ادخل بريدك الإلكتروني لتبدأ مجاناً الآن

أو

بالضغط على الزر اعلاه اوافق على شروط واحكام موقع إعزف
عزف تقنية تريل

يشرح الاستاذ محمود تقنية او محسن جمالي جديد و هو تريل و الطريقة الصحيحة لعزف هذه التقنية على آلة الكمان و كيفية دمجها مع التقنية المسخدمة في الدرس السابق و هي فايبراتو.


محمود سرور:


"سلام عليكم ورحمة الله وبركاته معاكم محمود سرور عازف الكمان المصري من اعزف دوت كوم.


النهاردة هنتكلم عن محسن جديد من محسنات النوت حاجة جديدة بتحسن النوتة اسمها إيه الحاجة الجديدة دي اسمها تريل إيه التريل ده إيه التريل ده.


التريل ده عبارة عن إن أنا باحط صوباعي على النوتة اللي أنا عايز اعمل عليها التريل وابدأ احرك الصوباع اللي بعده يعني إذا حطيت عندي وتر صول حطيت صوباعي على اللا عايز اعمل تريل هجيب الصوباع اللي بعده اللي هو اللي بيقول السي وابدأ احركه بشكل سريع إزاي أهو الحرف أهو (يعزف الاستاذ محمود التمرين).


أعمل تريل عليه أروح جاي بالصوباع اللي بعديه عامل (يعزف الاستاذ محمود التمرين) إيه ده يا استاذ محمود دي معناها إيه اقوله إنت بتسمعها كتير أوي إنما لما نيجي نحللها لازم نشرحها بالشكل اللي أنا بقولك عليها إزاي بنسمعها بنسمعها بالشكل الآتي بنسمع كده (يعزف الاستاذ محمود التمرين) بنسمعها في الشغل ولا مابنسمعهاش بنسمعها بنسمعها في أحيانا ولا مابنسمعهاش بنسمعها إنما لما تيجي تزاكرها ماينفعش تزاكرها (يعزف الاستاذ محمود التمرين).


أنا مافهمتش حاجة مافهمتش بتتعمل إزاي إنما وأنا بشرحلك من اعزف دوت كوم باشرحلك إزاي التريل بيتعزف التريل عشان يتعزف باثبت صوباعي عند النوتة اللي أنا هعزفها وباجي بالصوباع اللي بعديه اللي هو اللي بيقول النوتة اللي بعديه وبابدأ أعمل باحط صوباعي على النوتة اللي بعديها وأشيل أحط صوباعي وأشيل أحط صوباعي وأشيل بشكل سريع (يعزف الاستاذ محمود التمرين) ده شرح التريل بعد كده بابدأ أسرع شوية الصوباع واشتغل (يعزف الاستاذ محمود التمرين).


فبيبدأ يحصل عندي التريل طب أنا باستفيد بالتريل ده في إيه التريل ده زي ما اتكلمنا في الحلقة اللي فاتت عن الفيبراتو كنوع من الإهتزاز البطيء أو السريع كنوع من المحسنات الجمالية للنوتة التريل بردو محسن جمالي التريل بردو محسن جمالي بيضيف حلاوة وبيضيف جمال للجملة لو أنا باقول مثلا (يعزف الاستاذ محمود التمرين).


دي السادة تيجي نجرب نحطلها تريل كده نشوف إيه اللي هيحصل نسمع كده مع بعض (يعزف الاستاذ محمود التمرين) الله ده كويس جدا ده أضافت للجملة ده أنا لما آجي أقول جملة بدل ما اقولها بقى سادة كده (يعزف الاستاذ محمود التمرين) ويطلع إن أنا إيه ده الصوت وحش ليه كده طب ما أنا احطلها حاجة كده تحننها اقول إيه (يعزف الاستاذ محمود التمرين) والله أحلى طب ما تيجو نعمل حاجة تانية كده نضربهم في الخلاط التريل والفيبراتو نشوف ممكن يطلعولنا إيه نحط بقى عسل وسكر بدل ما أحط سكر بس نحط عسل وسكر نشوف كده شوف الموضوع عامل إزاي بص أهو اقول (يعزف الاستاذ محمود التمرين).


الله ده الموضوع كل مدى بيحلو يبقى أنا لما باحط حاجة وباحط حاجة تانية الموضوع بيحلو طيب مش في كل الأحوال باحتاج أحط كل حاجة مش في كل حاجة باحط عليها سكر فيه حاجات بتحتاج (يعزف الاستاذ محمود التمرين) فيبراتو بس وفيه حاجات بتحتاج (يعزف الاستاذ محمود التمرين) فيبراتو وتريل فيه حاجات بتحتاج تريل بس (يعزف الاستاذ محمود التمرين) على حسب المطلوب إنما أنا في النهاية لازم يبقى عندي كل الأشكال فالنهاردة إحنا اتكلمنا عن التريل التريل عبارة عن إن أنا أول حاجة باثبت صوباعي في مكان النوتة باثبت صوباعي في مكان النوتة اللي أنا مراد أعمل عليها تريل مثلا ساي أنا هعمل تريل على نوتة سي فين نوتة سي حد بقى يشاورلنا على نوتة سي آدي الكمانجة عندي أهي آدي صول لا صول ري سوري آسف (يعزف الاستاذ محمود التمرين).


وبعدين لا (يعزف الاستاذ محمود التمرين) وبعدين مي (يعزف الاستاذ محمود التمرين) فين نوتة سي نوتة سي أكيد هتبقى على وتر لا يعني لما يبقى عندي وتر لا (يعزف الاستاذ محمود التمرين) واحط صوباعي على أول شرطة من الشرط بتاعتنا هتديني نوتة سي يبقى إذا كده أنا حددت نوتة سي ده على سبيل اللي أنا عايز أحط عليها التريل حلو تحديد النوتة ده أول شكل من أشكال التريل هاحط نوتة إسمها سي هاحط عليها تريل يبقى لازم الأول أحدد نوتة سي فين نوتة سي هي على وتر لا (يعزف الاستاذ محمود التمرين).


أول حرف أو أول شرطة على وتر لا حددت النوتة عايز أعمل تريل على النوتة دي إزاي أول حاجة بعد ما بحدد النوتة بابدأ أشوف الصوباع اللي بعديها الصوباع اللي بعديها اللي هو بيعني بالنسبالي الحرف اللي بعديه بعد السي فيه الدو بابدأ إن أنا أعمل ربط بين السي والدو باحط صوباعي على السي بشكل قوي وصلب جدا وبابدأ إن أنا بالصوباع اللي بعديه أطلع وأزل الصوباع (يعزف الاستاذ محمود التمرين) بعد ما بأطلع وبأنزل الصوباع باكتشف إن الموضوع شكله مش حلو محتاج يتسرع شوية فابدأ إن أنا أزاكر (يعزف الاستاذ محمود التمرين).


كده التريل بدأ يبان طيب هل أنا أول ما هامسك النوتة سي هاقدر أقول التريل بالقوة دي لأ مش هقدر أقول التريل بالقوة دي طب أعمل إيه يا استاذ محمود عشان اقدر أوصل للتريل بالشكل السليم."


فيديوهات دروس الدورة - تعلم الكمان 1
1.1 مقدمة عن آلة الكمان Opened 07:32
1.2 قوس الكمان Opened 06:25
2 طريقة استخراج الصوت الصحيح من الكمان Opened 07:00
3.1 قوس الكمان Opened 05:20
3.2 قوس الكمان (متابعة Opened 05:43
4 استخراج الصوت السليم من الكمان Opened 05:55
5.1 تمرين على استخدام القوس Opened 04:37
5.2 تمرين أهمية وضعية الاصابع خلال مسك القوس Opened 05:24
6.1 دوزان آلة الكمان Opened 06:15
6.2 تمرين التنقل بين أوتار الكمان Opened 05:25
7.1 تمرين التنقل بين أوتار الكمان كاملة Opened 05:17
7.2 تمرين التنقل بين أوتار الكمان كاملة Opened 05:48
8 عزف النوتات الموسيقية على الكمان Opened 07:16
9.1 عزف النوتات الرئيسية من الوتر صول Opened 03:54
9.2 تحديد الموقع الصحيح للأصابع على زند الكمان Opened 05:40
10.1 تحديد الموقع الصحيح للأصابع و تمرين على نوتات الوتر صول Opened 04:22
10.2 تمارين على عزف نغمات الوتر صول Opened 04:11
11.1 أشكال العزف المختلفة باستخدام القوس و مقدمة عن وتر ري Opened 05:38
11.2 عزف النوتات الرئيسية من وتر ري Opened 04:32
12 عزف النوتات الرئيسية من الوتر لا Opened 03:45
13 عزف النوتات الرئيسية من وتر مي Opened 07:01
14.1 تقنية الاهتزاز او فايبراتو Opened 05:49
14.2 تقنية الاهتزاز أو فايبراتو خلال العزف | متابعة Opened 04:11
15.1 عزف تقنية تريل Opened 05:32
15.2 تطبيقات و نصائح على تقنية تريل Opened 05:08
16 عزف تقنية الزحلقة او جليساندو Opened 04:52
17 عزف تقنية ستكاتو Opened 06:31
18 تمارين عملية Opened 06:48
19 عزف أغنية أهواك لعبد الحليم حافظ Opened 06:40