ادخل بريدك الإلكتروني لتبدأ مجاناً الآن

أو

بالضغط على الزر اعلاه اوافق على شروط واحكام موقع إعزف
مقدمة عن آلة الكمان

يشرح الاستاذ محمود سرور في الدرس الاول من هذه الدورة عن اجزاء الكمان و يعرف الطالب عليها و على اجزائها بالتفصيل.


محمود سرور:


"السلام عليكم ورحمة الله وبركاته معاكم محمود سرور من اعزف دوت كوم.


وهبدأ معاكو الدرس الأول في تعليم الكمانجة تعالو نتكلم عن الكمانجة الكمانجة عبارة عن صندوق خشبي زي ما احنا شايفين شكلها ده الصندوق اللي هو صندوق الصوت اللي بيطلع منه الصوت.


زي ما هو باين قدامكو صندوق الصوت عبارة عن صندوق ليه وش وليه ضهر الاتنين بيبقو متشابهين جدا وده جزء بيفصل من الضهر والوش عشان يكون التجويف اللي احنا هنسمع منه صوت الآلة ده عبارة عن الصندوق وش الآلة بيبقى واخد الشكل اللي احنا شايفينه بيبقى فيه فتحتين اللي هما فتحتين لخروج الصوت.


الفتحة دي بتبقى قد الفتحة دي بالظبط والميزان والمقاس ما بين الجنب من الآلة بيبقى قد المقاس والميزان من الجنب التاني لغايط الفتحة عشان نضمن توازن الصوت يبقى فيه ستريان بعد كده نقدر نتكلم في إن هل الخشب اللي بيستخدم للكمانجة دي الخشب العادي يعني ممكن نروح لنجار مثلا نقوله اعملنا كمانجة لأ طبعا الخشب بتاع الكمانجة بيبقى من أغلى وأجود أنواع الأخشاب اللي بيتصنع منه صندوق آلة الكمان كل ما بيقدم بيبقى صوته أحسن يعني كل ما الخشبة نفسها بتقدم بيبقى صوتها أفضل بتطلع صوت أحسن على غير العادة الحاجة كل ما بتقدم بتبقى وحشة الخشب ده كا ما بيقدم بيبقى احسن.


لذا تلاقي أسعارالكمانجات القديمة بتبقى أعلى كتير أوي من الجديدة لدرجة إن فيه كمانجات قديمة بيوصل أسعارها لملايين الدولارات وملايين اليوروز يعني طب الصندوق ده هل أنا بعزف عليه لأ مابعزفش عليه ده الصندوق اللي بيطلع الصوت بس طب أنا بعزف على إيه بعزف على حاجة تانية اسمها الرقبة دي اللي انا بمسكها في إيدي اللي أنا بعزف عليها الرقبة دي بيبقى جزء ملزوق في الصندوق من فوق بعد ما بيخلص الصندوق بنبدأ نطلع ع الجزء بتاع الرقبة دي رقبة الكمانجة بتبقى من الخشب بردو ضهرها بيبقى من الخشب وطالع الرقبة طالعة من فوق لحاجة اسمها البنجق البنجق ده هو المكان اللي هو الملفوف اللي احنا بنشوفه دايما قدام وش العازف اللي هو المدور ده بيبقى مرسوم بشكل كويس جدا.


ده بيبقى بس عبارة عن شكل تقليدي للآلة مالوش أي فايدة بس هو قيمة البنجق الحقيقة في إن هو بيتثبت عليه المفاتيح بتاعت ظبط الأوتار لسه هنتكلم عن الأوتار قدام بس هي قيمة البنجق في إن هو بيركب فيه المفاتيح اللي بنظبط عليها بعد كده عندنا المفاتيح اللي باظبط منها الكمانجة مفتاح اتنين تلاتة اربعة ده المين بتاع الآلة اربع مفاتيح طيب الأربع مفاتيح دول ماسكين عليهم إيه ماسكين عليهم اربع أوتار كل مفتاح ليه وتر هنتكلم ع الأوتار بعدين.


تعالو الأول نخلص جسم الكمانجة فوق الرقبة اللي اتكلمنا عنها فوق الرقبة اللي اتكلمنا عنها من الناحية التانية لما هاجي اعزف عايز مكان يساعدني في العزف عايز تبقى متغطية بحاجة اسمها المراية المراية دي عبارة عن إيه عبارة عن حتة خشب بس بتبقى من نوع تاني خالص من نوع مختلف عن الأولاني بتاع الخشب بتبقى في الغالب من الأبانوس أو أحسن أو أفضل أنواع المرايا بتبقى من الأبانوس الأبانوس الخالص عشان يساعد العازف إن هو يقدر يتعامل بلزوجة ومرونة على الآلة بعد كدة عندنا حاجة هنا اسمها الفرسة الفرسة زي ما احنا شايفين بتبقى عبارة عن حتة خشب من نوع خاص جدا بتبقى فيها تجويفات عشان تخرج الصوت بكواليتي محترم بردو من نوع خشب مميز جدا وخاص جدا بيبقى صلب شوية من فوق بحيث إن الوتر مايغرزسي فيه لإن الوتر ده بيبقى دايما مشدود على الفرسة دي وهي المسؤولة عن رفع الأوتار عن وش الكمانجة رفع الأوتار عن وش الكمانحة عشان خاطر تديني الإرتفاع اللي أنا شايفه ده وبعد ما تعدي الفرسة اللي اتكلمنا عنها في حاجة اسمها المشط.


المشط المشط ده هو اللي بيمسك كل الأوتار بيربط بين الجنب التاني من الكمانجة للجنب الأولاني اللي هو البنجق عندنا نقطة رقم واحد في شد الأوتار اللي هي شايفينها زرقاء وبتختلف بردو وبتنتهي بجزء تاني أزرق من الأوتار هنا جزء بقى في المشط وجزء بقى في البنجق ماسك في المقتاح طيب إيه الأسود ده بقى الإسود ده عبارة عن حاجة اسمها دقانة.


الدقانة دي عشان خاطر احط عليها دقني تريحني بدل ما احط دقني على الكمانجة نفسها الصندوق نفسه وده ممكن يإذي الكمانجة نفسها فإن ممكن الإنسان يحصل تعرق أو أي شكل من أشكال الإجهاد أو الإرهاق أو التعب دي بردو قطعة من الخشب بتبقى موصولة بجزء حديد ماسك في الصندوق نفسه بتاع الكمانجة اسمها دقانة الدقانة دي ميزتها الوحيدة مالهاش أي شغل تاني غير إن أنا بسند عليها دقني فقط لا غير مالهاش أي شيء تاني أو استخدام تاني بس بسند عليها دقني وأنا بعزف بعد كده في مسمار ورا في الكمانجة هو اللي بيبقى ماسك المشط اللي هيمسك المشط ده في الكمانجة المسمار اللي ورا ده مسمار بيبقى ماسك المشط عشان اعمل أداة ربط بين أول الكمانجة والبنجق اللي هو آخر الكمانجة اللي هو بشد عليه الوتر بعد كده حصل تطور في موضوع المشط.


ده الأول ماكنش فيها الزراير اللي احنا شايفينها الزراير دي أنا بسميها مكنة أو مفتاح الظبط الدقيق لما باجي اظبط الكمانجة بيبقى عندي ظبط لو باظبط من تون أو اتنين تون أو اكتر ده ظبط العادي ممكن اظبطه من المفتاح طب إيه وظيفتها إيه المكنة دي هي الظبط الأدق يعني الربع تون النص التمن الكومة اقل فرق ما بين الكومة والكومة بقدر اظبطها من المفتاح الصغير ده ده مفتاح استحدث بعد كده بيتركب فوق المشط عشان خاطر الظبط الدقيق طيب تيجو تقولولي إيه دي اقولكو دي حاجة حديثة جدا اسمها كتافة كتافة دي مش جزء من الكمانجة دي جزء منفصل لوحده.


دي أنا باستخدمها لأن لما بتيجي تمسك الكمانجة كتفك لازم يبقى مرفوع عشان خاطر توصل للبوزيشن السليم طب افرض أنا مش عايز كتفي يبقى مرفوع كده مش عايز اتعب كتفي طب اعمل ايه اضطريت إن أنا ألجأ لعوامل مساعدة زي الكتافة دي بتبدأ ترفعلى الآلة من غير تعب أو معانة اقدر إن أنا بواسطة الكمانجة دي إن أنا امسك الكمانجة بشكل مظبوط وسوي وسليم وميبقاش فيه معاناة لكتفي أو لجسمي وده شيء مستقل مالهاش علاقة بجسم الكمانجة."


فيديوهات دروس الدورة - تعلم الكمان 1
1.1 مقدمة عن آلة الكمان Opened 07:32
1.2 قوس الكمان Opened 06:25
2 طريقة استخراج الصوت الصحيح من الكمان Opened 07:00
3.1 قوس الكمان Opened 05:20
3.2 قوس الكمان (متابعة Opened 05:43
4 استخراج الصوت السليم من الكمان Opened 05:55
5.1 تمرين على استخدام القوس Opened 04:37
5.2 تمرين أهمية وضعية الاصابع خلال مسك القوس Opened 05:24
6.1 دوزان آلة الكمان Opened 06:15
6.2 تمرين التنقل بين أوتار الكمان Opened 05:25
7.1 تمرين التنقل بين أوتار الكمان كاملة Opened 05:17
7.2 تمرين التنقل بين أوتار الكمان كاملة Opened 05:48
8 عزف النوتات الموسيقية على الكمان Opened 07:16
9.1 عزف النوتات الرئيسية من الوتر صول Opened 03:54
9.2 تحديد الموقع الصحيح للأصابع على زند الكمان Opened 05:40
10.1 تحديد الموقع الصحيح للأصابع و تمرين على نوتات الوتر صول Opened 04:22
10.2 تمارين على عزف نغمات الوتر صول Opened 04:11
11.1 أشكال العزف المختلفة باستخدام القوس و مقدمة عن وتر ري Opened 05:38
11.2 عزف النوتات الرئيسية من وتر ري Opened 04:32
12 عزف النوتات الرئيسية من الوتر لا Opened 03:45
13 عزف النوتات الرئيسية من وتر مي Opened 07:01
14.1 تقنية الاهتزاز او فايبراتو Opened 05:49
14.2 تقنية الاهتزاز أو فايبراتو خلال العزف | متابعة Opened 04:11
15.1 عزف تقنية تريل Opened 05:32
15.2 تطبيقات و نصائح على تقنية تريل Opened 05:08
16 عزف تقنية الزحلقة او جليساندو Opened 04:52
17 عزف تقنية ستكاتو Opened 06:31
18 تمارين عملية Opened 06:48
19 عزف أغنية أهواك لعبد الحليم حافظ Opened 06:40