ادخل بريدك الإلكتروني لتبدأ مجاناً الآن

أو

بالضغط على الزر اعلاه اوافق على شروط واحكام موقع إعزف
قوس الكمان

في هذا الدرس يتحدث الاستاذ سرور عن سر مهم من اسرار تعلم الكمان. أهمية القوس و علاقته بخصائص الصوت المستخرج. يقسم الاستاذ سرور القوس لثلاثة أجزاء رئيسية و يعرف عن : طرف و وسط و كعب القوس. ينتقل بعدها الاستاذ سرور الى كيفية مسك القوس , و عن دور اصابع اليد اليمنى في وزن القوس و المحافظة على .الشكل السليم لمسكة القوس.


محمود سرور:


"معاكم محمود سرور عازف الكمان المصري من اعزف دوت كوم.


والنهاردة هنتكلم عن الدرس التالت لتعليم الكمانجة سر الكمانجة في القوس.


القوس اللي هو القوس ده ده اللي بيطلع الصوت نوع الصوت خامة الصوت قوة الصوت طول الصوت القوس ده بيتحكم في إن أنا بيطلع النوتة طويلة أو نوتة قصيرة بيتحكم في النوتة قوية بيتحكم في نوتة ضعيفة بيعمل حاجة اسمها نيانس.


نيانس هو المشاعر اللي بتطلع من العازف كلها بتطلع من القوس احتكاك القوس على الأوتار هو اللي بيحدد التيار اللي خارج منك انت الشحنة الطاقة القوة اللي انت بتعزف بيها انت زعلان فيبقى هو بتعزف اخف شوية لو انت فرحان بتعزف اقوى شوية لو انت بتعزف حاجة حالمة بتلاقي نفسك أنشط شوية سرعة القوس طول النوتة كل الكلام ده هو القوس المسؤول عنها تعالو نتعرف ع القوس ده ونشوف بيطلع الصوت ازاي.


أنا معاكم النهاردة هقسم القوس ده لتلات أجزاء تلات أجزاء عندنا من هنا لهنا ده هسميه الشبر ده هنسميه طرف القوس هنسميه طرف القوس اللي هو الجزء الفوقاني نقول آدي شبر آدي اتنين آدي تلاتة اللي هو طول الشعر لو قولنا تلاتة شبر طول الشعر فنقسم أول شبر ده نسميه طرف القوس.


أنا طبعا مش عايز استخدم مصطلحات علمية في البداية عشان خاطر أوصل الموضوع بشكل زي ما بيقولو كده بالبلدي يعني القوس بقسمه تلات أجزاء ليه بقسمه تلات أجزاء لإن أنا لما هاجي أزاكر القوس في تمارين بتبقى بطرف القوس وفيه تمارين بتبقى بوسط القوس والجزء التالت اسمه كعب القوس.


كعب القوس كعب القوس وسط القوس طرف القوس وقولنا ليه بنقسم القوس لتلات أجزاء لإن كل جزء في القوس ليه طريقة مزاكرة ليه طريقة تحضير ليه استخدامات عشان خاطر أوصل لمرحلة إن أنا امسك القوس واعزف بيه بالكامل من الأول للآخر واطلع تاني وأحافظ على نفس خامة الصوت فدي حاجة صعبة جدا بتحتاج مني إيه بتحتاج مني ميزان طب عشان اظبط الميزان بتاع القوس ده عايز اعمل إيه احنا قولنا في الصندوق في الكمانجة قولنا المسكة بتاعتها وقعدنا خدنا درس كامل بنتكلم إزاي نمسك الكمانجة.


طب هل القوس بمسكه كده وخلاص لأ لأ طيب بمسك القوس إزاي تعالو نبص ع القوس آدي القوس القوس من عند طرف القوس ماليش علاقة بيه مابمسكوش هو بيبقى فوق في الهوا طيب فين الحتة اللي بمسك منها القوس اللي هي عند كعب القوس لو بصينا عند الحتة بتاعت كعب القوس دي هنلاقي في تجويف كده التجويف ده هو اللي بيمكني من القوس طب أنا عندي بمسك إيدي زي ما قولنا فيه خمس صوابع ومراية الكمانجة ببتحط في المكان ده فوق شوية القوس بردو لو جيت امسك الخمس صوابع اليمين ألاقي إن التجويف ده هو اللي بحط فيه صوباعي الإبهام آدي التجويف بحط صوباعي الإبهام في الجزء اللي في الوسط.


طيب بقية الإيد بتمسك إزاي يا استاذ محمود هل إحنا بنمسك القوس بعلقه كده لأ ما أنا لو سيبت كده القوس هيقع طيب هل بمسك القوس كده هل بمسك القوس كده لأ مامسكش القوس كده لو ماسك القوس كده مش هقدر إن أنا اعمل بيه الأشكال اللي أنا عايزها طيب امسكه إزاي يا استاذ محمود؟.


عشان اقدر اعمل الأشكال اللي أنا عايزها لازم تبقى مسكة إنسيابية إنسيابية طيب أنا بحط صوباعي هنا واحط أول صوباع فوق منه وتنزل الصوابع كلها بشكل بسيط آدي مسكة القوس كده أنا قدرت امسك القوس مسكة سليمة زي ما احنا شايفين آدي شكل إيدي زي ما احنا شايفين.


كده أنا مسكت القوس مسكة سليمة أنا لما سيبت الإيد التانية اصبح القوس كده موزون آدي الإبهام آدي الإبهام وآدي أول صوباع فوق منه التاني التالت الرابع طب كده القوس هيقع اعمل إيه باتني أول صوباع ده عشان خاطر يقدر يمسك القوس يوزنه معايا طب لو شيلت الصوباع ده القوس وقع الصوباع ده الخنصر ده آخر واحد ده هو اللي وازن معايا القوس دول ماسكين القوس بيدوله قوة باستخدمهم في الضغط مع الصوباع السبابة."


فيديوهات دروس الدورة - تعلم الكمان مع محمود سرور
1.1 مقدمة عن آلة الكمان Opened 07:32
1.2 قوس الكمان Opened 06:25
2 طريقة استخراج الصوت الصحيح من الكمان Opened 07:00
3.1 قوس الكمان Opened 05:20
3.2 قوس الكمان (متابعة Opened 05:43
4 استخراج الصوت السليم من الكمان Opened 05:55
5.1 تمرين على استخدام القوس Opened 04:37
5.2 تمرين أهمية وضعية الاصابع خلال مسك القوس Opened 05:24
6.1 دوزان آلة الكمان Opened 06:15
6.2 تمرين التنقل بين أوتار الكمان Opened 05:25
7.1 تمرين التنقل بين أوتار الكمان كاملة Opened 05:17
7.2 تمرين التنقل بين أوتار الكمان كاملة Opened 05:48
8 عزف النوتات الموسيقية على الكمان Opened 07:16
9.1 عزف النوتات الرئيسية من الوتر صول Opened 03:54
9.2 تحديد الموقع الصحيح للأصابع على زند الكمان Opened 05:40
10.1 تحديد الموقع الصحيح للأصابع و تمرين على نوتات الوتر صول Opened 04:22
10.2 تمارين على عزف نغمات الوتر صول Opened 04:11
11.1 أشكال العزف المختلفة باستخدام القوس و مقدمة عن وتر ري Opened 05:38
11.2 عزف النوتات الرئيسية من وتر ري Opened 04:32
12 عزف النوتات الرئيسية من الوتر لا Opened 03:45
13 عزف النوتات الرئيسية من وتر مي Opened 07:01
14.1 تقنية الاهتزاز او فايبراتو Opened 05:49
14.2 تقنية الاهتزاز أو فايبراتو خلال العزف | متابعة Opened 04:11
15.1 عزف تقنية تريل Opened 05:32
15.2 تطبيقات و نصائح على تقنية تريل Opened 05:08
16 عزف تقنية الزحلقة او جليساندو Opened 04:52
17 عزف تقنية ستكاتو Opened 06:31
18 تمارين عملية Opened 06:48
19 عزف أغنية أهواك لعبد الحليم حافظ Opened 06:40