يشرح الأستاذ محمود سرور طريقة عزف النوتات او النغمات بدون القوس او Staccato مع الشرح التفصيلي لهذه التقنية. و يضيف تمرين عن كيفية عزف ستكاتو كما تسمى هذه الطريقة و متابعة لشرح هذه التقنية.
محمود سرور:
"سلام عليكم ورحمة الله وبركاته معاكم محمود سرور عازف الكمان المصري من اعزف دوت كوم.
النهاردة هديكو حاجة جديدة مخدنهاش قبل كده هي اسمها البيز.
البيز عبارة عن إن أنا باقدر اطلع صوت من الكمانجة من غير ما استعمل القوس من غير ما استعمل القوس الصوت إحنا عارفينه إنما أول مرة هنتعرف على اسمه هو اسمه اسمه بيز استكاتو بيز يعني نوت قصيرة متقطعة زي (يعزف الاستاذ محمود التمرين).
بالصوباع بأعمل صوباعي إزاي تعالو نسيب القوس عشان مانشتتش نفسنا آدي صوباعي اللي هو السبابة هو ده اللي باستخدمه في طريقة العزف اللي هي البيز عشان خاطر أعزف بيز لازم باطلع صوباعي ده اللي هو لوحده اللي هو السبابة وباثبت إيدي صوباع الإبهام على المراية باثبت إيدي عشان أمسك يبقى عندي حاجة أمسك بيها نفسي وبعدين أبدأ إن أنا اخبط أشد الوتر (يعزف الاستاذ محمود التمرين).
خدنا بالنا الموضوع بسيط جدا صوباعي السبابة وبعدين عندي الصوباع التاني باستخدم الصوباعين اللي هو السبابة و الصوباع الإبهام باثبت نفسي بصوباع الإبهام على المراية بكل بساطة وبابدأ إن أنا اطرق بالصوباع امسك الوتر (يعزف الاستاذ محمود التمرين) واشده لما باشد الوتر بيطلع صوت (يعزف الاستاذ محمود التمرين) هو ده البيز اللي أنا باتكلم عليه آدي البيز (يعزف الاستاذ محمود التمرين) آدي البيز (يعزف الاستاذ محمود التمرين) بكل سهولة أنا باشد الوتر وباسيبه فبيطلع صوت (يعزف الاستاذ محمود التمرين) باشد الوتر (يعزف الاستاذ محمود التمرين) وباسيبه فبيطلع صوت باشد الوتر (يعزف الاستاذ محمود التمرين) وباسيبه فبيطلع صوت.
طب أنا افرض عايز بقى مش هاشد وتر واسيبه لأ أنا عايز اعزف بقى البيز عشان أملك نفسي الإبهام بيبقى ماسك ماسكني كويس وابدأ إن أنا (يعزف الاستاذ محمود التمرين) أنا كده قدرت اعزف تلات نوت أنا عارف التلات نوت عزفتهم بالقوس عزفتهم بالقوس أنا النهاردة باعزفهم بالبيز باعزفهم بالبيز عايز اقول (يعزف الاستاذ محمود التمرين) طب افرض أنا صوباعي ده مش ماسك هنا لو جيت أعمل كده (يعزف الاستاذ محمود التمرين) أنا ممكن أعرف أعملها كويس إنما انت مستحيل تعرف تعملها هتبقى صعبة عليك عشان تبقى انت مالك كويس لازم تحط صوباعك هنا تحط صوباعك (يعزف الاستاذ محمود التمرين).
بتطلع الصوت أقوى بتبقى عصب صوباعك أقوى لإن إنت ماسك بحاجة في حاجة إنت ماسك بيها المرايا كويس وبالتالي مالك نفسك أكتر إنت مالك نفسك أكتر طيب البيز ده بيستخدم في إيه بيستخدم في موسيقى معينة مابيستخدمش في كل أنواع الموسيقى إنما بنحتاجه فأنا بردو عايز أديكو خلفية عنه تبقو عارفين بيتعمل إزاي الإبهام في المراية باطرق بصوباعي على الوتر والعزف تحت إحنا عرفناه واتكلمنا فيه بدل ما اقول بالقوس (يعزف الاستاذ محمود التمرين) باسيب القوس وباثبت صوباعي وباقول (يعزف الاستاذ محمود التمرين).
طب يا استاذ محمود هو لازم البيز ده يبقى على وتر واحد اقولكو لأ إحنا ممكن نعمل السلم بتاعنا زي ما قولنا (يعزف الاستاذ محمود التمرين) بالقوس اقدر اقوله بالبيز (يعزف الاستاذ محمود التمرين) ده صوته حلو أوي يا استاذ محمود يعني ممكن يستخدم في حاجات اقوله طبعا يستخدم في حاجات أهو (يعزف الاستاذ محمود التمرين) بيستخدموه في الدراما كتير كتير جدا يعني كتير جدا مشاهد الساسبينس ومشاهد الإثارة تبص تلاقي (يعزف الاستاذ محمود التمرين).
أهو ليه استخدامات ليه استخدامات في شكل معين من أشكال المزيكا أنا عايز ألقي الضوء عليه هنا عشان بردو نبقى أتعلمناه شكل البيز ده لازم شرط أساسي إن أنا باحط صوباعي على النوتة اللي أنا هاعزفها اللي أنا هاقول عليها بيز باحط صوباعي على النوتة عايز يعني عايز اقول بيز على السي أول حاجة عندي إن أنا أمسك نوتة سي لما أمسك نوتة سي وباحط صوباعي الإبهام على المراية وابدأ اطرق على وتر لا اللي هو عنده سي باقول نوتة سي طب طالعة ناشفة أوي طب افرض عايز أحليها شوية هل يا استاذ محمود باقدر استخدملها حاجة من المحسنات اللي خدناها اقولك آه تقدر تستخدم أهو (يعزف الاستاذ محمود التمرين).
الله ده أحلى (يعزف الاستاذ محمود التمرين) ده أحلى بكتيريبقى هنا أنا عندي ممكن اقدر استخدم هل اقدر استخدملها التريل التريل مش هيكون مفيد جدا في الموضوع ده لأن التريل بيحتاج قوس عشان يديك نوتة طويلة تقدر انت تعمل تريل بالصوباع التاني عليها كده (يعزف الاستاذ محمود التمرين) إنما لو إنت بتقول بيز (يعزف الاستاذ محمود التمرين) البيز طرقة واحدة (يعزف الاستاذ محمود التمرين) طرقة واحدة (يعزف الاستاذ محمود التمرين) إنت ممكن صوت صوباعك نفسه هو اللي يديك صوت البيز (يعزف الاستاذ محمود التمرين) صوت الصوباع حتى لو عملت في إيدي أهو (يعزف الاستاذ محمود التمرين) الصوباع طالع إنما مش ناتج عن طرقة البيز ده شكل تاني من الأشكال اتعلمناه بزاكره إزاي بزاكره إزاي باقول صول (يعزف الاستاذ محمود التمرين) ري(يعزف الاستاذ محمود التمرين) لا (يعزف الاستاذ محمود التمرين) مي (يعزف الاستاذ محمود التمرين) ثبت صوباعي صول (يعزف الاستاذ محمود التمرين) ري (يعزف الاستاذ محمود التمرين) لا (يعزف الاستاذ محمود التمرين) مي (يعزف الاستاذ محمود التمرين).
وبعدين اقول السلم بتاعي (يعزف الاستاذ محمود التمرين) الوتر المفتوح (يعزف الاستاذ محمود التمرين) وانزله (يعزف الاستاذ محمود التمرين) اقدر اعمله من فوق بردو (يعزف الاستاذ محمود التمرين) وانزله (يعزف الاستاذ محمود التمرين) عايز احط عليه محسنات اقدر احط الفيبراتو اللي هو (يعزف الاستاذ محمود التمرين) بس في الغالب هنا مع نوتة البيز بيبقى محتاج الفيبراتو السريع اللي هو بتاع الكلاسيك اللي هو بتحرك صوباعك أسرع شوية لإن هي أصلا طرقة بسيطة الفيبراتو السريع هو اللي بيطلع طعمه أحسن فيها لو عملنا البطيء (يعزف الاستاذ محمود التمرين) غير ده (يعزف الاستاذ محمود التمرين).
بيطلع طعمه أحسن والحلقة الجاية إن شاء الله هنعزف مزيكا مع بعض نحاول نحط فيها كل الحاجات اللي احنا قولناها وشكرا ليكم."
