يبين الاستاذ محمود سرور كيفية استخراج صوت قوي او ضعيف و دور اصبع السبابة في ذلك , و بعدها ينتقل الى .تمرين مهم لتطبيق ما سبق.
محمود سرور:
"طب يا استاذ محمود وزن القوس وزن القوس بيبقى عامل ازاي ع الكمانجة لازم ماضغطش قوي ع القوس اسيب القوس بتاعي يمشي بشكل انسيابي بشكل انسيابي لإن أي خفة من القوس أو ضغط ع القوس بتفرق في الصوت اللي طالع بتفرق في الصوت اللي طالع القوس يمشي بشكل انسيابي وبسرعة (يعزف الاستاذ محمود التمرين).
طلع صوت طب لو أنا عملت كده وجيب بالسبابة صباعي السبابة ده ودوست شوية ع القوس هيحصل إيه (يعزف الاستاذ محمود التمرين) صوت تاني يعني إيه صوت تاني صوت تاني يعني شكل تاني من أشكال صوت الآلة ممكن يبقى أقوى أو اضعف ممكن يبقى ارخم أو أرفع ممكن يبقى فيه صفير أو صوت الكمانجة التقليدية يعني أنا لو عملت كده (يعزف الاستاذ محمود التمرين) ده صوت (يعزف الاستاذ محمود التمرين) وده صوت (يعزف الاستاذ محمود التمرين).
وده إيه اللي فرق أنا صباعي ده هو اللي فرق صباعي السبابة هو اللي فرق ضغطة السبابة ع القوس لو أنا رفعت السبابة كده وعزفت هطلع صوت (يعزف الاستاذ محمود التمرين) احط السبابة اريحه بس ع القوس هطلع صوت تاني (يعزف الاستاذ محمود التمرين).
لو ضغطت بالسبابة شوية تحت (يعزف الاستاذ محمود التمرين) تطلع صوت تالت يبقى إذن هنا إحنا بنيجي نتكلم عن قيمة الصوابع بتاعت الإيد اليمين هي اللي بتحدد شكل الصوت ونوع الصوت طيب يا استاذ محمود إحنا دلوقتي عايزين نزاكر التمرين اللي هقولكو عليه ده عشر دقايق واريح خمس دقايق عشر دقايق واريح خمس دقايق لمدة قد إيه أنا لو قدرت إن أنا ازاكر تلات اربع ساعات في اليوم يبقى أنا بعمل إنجاز كويس مش عايز اضغط عليكو واقولكو إن أنا كنت بزاكر تسع ساعات وعشر ساعات في يوم من الأيام ولكن احنا في البداية مش عايزين نضغط على نفسنا عايزين لو عرفنا نوصل حتى لساعتين في اليوم ساعتين في اليوم هتحصل على نتيجة كويسة في خلال شهر أو شهرين طيب التمرين بيقول إيه التمرين بيقول الوتر القوس همشي في المكان السليم من كعب القوس لغايط فوق وارجع (يعزف الاستاذ محمود التمرين).
بشكل ارتخائي بشكل انسيابي لا ادوس بالسبابة ولا خفيفة السبابة موجود على القوس مريح بس مش ضاغط الشكل العادي طبيعي جدا أوسي كورة البينج بونج ماسك أوسي بشكل سليم وابدأ إن أنا احرك القوس بشكل إنسيابي جدا من غير أي لا ضغط ولا خفيف (يعزف الاستاذ محمود التمرين) في المكان اللي أنا مخصصه في الوسط بين آخر المراية وبداية الفرسة (يعزف الاستاذ محمود التمرين) واطلع (يعزف الاستاذ محمود التمرين) وانزل (يعزف الاستاذ محمود التمرين).
القوس كله مش امسك وانزل وانزل واطلع (يعزف الاستاذ محمود التمرين) لأ عايز القوس كله عايز أعود نفسي إن أنا بستعمل القوس كله (يعزف الاستاذ محمود التمرين) عايز اعود نفسي إن أنا بستعمل القوس كله عايز اعود نفسي إن أنا بستعمل القوس كله عشان خاطر ده هيريجني ده هيريحني بعد كده في أشكال هنتكلم عنها ابدأ بداية إن أنا دايما من تحت القوس لغايط آخر القوس عشان احرك إيدي بالانسيابية دي في تمرين كنا بنعمله زمان ببساطة كده اعمل كده من غير ما اعزف واقوم عامل كده من غير ما اعزف بردو اعمل كده واضغط واعمل كده واضغط اعمل كده واضغط واعمل كده واضغط لو عملت التمرين ده عشر دقايق في ساعة هتتبسط جدا هتلاقي نتيجة كويسة جدا من اتزان القوس والصوت اللي طالع.
تعالو نتكلم عن حاجة مهمة أوي لما آجي عايز امسك القوس بشكل صحيح عايز اعمل إيه أنا عندي الكف بتاع الإيد الرسغ بتاع الإيد ده ليه تمرين احرك إيدي يمين شمال يمين شمال ده هيساعدني إن أنا بطلع بالقوس وبنزل لما بعمل كده وبتحرك بالدراع الدراع بيتحرك لغايط حتة معينة ووقف.
طب أنا عايز اخلي القوس بشكله السليم على الكمانجة اعمل إيه هلاقي الرسغ بياخد شكل مختلف شوية غير كده الرسغ اختلف أهو هنا الرسغ اختلف لما باجي انزل تحت الرسغ بيتحرك معايا وبياخد شكل مختلف عشان احافظ أنا عايز احافظ على ثبات القوس بشكل معين على الكمانجة لو أنا عملت كده (يعزف الاستاذ محمود التمرين) ومحركتش رسغي هلاقي القوس بيلف معايا طب أنا عايز افرد دراعي افرد دراعي لتحت وافرد دراعي لفوق عشان كده قولتلكو ع التمرين اللي هو بألمس نقطة تحت وبألمس نقطة فوق بألمس نقطة تحت الرسغ بيبقى واخد شكل وبألمس نقطة فوق الرسغ بيبقى واخد شكل تاني النقطة اللي تحت الرسغ واخد شكل والنقطة اللي تحت واخد شكل تاني لو زاكرت التمرين ده هيفيدني جدا في إن أنا اطلع صوت القوس في المكان بتاعه السليم ونبدأ إن احنا نحافظ إن احنا الصوت بتاعنا مايغيرش.
ومش هتقل عليكو النهاردة كفاية كده أوي التمرين ده مهم جدا إن انت تطلع صوت من على وتر واحد عشان وكفاية عليكو كده النهاردة عشان مانتقلش عليكو وإن شاء الله معادنا في الدرس اللي جاي."
