ادخل بريدك الإلكتروني لتبدأ مجاناً الآن

أو

بالضغط على الزر اعلاه اوافق على شروط واحكام موقع إعزف
قوس الكمان (متابعة

في هذا الجزء ينهي الاستاذ النصائح المهمة التي تمكن الطالب من مسك القوس بشكل صحيح , و يراجع سريعًا ما تطرق اليه في الأجزاء السابقة. ويعطي تمرين للتمكن و التحكم بالقوس.


محمود سرور:


"طيب أنا كده مسكت القوس طيب هل المسكة دي مريحاني؟.


المسكة دي لازم تريحني لازم تريحني ليه لإن أي مسكة تانية للقوس بعد كده بتإذيني لو أنا اتعلمت يا اخونا مسكة الإيد الشمال صح ومسكة الإيد اليمين صح.


بعد كده برتاح في حياتي ليه لإن المسكة دي سواء بالإيد اليمين أو بالإيد الشمال معمول حسابها ومدروسة إن هي دي اللي هتريحني بعد كده في كل أشكال القوس اللي ممكن احتاجها طيب أنا مسكت حطيت صوباعي الإبهام في التجويف في الأول للقوس وحطيت صوابعي رصيتهم فوق وده إتنى شوية السبابة إتنى شوية عشان أمسك أملك القوس وده وازن القوس.


طب ده عمل إيه كل ده وازن كل ده وان لو رفعت كده بحط ده بيرفع معايا القوس بحط ده بيرفع معايا بحط ده بيكمل وزنة القوس بشكل سليم طيب تعالو نتفق إن احنا لو جيبنا كورة البينج بونج كورة البينج بونج اللي احنا عارفينها كلنا وحطيناها جوه إيدنا حطيناها جوة التجويف بتاع الإيد وضميت إيدي عليها لما أنا بمسك كورة البينج بونج واضم إيدي عليها كده هي دي مسكة القوس الصحيحة اقدر اعمل التمرين ده في اليوم.


ممكن لو عايز عشر مرات امسك كورة البينج بونج واضغط عليها عشان أبدأ أشكل شكل إيدي لإن أنا مش عايز امسك القوس يبقى صوابعي مفرودة لأ أنا عايز شوية تقويس في الصوابع بامسك كورة البينج بونج وباضغط بإيدي عليها عشان ارسم رسمة الإيد هنا صوابعي مفرودة الإيد هنا ليها شكل مختلف كإنك قابض على كورة البينج بونج.


طيب بعد ما اعمل التمرين ده ممكن اعمله مثلا عشر دقايق التمرين ده عشر مرات يوميا امسك كرة البينج بونج وابدأ أشكل إيدي عليها لو ملكت القوس لو ملكت القوس اقدر إن أنا اتحرك بيه في كل التجاهات اللي أنا عايزها بشكل سليم ويسير يعني اقدر إن أنا ارفع القوس كده اقدر أنزل القوس تحت القوس مابيتهزش معايا القوس ثابت لو القوس بيعمل مني كده يبقى.


أنا مش ماسك القوس أهو وزن الإيد طالما شكل الإيد باظ خلاص وزن الإيد خلصت إنما لو أنا ماسك القوس سليم خلاص القوس في إيدي اقدر اتحكم فيه اطلع يمين يمين شمال فوق تحت أنزل تحكم كامل لو قدرت إن أنا أوصل بإيدي إن أنا القوس يبقى بإيدي زي بقية صوابعي يمين شمال يبقى أنا كده بدأت إن أنا امسك القوس بشكل صحيح مش هتعبكو النهاردة معايا.


أنا بس النهاردة عايز أمسك القوس وعايز اتمرن على مسكة القوس طيب أنا القوس بالنسبالي خلص كده لأ ماخلصش إزاي اقدر أزاكر مسكة القوس أنا لازم اعمل تمرين كده زي ما انا ماسك القوس كده أمسك القوس كده أحافظ على إنه مايتهزش في إيدي لا فوق ولا تحت ثابت خمس دقايق خمس دقايق القوس يفضل ثابت بالشكل ده أحافظ على إن أنا الزاوية دي ماتنزلش لا كده ولا كده أنا هنا بعمل إيه أنا هنا بعود صوباعي ده على التحكم في القوس وبعود صوباعي ده على وزن القوس لو صوباعي ده اتعمل لأ أنا بعود صوباعي إن هو حتى مايعملش كده فيطلع القوس فوق ومايعملش كده فينزل القوس تحت.


لأ أنا عاوز أعوده إن أنا أوزن القوس ليه بعوده إن أنا أوزن القوس عشان لما آجي أعزف الأوتار في الكمانجة جنب بعضها الأوتار في الكمانجة جنب بعضها فيها إنسيابية بسيطة فيها إنحناءة بسيطة في الفرسة اللي اتكلمنا عنها الإنحناءة دي الفرسة منحنية كده بس الوتر جنب الوتر طب أنا ليه بعود القوس على إنه يببقى موزون وثابت عشان لما آجي اعزف على وتر مايخبطش في الوتر التاني ما هو لو خبط في الوتر التاني هيديني نوت تانية أنا مش عايزها أنا عايز نوتة واحدة فلازم يبقى القوس موزون قدامي إن أنا اقدر اتحرك بكل القوس في خط مستقيم بحيث إن أنا ماخمبطش في الأوتار التانية بحيث إن أنا ماخبطش في الأوتار التانية.


لما هزاكر التمرين ده أعود نفسي وأعود إيدي على ثبات القوس في البداية ممكن أمسك أسند بإيدي كده عشان خاطر ماتقلش على إيدي ولو إيدي تعبت أعمل إيه أسيب القوس فورا لو إيدي تعبت أعمل إيه أسيب القوس فورا ليه لإن عضلات الإيد أنا لو مابعزفش كمانجة ماقدرش أمسك القوس كده عشر دقايق على بعض ليه لإن أعصاب إيدي متعودة إن هي مش شايلة حاجة أنا لما آجي فجأة اشيل شنطة فيها فاكهة فيها لحمة فيها أي حاجة ماسك الشنطة طبيعي إن أنا باتعب ليه باتعب لإن أنا إيدي مش واخدة على شيل الحمل ده القوس حمل و وزن واتزان فهلاقي صوباعي ده بعد ما كان فاضي لأ ده شايل مسؤولية ده شيء جديد على العضم فالعضم بيبدأ يتأقلم على الوضع الجديد. طيب إذا حسيت بألم ده معناه إيه معناه إن الجسم رافض لو الجسم رافض لازم إن أنا اسيب القوس أنزل القوس النهاردة مش هنتكلم اكتر من كده عن القوس وهختم معاكو حلقتي دي بإن احنا اتعرفنا على القوس أجزاء القوس قطع القوس مسكة القوس تمارين الاحتفاظ باتزان القوس."


فيديوهات دروس الدورة - تعلم الكمان مع محمود سرور
1.1 مقدمة عن آلة الكمان Opened 07:32
1.2 قوس الكمان Opened 06:25
2 طريقة استخراج الصوت الصحيح من الكمان Opened 07:00
3.1 قوس الكمان Opened 05:20
3.2 قوس الكمان (متابعة Opened 05:43
4 استخراج الصوت السليم من الكمان Opened 05:55
5.1 تمرين على استخدام القوس Opened 04:37
5.2 تمرين أهمية وضعية الاصابع خلال مسك القوس Opened 05:24
6.1 دوزان آلة الكمان Opened 06:15
6.2 تمرين التنقل بين أوتار الكمان Opened 05:25
7.1 تمرين التنقل بين أوتار الكمان كاملة Opened 05:17
7.2 تمرين التنقل بين أوتار الكمان كاملة Opened 05:48
8 عزف النوتات الموسيقية على الكمان Opened 07:16
9.1 عزف النوتات الرئيسية من الوتر صول Opened 03:54
9.2 تحديد الموقع الصحيح للأصابع على زند الكمان Opened 05:40
10.1 تحديد الموقع الصحيح للأصابع و تمرين على نوتات الوتر صول Opened 04:22
10.2 تمارين على عزف نغمات الوتر صول Opened 04:11
11.1 أشكال العزف المختلفة باستخدام القوس و مقدمة عن وتر ري Opened 05:38
11.2 عزف النوتات الرئيسية من وتر ري Opened 04:32
12 عزف النوتات الرئيسية من الوتر لا Opened 03:45
13 عزف النوتات الرئيسية من وتر مي Opened 07:01
14.1 تقنية الاهتزاز او فايبراتو Opened 05:49
14.2 تقنية الاهتزاز أو فايبراتو خلال العزف | متابعة Opened 04:11
15.1 عزف تقنية تريل Opened 05:32
15.2 تطبيقات و نصائح على تقنية تريل Opened 05:08
16 عزف تقنية الزحلقة او جليساندو Opened 04:52
17 عزف تقنية ستكاتو Opened 06:31
18 تمارين عملية Opened 06:48
19 عزف أغنية أهواك لعبد الحليم حافظ Opened 06:40