يبدأ الاستاذ محمود سرور بشرح الطرق المتعددة لعزف النغمات باستخدام الاجزاء الثلاثة للقوس و يوضح الفرق بين كل جزء , مع اعطاء تمرين على ذلك. ينتقل بعدها الى وتر .Mi Fa Sol و هي Re مع اسماء النوتات الثلاثة الأخرى الموجودة على وتر.
محمود سرور:
"السلام عليكم ورحمة الله وبركاته معاكم محمود سرور من اعزف دوت كوم.
النهاردة هنتكلم في الحصة دي عن احنا قلنا على وتر صول إحنا عملنا صول لا سي دو النهاردة هنتكلم عن وتر تاني اللي هو وتر ري بس قبل ما ابدأ بوتر ري عايزين نخلص موضوع القوس اللي احنا قولنا هنتكلم فيه إزاي القوس بيغير شكل الحروف بيغير شكل النوت بيغير طعم الموسيقى طيب تعالو نتكلم في القوس ده أصل القوس ده بردو موضوع كبير ماينفعش نفصل فيه فجأة كده القوس ده هو اللي بيحددلي شكل الموسيقى إزاي أنا ممكن اقول بالتجريب كده (يعزف الاستاذ محمود التمرين).
ده شكل عندي شكل تاني ممكن اقول (يعزف الاستاذ محمود التمرين) طب تعالى نفتكر مع بعض لما قولنا إن احنا بنقسم القوس تلات أجزاء ليه كنا بنقسمه تلات أجزاء تعالو بقى عشان نتفق مع بعض عندنا طرف القوس أنا لو عايز أزاكر دلوقتي طرف القوس هعمل إيه هقول هاستخدم الجزء ده بس الجزء اللي هو ده طرف القوس بس اقول (يعزف الاستاذ محمود التمرين).
ده بالنسبالي تمرين لازم يتقال يوميا ممكن عشرين مرة تلاتين مرة خمسين مرة زي ما تقدر تقوله (يعزف الاستاذ محمود التمرين) ده تمرين لتقوية طرف القوس طب وسط القوس عايز اعمل نفس التمرين عشان أقوي وسط القوس امسك منطقة الوسط بتاعت القوس ابدأ أمررها نفس التمرين (يعزف الاستاذ محمود التمرين) كويس أوي كام مرة هعمل بردو عشرين تلاتين مرة مفيش مشكلة أي خير بتعمله هتلاقيه هيعودلك ماتقلقش يعني بعد كده عندي كعب القوس بردو نفس الكلام امسك كعب القوس لما آجي أزاكر كعب القوس أو وسط القوس أو طرف القوس ماحولش إن أنا اروح للمكان التاني يعني ماحولش لو أنا بزاكر كعب ماحولش إن أنا اروح لوسط القوس خلي تركيزي كله على كعب القوس (يعزف الاستاذ محمود التمرين).
وبعدين عندنا أشكال تانية ممكن اقول (يعزف الاستاذ محمود التمرين) وبوسط القوس (يعزف الاستاذ محمود التمرين) خدنا بالنا إن تحت الصوت اقوي شوية طب لو جينا نقول بالطرف (يعزف الاستاذ محمود التمرين) كل مكان لو احنا خدنا بالنا له صوت معين كل مكان في القوس له صوت معين طيب تعالو بعد ما خلصنا موضوع القوس تعالو نتكلم عن وتر ري.
طيب إحنا قولنا على الكمانجة بتاعت التعليم إن احنا عندنا وتر صول عملنا بعد اتنين سنتي حطينا اللا وحطينا السي بعد اتنين سنتي تانية وعندنا الدو الدو بعد نص تون طيب لو روحنا على وتر ري هل نقدر نستخدم نفس العلامات دي اقولك آه نقدر نستخدمها إزاي يا استاذ محمود نقدر نستخدم مش العلامات دي بتاعت وتر صول اقولك لأ العلامات دي ماشية على كل الأوتار العلامات دي ماشية على كل الأوتار هتنفعنا في كل الأوتار يعني أنا هيبقى عندي الوتر الجديد ري الوتر الجديد هيبقى ري طيب أول خط ده هيبقى عندي هيقول إيه النوتة اللي بعد الري ري مي يبقى أول خط عندي هدوس عليه هابص ألاقي المي جت علطول.
آدي الفكرة مبسطة أنا لما باحط الخط ده زي ما بيزبطلي اللا جنبها بالظبط هلاقي مكان المي جنبها بالظبط هلاقي مكان المي بس بدل ما باضغط على وتر صول هاضغط على وتر ري لما اضغط على وتر ري هلاقي أول نوتة بعد نوتة ري اللي هي نوتة مي على نفس الشرطة اللي هي عملتها بتاعت اللا طيب يا استاذ محمود طب والشرطة اللي بعدها هتجيبلنا إيه قولتله هتجيبلك النوتة الجديدة انت بعد مي عندك إيه دو ري مي فا صول يبقى أنا على الشرطة الجديدة دي هلاقي نوتة الفا هلاقي نوتة الفا مكان الشرطة بتاعت السي اللي كانت على وتر الصول في نفس المكان عليها اللي هي بالصوباع التاني هلاقي نوتة الفا طيب وهل الشرطة التالتة يا استاذ محمود بردو اللي جابتلنا الدو على وتر صول ليها قيمة على وتر ري اقولك آه هتجيبلنا النوتة اللي بعدها.
الله ده الموضوع سهل بقى ده احنا كده الموضوع سهل ده الموضوع كله هما التلات شرط دول اقولك آه هو الموضوع كله هما التلات شرط دول السر كله فين السر كله في التلات شرط دول إزاي بانظم دماغي في إن أنا احفظ تلات أماكن لتلات صوابع وممكن من خلالهم اقدر اعزف كمانجة ده اللي أنا عايز أوصلك ليه إن احنا عندنا التلات أماكن دول لو اتحفظو صم انت هتمشيهم على وتر ري هيطلعولك نوت هتمشيهم على وتر لا هيطلعولك نوت هتمشيهم على وتر مي هيطلعولك نوت."
