يشرح الأستاذ محمود تقنية جديدة في العزف على الكمان و هي Glissando او الزحلقة و الأماكن المستخدمة في عزف هذه التقنية مع اعطاء تمارين لهذه التقنية مع دمج التقنيات المستخدمة و بذلك يعطي الأستاذ سرور ثلاث تقنيات أساسية لعازف الكمان.
محمود سرور:
"سلام عليكم ورحمة الله وبركاته معاكم محمود سرور عازف الكمان المصري من اعزف دوت كوم.
حابب النهاردة أكلمكو عن شكل جديد من محسنات العزف على آلة الكمان.
هنتكلم عن إيه هنتكلم عن حاجة اسمها الجليساندو الجليساندو ده عبارة عن إيه الجليساندو ده عبارة عن سحبات بتحصل من نوتة للتانية زي زحلقة كده هس جليساندو عبارة عن زحلقة بمعنى أنا عايز أنقل نفسي من نوتة لنوتة عايز أقول اتحرك مثلا من اللا للسي أول حاجة باحدد نقطة الإنطلاق هابدأ من اللا و هاوصل نقطة الوصول اللي هي السي طيب أنا لو قولت العلاقة بين اللا والسي من غير الجليساندو هتبقى عاملة إزاي هتبقى كالآتي آدي اللا (يعزف الاستاذ محمود التمرين).
وآدي السي ممكن اقولها مع بعض من غير جليساندو أهو (يعزف الاستاذ محمود التمرين) ده كده من غير الجليساندو طب لو حبينا نحط عليهم جليساندو هيبقى شكلهم عامل إزاي هيبقو كالآتي (يعزف الاستاذ محمود التمرين).
الله ده صوتها حلو أوي آه صوتها حلو بتنفع كتير أوي في شغلنا الشرقي بتنفع في الشرقي كتير جدا الجليساندو ده مهم جدا كنوع من المحسنات كنوع من المحسنات لما آجي أنقل من نوتة لنوتة ها ممكن اركب تاكسي ممكن اركب قطر ممكن اركب طيارة فأنا كل حاجة وليها طعم فيه لما آجي اقول (يعزف الاستاذ محمود التمرين).
ده شكل وده (يعزف الاستاذ محمود التمرين) ده شكل تاني طيب يا استاذ محمود هو إنت كل حاجة تطلعلي من اللا للسي ماينفعش نعمل الجليساندو ده من السي لللا اقولك ينفع إزاي طيب طب لما تيجي تعمل الجليساندو من السي لللا بالعقل كده أنا هاعمل جليساندو من السي لللا طيب يبقى لازم احدد نقطة الإنطلاق نقطة الإنطلاق بتاعتي فين نقطة الإنطلاق هي السي نقطة الإنطلاق بتاعتي هي السي احط صوباعي على السي ونقطة الوصول هتبقى هي اللا لإن الجليساندو هنا من السي ورايح لللا لو أنا رايح من السي لللا من غير جليساندو طعمها إزاي الآتي اتفضل (يعزف الاستاذ محمود التمرين).
ناشفة ناشفة عايز احطلها جليساندو هتبقى (يعزف الاستاذ محمود التمرين) الله أحسن دي خلت الصوت أحسن طيب لو أنا عايز أروح وآجي أروح وآجي يعني من اللا للسي وارجع من السي لللا لو عملناهم صم أجش هيبقى (يعزف الاستاذ محمود التمرين) كمان مرة (يعزف الاستاذ محمود التمرين) مرة أخيرة (يعزف الاستاذ محمود التمرين).
ده طعم جميل وحطينا عليها فيبراتو وحطينا عليها نوع من المحسنات بردو مش مدينلكو يعني المرار كامل يعني طب أنا عايز أحليها شوية أحطلها جليساندو أعملها إزاي احدد نقطة البداية من الللا وبعدين نقطة الوصول السي وبعدين عندي بقى نقطة بداية تانية مش أنا راجع طالما راجع يبقى فيه نقطة البداية بقيت السي ونقطة الوصول بقيت اللا هيبقى الشكل كالآتي ببساطة هروح من اللا للسي (يعزف الاستاذ محمود التمرين) سهلة مفهاش حاجة صوباعي بيروح (يعزف الاستاذ محمود التمرين).
سهلة جدا أنا روحت نقطة البداية اللا (يعزف الاستاذ محمود التمرين) ومن اللا للسي (يعزف الاستاذ محمود التمرين) الله دي جميلة أوي يا استاذ محمود طب ينفع ننفذها على حروف تانية اقولك آه طبعا عايز تنفذها على إيه عايز تحطها مثلا من المي للفا آدي المي (يعزف الاستاذ محمود التمرين).
بزاكره إزاي أحدد نقطة البداية وأحدد نقطة الوصول دي لآخر مرة هاقولها عشان مانعدش الكلام مرة واتنين وعشرة أنا بس بحاول ماتنسوش مني أحدد نقطة البداية ونقطة الوصول وازحلق صوباعي من نقطة البداية لنقطة الوصول وأكون محدد نقطة البداية كويس ومحدد نقطة الوصول كويس عشان يطلع طعمها في الودن جميل وإن شاء الله نزاكر الجليساندو وكده يبقى إحنا قدرنا نوصل لتلات محسنات جمالية عندنا التريل وعندنا الفيبراتو وعندنا الجليساندو.
وبكده أكون قفلتلكو الحلقة دي وإن شاء الله الحلقة الجاية نتكلم في موضوع جديد."
