تتعلم إيقاع الكراتشي هنا و هو إيقاع يتميز بأنه يبدأ بالتك.

نزار الحمود:

"مرحبا، أنا نزار من إعزف دوت كوم، واليوم في درسنا أربعة وعشرين رح نتعرف على إيقاع جديد.

هذا الإيقاع اسمه إيقاع الكراتشي، في الإيقاعات اللي مرقت معنا كان أغلب الإيقاعا أو كل الإيقاعات تبدا بدُم (يعزف الأستاذ نزار التمرين) أو (يعزف الأستاذ نزار التمرين) أو (يعزف الأستاذ نزار التمرين ) وهكذا يعني كل الإيقاعات كانت تبدا بدُم، هذا الإيقاع بخالف هديك الإيقاعات هذا الايقاع اسمه كراتشي صوته أو عزفه أو تشريحه هيك (يعزف الأستاذ نزار التمرين ).

تمام،ن وزن هذا الإيقاع هو تنين على أربعة أو تنين أربعة ورح تشوفوا نوتته على الشاشة تك إس تك دُم (يعزف الأستاذ نزار التمرين )، أو إذا بدنا نعده بالطريقة 0اللي بنعرفها ون تو أند، ون أند تو أند، ون أند تو أند ( يقرأ الأستاذ نزار التمرين قراءة إيقاعية).

بدنا نعزف الكراتشي على المترونوم أو مع المترنوم على سرعة مية ضربة في الدقيقة، تذكروا تحطوا التايم سجنتشر أو الميزان والوزن تنين أربعة ونحط العد ون أند تو أند، ون أند تو أند، ون أند تو أند، بهيك صار عنا عدد كبير من الايقاعات اللي تعلمناها ولإنه إحنا صرنا نعرف نحلل النوتة وصرنا نعرف ونقسمها، هلأ صار يعني في عنا فكرة اكبر إنه كيف نشكل الإيقاعات فرح يجي درس لقدام إن شاء الله بيحكي عن تشكيل مثلاً عدد من الإيقاعات اللي أخدناها، أو أنا إيقاعي وأنا بعزف كيف ممكن أفكر بطريقة تحلية وتشكيل الإيقاع.

تمرنوا على هذا الإيقاع بشكل جيد، هذا الإيقاع لطيف وسهل وطبعاً ما تنسوا تعملوا التمرين الإضافي اللي بطلع عندكم على الشاشة وبشوفكم الحصة القادمة. 

شكراً لكم."