ادخل بريدك الإلكتروني لتبدأ مجاناً الآن

أو

بالضغط على الزر اعلاه اوافق على شروط واحكام موقع إعزف
تقنية الاهتزاز او فايبراتو

خلال العزف يشرح الاستاذ محمود معنى كلمة محسنات , ثم يتطرق الى طريقة عزف الاهتزاز او Vibrato .مع اعطاء أمثلة على ذلك. يشرح بعد ذلك انواع الاهتزاز مع اعطاء أمثلة ايضًا و توضيح الفرق بين كل نوع.


محمود سرور:


"سلام عليكم ورحمة الله وبركاته معاكم محمود سرور عازف الكمان المصري من اعزف دوت كوم.


النهاردة الدرس الأربعتاشر هنتكلم فيه عن إزاي باقدر أحط محسنات للنوتة يعني إيه محسنات للنوتة اقولك يا سيدي يعني أنا عندي لما باجي اعزف صول لا سي دو على سبيل المثال على وتر صول تعالى نسيب بقية الأوتار دلوقتي الحرف اللي باحط عليه صوباعي وبادوس عليه الحرف بيطلع ناشف شوية لو قولت صول (يعزف الأستاذ محمود التمرين) حرف ناشف شوية حرف أجش عايز أخليه يعني حنين شوية أعمله إيه طيب أنا لو حركت صوباعي شوية كدة هزيت صوباعي شوية هيديني سنة إحساس طيب تعالو نشوف كده لو قولنا (يعزف الأستاذ محمود التمرين) خدنا بالنا دي (يعزف الأستاذ محمود التمرين) حاجة ودي (يعزف الأستاذ محمود التمرين).


ده حاجة اسمها فايبراتو الفايبراتو هو اهتزاز للصوباع على النوتة عشان اعمل فيها شيء من الليونة شيء من النعومة أوكي طيب الفيبراتو ده أنا باحطه على نوتة لا بس لأ أنا ممكن احطه على أي نوتة يعني لو قولنا سي (يعزف الأستاذ محمود التمرين).


هي اهتزاز بسيط أهم حاجة في الفيبراتو إن أنا باثبت صوباعي الأول لإن مدرسة العزف على الكمانجة هي مدرسة بصمة لازم بابصم على المكان اللي أنا باعزف عليه لما بابصم ع المكان اللي أنا باعزف عليه وبادوس بإيدي جامد باحقق معادلة تقصير الوتر اللي بيديني فريكونسي النوتة اللي احنا اتفقنا عليها طيب لما بادوس جامد بتطلع النوتة نضيفة لازم أعود صوباعي إن هو يدوس جامد على النوتة عشان أقدر احقق نوتة سليمة وصوت سليم طيب لما باحقق الصوت سليم ده بيطلع ناشف شوية بيبقى محتاج شيء من المحسنات بابدأ احط أدور إن أنا احطله فيبراتو الفيبراتو اللي هو هز الصوباع بشكل شبه موحد أو شبه ثابت عشان خاطر أوصل لنوتة أحن شوية من النوتة أو أحسن من صوتها وأدائها أهم حاجة في الفيبراتو إن أنا بابصم بصوباعي كويس أبصم بصوباعي كويس على الوتر بشكل أسمعه ودني تسمعه (يعزف الأستاذ محمود التمرين).


ولما صوباعي يبصم كويس ع الوتر ابدأ إن أنا احرك الصوباع ماحركوش في مكانه مكانه احرك الصوباع من فوق احرك عقلة الصوباع إنما بطن الصوباع تعالى نتفق تعالى نقسمها إن احنا عندنا عقلة الصوباع العقلة دي عقلة الصوباع أهو اتنين تلاتة وعندنا بطن الصوباع بطن الصوباع اللي هو الحتة دي الجزء ده ده ده بطن الصوباع ده بطن الصوباع بطن الصوباع مابيتحركش بطن الصوباع ماسك النوتة السليمة (يعزف الأستاذ محمود التمرين) الفيبراتو بيكون من الإيد من الإيد كلها ومن الصوباع نفسه (يعزف الأستاذ محمود التمرين) نوتة دو (يعزف الأستاذ محمود التمرين) طب صول (يعزف الأستاذ محمود التمرين).


الله ده الصوت كده أحسن طب اسمعو معايا كده لو قولنا (يعزف الأستاذ محمود التمرين) حلوة ولا دي (يعزف الأستاذ محمود التمرين) دي شوية فيها قلب شوية يعني فيها حس طب الفيبراتو ده كام نوع الفيبراتو ده كام نوع أنا عندي كام نوع من الفيبراتو أنا عندي نوعين من الفيبراتو مش كتير بس لازم اعرفهم عشان خاطر لكل جملة ولكل شكل موسيقي احتياجه فيه حاجة بتحتاج الفيبراتو السريع اللي هو فيبراتو بيسموه الفيبراتو الكلاسيك اللي هو (يعزف الأستاذ محمود التمرين) اقول (يعزف الأستاذ محمود التمرين).


ده فيبراتو السريع طب في الشرقي عندنا في العربي بنعمل إيه في الشغل العربي مابنعملش الفيبراتو السريع ده ماينفعش معانا إحنا الفيبراتو بتاعنا أهدى شوية إحنا أهدى شوية منهم فبتلاقي الفيبراتو بتاعنا (يعزف الأستاذ محمود التمرين) ابطأ شوية لو خدنا بالنا الفيبراتو لما بيبطأ شوية بيميل لشرقيتنا شوية إحنا عندنا كعرب إحنا بنحب الفيبراتو البطيء شوية غير الكلاسيك الفيبراتو بتاعهم سريع (يعزف الأستاذ محمود التمرين).


عشان خاطر يدي قوة في العزف وبيدي جثارة للحرف بيخلي الحرف ثابت وقاطع إحنا بالنسبالنا بنحب نبطأ الفيبراتو شوية طيب عشان أزاكر الفيبراتو اعمل إيه عشان أزاكر الفيبراتو أعمل إيه رقم واحد أثبت صوباعي أثبت بطن الصوباع فين بطن الصوباع إحنا قولنا آدي عقلة اتنين تلاتة عقلة اتنين تلاتة بطن الصوباع هو ده بطن الصوباع ده هو اللي بيبصم على النوتة اللي أنا عايز أعمل عليها فيبراتو أو هو اللي بيبصم ع النوتة.


عموما اللي أنا باتكلم عنها لو روحنا على وتر ري مش كل الأمثلة هتبقى على وتر صول بردو نفتكر مع بعض إن فيه أوتار تانية مش عايزين كل الكلام يبقى على وتر صول أو ممكن اتكلم على وتر لا مفيش مشكلة يعني إحنا بنحدد المهم إحنا اتفقنا ع التلات شرط بتوعنا إياهم اللي احنا بنشتغل بيهم وتعالو بقى نتكلم على وتر ري على وتر لا على وتر مي معنديش مشكلة."


فيديوهات دروس الدورة - تعلم الكمان مع محمود سرور
1.1 مقدمة عن آلة الكمان Opened 07:32
1.2 قوس الكمان Opened 06:25
2 طريقة استخراج الصوت الصحيح من الكمان Opened 07:00
3.1 قوس الكمان Opened 05:20
3.2 قوس الكمان (متابعة Opened 05:43
4 استخراج الصوت السليم من الكمان Opened 05:55
5.1 تمرين على استخدام القوس Opened 04:37
5.2 تمرين أهمية وضعية الاصابع خلال مسك القوس Opened 05:24
6.1 دوزان آلة الكمان Opened 06:15
6.2 تمرين التنقل بين أوتار الكمان Opened 05:25
7.1 تمرين التنقل بين أوتار الكمان كاملة Opened 05:17
7.2 تمرين التنقل بين أوتار الكمان كاملة Opened 05:48
8 عزف النوتات الموسيقية على الكمان Opened 07:16
9.1 عزف النوتات الرئيسية من الوتر صول Opened 03:54
9.2 تحديد الموقع الصحيح للأصابع على زند الكمان Opened 05:40
10.1 تحديد الموقع الصحيح للأصابع و تمرين على نوتات الوتر صول Opened 04:22
10.2 تمارين على عزف نغمات الوتر صول Opened 04:11
11.1 أشكال العزف المختلفة باستخدام القوس و مقدمة عن وتر ري Opened 05:38
11.2 عزف النوتات الرئيسية من وتر ري Opened 04:32
12 عزف النوتات الرئيسية من الوتر لا Opened 03:45
13 عزف النوتات الرئيسية من وتر مي Opened 07:01
14.1 تقنية الاهتزاز او فايبراتو Opened 05:49
14.2 تقنية الاهتزاز أو فايبراتو خلال العزف | متابعة Opened 04:11
15.1 عزف تقنية تريل Opened 05:32
15.2 تطبيقات و نصائح على تقنية تريل Opened 05:08
16 عزف تقنية الزحلقة او جليساندو Opened 04:52
17 عزف تقنية ستكاتو Opened 06:31
18 تمارين عملية Opened 06:48
19 عزف أغنية أهواك لعبد الحليم حافظ Opened 06:40