بيتظبطو كالآتي.
أول وتر تحت ده أنا بسميه صول أول وتر تحت ده أنا بسميه صول تاني وتر ده بسميه ري تاني وتر بسميه ري تالت وتر بسميه لا تالت وتر بنسميه لا رابع وتر بنسميه مي عندي هنا مكان ما بين نهاية المراية المكان اللي ما بين نهاية المراية وما بين الفرسة هو ده المكان اللي القوس هيمشي فيه آدي الكمانجة عندي وآدي الفرسة وآدي المراية نهاية المراية وبداية الفرسة هو ده مكان القوس.
طب يا استاذ محمود انت قولتلي اه هعزف ما بين آخر المراية والفرسة طب أنا ينفع آجي اعزف كده ( يعزف الستاذ محمود التمرين ) هل ينفع اعزف كده لأ ما ينفعش اعزف كده لازم يكون القوس بالزبط ما بين زي ما احنا شايفين القوس ماشي في الوسط بالظبط احنا دلوقتي هنتكلم عن مكان القوس الطبيعي عشان أطلع صت الآلة الطبيعي لازم امشي في الوسط بالظبط وامشي في خط مستقيم امشي في خط مستقيم أنا مش هبدأ الاحتكاك بالآلة بوتر الصول ليه يا استاذ محمود مش هتبدأ احتكاك بوتر الصول انت قولتلتا إن ده أول الأوتار ليه مش هنبدأ بوتر الصول عشان ماتعبكوش.
تعالو نشوف ليه مش هنتعب لو أنا ماسك الكمانجة وجيت اعزف من وتر الصول شوف إيدي عملت شوف ده الشكل ده بقى عامل إزاي عشان أوصل لوتر الصول أنا فيه معاناة إن أنا أوصل لوتر الصول طب أنا عايز أبدأ بوضع جسمي الطبيعي آدي وضع جسمي الطبيعي لو بصينا عليها هتلاقي نفسك بالطبيعي بتاعك بادئ بوتر لا أول احتكاكنا بالآلة أول احتكانا بالآلة هنتكلم مع وتر لا.
هبدأ إن أنا عايز اتحرك على وتر لا بسهولة ويسر إزاي ابدأ اتحرك احنا عندنا خدنا تمارين للقوس إزاي أوزن القوس وزنت القوس ومسكت القوس مظبوط بشكل سليم ومنطقي محافظ على كعب القوس ومحافظ على وسط القوس ومحافظ على طرف القوس.
طيب ابدأ من كعب القوس وابدأ اعمل عملية الاحتكاك اللي هتطلعلي الصوت هبدأ آخد من كعب القوس حط كعب القوس على الكمانجة وابدأ في مكانه السليم اللي هو مكانه اللي في الوسط ما بين نهاية المراية وبداية الفرسة اظبط كعب القوس على المكان اللي في الوسط وابدأ إن أنا من كعب القوس.
عايز أوصل اعدي القوس ده كله على وتر لا اللي هو يعتبر تالت وتر عندي ببدأ إن أنا احط الوتر ببدأ احط سوي أنا آسف القوس ببدأ احط القوس في مكان متوسط ما بين الفرسة والمراية في الوسط بالظبط وابدأ احط كعب القوس وابدأ ألمس القوس والوتر لغايط كده أنا مش عايز منكو اكتر من كده ليه مش عايزكو تتخطو مراحل لإن لما بنتخطى مراحل ما بني على باطل فهو باطل لو أنا اتخطيت راحل وبدأت في المرحلة الجديدة علطول معدتش على دي صح وخدت منها اللي أنا عايزه هاجي بعد كده ألاقي قوسي بيعمل كده لأ أنا عايز اظبط قوسي الأول إنه هو يمشي في الوسط.
لغايط كده مش هتقل عليكو ويكون درسنا خلص وإن شاء الله في الدرس الجاي نقدر نشوف إزاي هينشي القوس على الكمانجة."
