يتطرق الأستاذ سرور الى القوس المستخدم للعزف على الكمان و يعرف عن اجزائه بالتفصيل و ينوه الى مدى أهمية هذا الجزء. ينتقل الاستاذ محمود الى الأوتار و يشرح اسماء أوتار الكمان و ينهي بذلك الدرس الأول من الدورة. يعرف الاستاذ سرور على اسماء الأوتار بشكلها التقليدي الغربي.
محمود سرور:
"ده كده يعتبر تعريف كامل بأجزاء الكمانجة طيب هل الكمانجة دي بتطلع صوت لوحدها؟.
لأ طبعا مابتطلعش صوت لوحدها بتطلع صوت بواسطة حاجة اسمها القوس.
القوس ده عبارة عن قطعة من الخشب بتبقى معالجة بشكل تقني جدا مرنة جدا زي ما احنا شايفين ليها شكل انسيابي راس من عند راس القوس هنا أو طرف القوس بيفضل ماشي معانا لغايط ما بيقابله تحت حاجه اسمها المسمار المسمار ده هو اللي أنا بقدر ارخي منه القوس ارخي منه الشعر أو اشد منه الشعر زي ما احنا شايفين.
طيب الشعر ده مشدود على إيه في قطعة تانية تحت بتبقى ماسكة في القوس لو فكينا المسمار ده تعالو نتعرف كده ع القوس ده عشان القوس ده حكاية لوحده هو ده سر كبير من أسرار الكمانجة لو فكينا المسمار ده خالص هنلاقي القوس بيبقى عبارة عن حتة الخشب اللي اتكلمنا عليها مسمطة مفهاش أي شغل غير إنها الإنحاءة اللي احنا شايفينها دي الخشبة مرنة بحيث إنها تخدمني في الصوت بتخدمني في أشكال القوس المختلفة اللي لسه هنتكلم عنها لما نيجي نعزف إن شاء الله بتعمل سهولة في العزف ومن تحت مفتوحة فتحة مدورة عشان خاطر اقدر يخش فيها المسمار اللي هشد بيه القوس طيب حتة الخشبة دي أنا شادد عليها إيه إيه بقى إيه الشعر اللي احنا شايفينه الجميل ده.
الشعر ده عبارة عن شعر ديل حصان أيوة ديل حصان طب إيه يا اخونا اللي جاب ديل الحصان للكمانجة قالك لما نيجي نطلع قالك لما نيجي نطلع صوت من الكمانجة لازم يحصل احتكاك ما بين القوس والوتر طيب عشان يحصل الإحتكاك ده عايزين مادة تعمل معانا الإحتكاك فلقوا إن شعر ديل الحصان هو أنسب مادة من حيث صلابتها ومرونتها في نفس الوقت سهولة تعرضها للشد والرخي زي ما احنا شايفين لما بتتشد بتبقى صلبة جدا وفي نفس الوقت مرنة بحيث إن أنا أقدر أدوس على القوس اجيب صوت اقوى أو اخف القوس اجيب صوت اقل شوية في الحدة بالضغط ع القوس وبالضغط على الكمانجة ممكن اقدر اغير صوت الكمانجة زي ما هنشوف بردو لسه قدام المهم نكمل تعارفنا على القوس الجزء اللي تحت ده بيبقى ماسك طرف القوس طرف الشعر والجزء اللي فوق ده بيبقى ماسك طرف الشعر التاني طرف الشعر التاني ده بيبقى مثبت مابيتشلش طرف الشعر اللي تحت هو ده اللي احنا بنشيل وبنركب وبنغير منه القوس شعر القوس ومثبت من تحت بحاجة مسمار زي ما احنا شايفين فيه مسمار عشان يخش فيه المسمار مسمار تاني جوة لو فكتهولكو بيتفك كده عشان اقدر اربط فيه المسمار الأولاني اللي هو هيثبتني بالقوس نفسه طيب كده أنا بربط القوس بتاعي وبحط المسمار في الثقب اللي هو الخلفي للقوس وبيخش المسمار وابدأ اربط.
لما ببدأ أربط بيربط المسمار في المسمار التاني المثبت في القطعة الخشبية اللي هي أسفل القوس ومن هنا بقدر أنا لما بشد المسمار بلاقي الشعر نفسه الخشبة دي بترجع لورا لو عملت كده الخشبة دي بتطلع لقدام فالشعر بيبقى مرخي عايز اشد الخشبة دي ارجعها لورا كده عشان الشعر يتشد معايا فبربط المسمار فبيربط المسمار اللي جوة فبالتالي القوس بيبدأ شعره يتشد ده الموضوع ببساطة شديدة القوس والكمانجة طيب تعالو نتعرف على القوس ده هيمشي على إيه القوس هيمشي على ايه القوس على حاجة اسمها الأوتار.
الأوتار هي عبارة عن أربع أوتار هي عبارة عن حاجة زي الخيط رفيع بيفرقهم عن بعض إيه لو هما الأربعة زي بعض طب أنا مستفيد إيه لأ هما الأربعة مش زي بعض بيبقى مختلفين من حيث الغلظة للرفع يعني أول وتر طه بيبقى طخين شوية اللي بعديه أرفع شوية اللي بعديه أرفع شوية اللي بعديه أرفع شوية نتكلم عن أسمائهم بعد كده بس احنا عايزين نتفق إن هما مش زي بعض الأوتار مش زي بعضها واحد طخين شوية وبعدين ارفع منه شوية وبعدين ارفع منه شوية وبعدين ارفع منه شوية عشان احصل على تدرج في الصوت من حيث الحدة من الغلظة للحدة طيب أسماء الأوتار دي إيه؟.
الأوتار دي ليها أسماء ستاندر في العالم كله اللي هو الكمانجة أنشئت عليه أول وتر عندنا اسمه صول أنا دلوقتي هتكلم على الكمانجة الكلاسيك اللي هي الغربي الغربي الكمانجة الكلاسيك اللي هي أساس تعليم الآلة أول وتر ده أنا بسميه صول تاني وتر بسميه ري تالت وتر اسمه لا رابع وتر عندي اسمه مي هل كل الناس اتفقت على أسماء الأوتار دي لأ مش كل الناس اتفقت على أسماء الأوتار دي في ناس كتير اختلفو في أسماء الأوتار وطوعوها على حسب موسيقى بلدهم احنا نتعرف عليه وبنعرف إن فيه أربع أوتار وكفى المؤمنين القتال عرفنا إن هما اربع أوتار وهنتكلم كل وتر بيتظبط إيه لإن كل وتر بيتظبط اكتر من ظبطة.
ده أنا باعتبره الدرس الأولاني عرفنا على الكمانجة صندوق الكمانجة قطع الكمانجة أجزاء الكمانجة اسم كل حاجة فايدة كل حاجة وإن شاء الله في الدرس التاني نقدر نتكلم عن الأوتار بتتظبط إزاي إزاي بتقدر نطلع صوت من الآلة إيه التمارين اللي بنستخدمها عشان خاطر نقدر نطلع صوت من الآلة."
