يبدأ الاستاذ محمود بالتعريف بالسلم الموسيقي و أبعاده و يمهد الطريق للطالب طريقة Sol من الكمان من وتر La استعمال اليد اليمنى لاستخراج نغمات السلم الموسيقي من الكمان. يشرح الاستاذ محمود .مع اعطاء بعض النصائح المهمة على الة الكمان Sol من وتر La عزف نوتة.

محمود سرور:

"السلام عليكم ورحمة الله وبركاته معاكم محمود سرور عازف الكمان المصري من اعزف دوت كوم.

النهاردة هنتكلم عن إزاي باربط العلاقة بين الإيد اليمين والإيد الشمال قولنا عشان نربط العلاقات عايزين نبدأ نتعلم إيه هو السلم الموسيقي السلم الموسيقي هو سبع نغمات دو ري مي فا صول لا سي دول السبع نغمات.

هتيجي تقولي طب يا استاذ محمود إحنا عندنا اربع أوتار هتجيبلنا منهم سبع نغمات إزاي ده اللي بنتكلم عليه بقى إحنا عندنا لو بصينا لآلة البيانو آلة البيانو البيانو السبع نوتات هتلاقيهم مفرودين ع البيانو أنا عندي هنا في الكمانجة أربع أوتار أزاي بطلع منهم السبع نغمات ده اللي هنشوفه.

بداية عايزين نبدأ المرة بعد ما اتعلمنا نطلع صوت وبدأنا من وتر لا عايزين بقى نبدأ نتعلم من تحت خالص من أول وتر عندنا اللي هو وتر صول إحنا خلاص قدرنا إن احنا نطلع صوت من الكمانجة وقدرنا إن احنا نحسن الصوت وقدرنا إن احنا نوزن القوس وعلاقته بالكمانجة وقدرنا إن احنا نحسن صوتنا الخارج من الصندوق لغايط ما وصلنا لصوت كبير صوت مرضي صوت مشبع بيطلع بطن الآلة بيطلع صوت الآلة فول باور.

طب هل صوت الآلة ده بيبقى محسور بس على الأربع أوتار لأ لأ مش محسور ع الأربع أوتار كل وتر بشكل مبدأي عشان مانتعقدش من الموضوع كل وتر عليه خمسين نغمة يعني وتر صول ده عليه خمسين ستين نغمة وتر ري ده عليه خمسين ستين نغمة طب بيطلعو إزاي بيطلعو إزاي إحنا مش عايزين من كل وتر حاليا إلا أربع نغمات كل وتر عايز اطلع منه اربع نغمات وعشان أسهلكو الموضوع ع الآخر فيه نغمة منهم إحنا أوريدي طلعناها في نغمة أوريدي طلعت اللي هي اسم الوتر اللي هي اسم الوتر أول وتر عندنا اسمه إيه اسمه صول طيب يا استاذ محمود إنت قولتلنا إن السلم الموسيقي بيبدأ من دو آه أنا قولتلك إنه بيبدأ من دو بس ماقولتلكش إن الكمانجة بتبدأ من دو الكمانجة بتبدأ من صول اللي هو أول وتر تحت اللي هو صول ده (يعزف الاستاذ محمد التمرين).

اللي احنا اتعرفنا عليه اللي احنا اتعرفنا عليه طيب بعد الصول لو انت قولت دو ري مي فا صول الله الصول قابلتانا إهي صول لا سي دو طيب إحنا عندنا دو ري مي فا مش هنتكلم عنهم دلوقتي تعالى نتكلم من أول الصول بتاعتنا لو قولنا من أول الصول صول لا سي دو صول اسم الوتر اللي هو الوتر الفاضي صول اسم الوتر الفاضي اللي هو مجرد ما أنا بامسك القوس واحركه (يعزف الاستاذ محمد التمرين).

على الوتر ده كده وتر صول طب عايزين اللا بقى يا استاذ محمود جيب اللا دي منين هبدأ هنا إن أنا وعايز انتباهكو معايا جدا في المرحلة اللي جاية دي هبدأ هنا نستعمل صوابع إيدي الشمال اللي هي بقى اللي بتطلع النوت اللي بتطلع النوت طب يا استاذ محمود احنا عندنا وتر صول عندنا وتر صول أنا إيدي آدي الشكل الخمس صوابع هبدأ أضم إيدي على المراية اللي هي فوق الرقبة اللي هي المرايا السودة هبدأ أضم إيدي بحيث إن إيدي تبقى واخده الشكل ده الصوباع ده وشكل الإيد بيبدأ يترسم على المراية طيب ده الوتر الفاضي (يعزف الاستاذ محمد التمرين) اللي هو الصول اللي احنا قولنا عليه عايز اجيب اللا اجيب أول صوباع عندي اللي هو السبابة أول صوباع اللي هو السبابة ده أول صوباع هينزل على وتر صول هينزل في مسافة محسوبة ومحسومة عايزين نتفق عليها سوا تعالونحط دستور كده بينا وبين بعض زي الدستور اللي اتفقنا عليه في التيون إزاي أنا بعمل تيون بردو تعالى نحط دستور بينا وبين بعض أول نوتة هتقابلني على وتر صول هي لما باضغط بصوباعي هي كلمة لا نوتة لا أول صوباع عندي اللي هو السبابة لما بحط صوباعي هنا أنا باصغر المسافة إزاي بحصل على النوتة الجديدة إزاي بحصل على النوتة الجديدة بتيجي منين النوتة الجديدة النوتة الجديدة إن أنا باصغر المسافة ما بين بدل أول البنجق ده أول البنجق ده المسافة من هنا لغايط الفرسة بتبقى مثلا ساي مثلا اتنين وتلاتين سنتي تلاتة وتلاتين سنتي بتدينا من البعد التلاتة وتلاتين سنتي دول بيدونا نوتة صول (يعزف الاستاذ محمد التمرين).

اللي هي بنسمعها طيب لما باصغر المسافة لما باحط صوباعي على وتر صول باصغر المسافة ما بين صوباعي صوباعي هنا بيحل محل أول حاجة أول جزء في البنجق فببدأ إن أنا اصغر المسافة ما بين الصوباع والفرسة فبيبدأ يديني فريكونسي نوتة تانية اللي هي نوتة لا اللي هو لو أنا بقول صول (يعزف الاستاذ محمد التمرين) حطيت صوباعي هنا وقولت تاني (يعزف الاستاذ محمد التمرين).

بقيت نوتة تانية ليه لإن أنا صغرت المسافة اللي بين الصوباع وبين الفرسة بدل ما هي كانت تلاتة وتلاتين أو اتنين وتلاتين سنتي خدت أنا منهم اتنين سنتي فلما صغرت الاتنين سنتي ده غيرلي غيرلي فريكونسي النوتة غيرلي فريكونسي النوتة بقيت بدل ما هي بتقول صول من المسافة من المراية من أول البنجق لغايط الفرسة تلاتة وتلاتة سنتي بتقول صول لما صغرتها خليتها واحد وتلاتين سنتي بس بقيت لا (يعزف الاستاذ محمد التمرين) غيرت النوتة طب اطلعها بالقوس إزاي آخد القوس بتاعي أمشي المشي بتاعي العادي القوس الطبيعي فردة القوس (يعزف الاستاذ محمد التمرين) آدي الصول ببدأ احط صوباعي على الوتر هيغير نوتة هيبقى (يعزف الاستاذ محمد التمرين).

الله ده احنا كده بقى إيه نقول بسم الله بقى ده احنا كده بدأنا نطلع مزيكا آه كده بدأنا نطلع مزيكا كده بدأنا نتحرك في السلم الموسيقي كده احنا عندنا نوتتين على نفس الوتر اللي هو وتر صول تمام.

والحصة الجاية إن شاء الله نربط العلاقات ببعضها شكرا ليكو."