الدروس
03:42:46 ساعة
31 الدروس
الطبلة
إيقاع البلدي
ادخل بريدك الإلكتروني لتبدأ مجاناً الآن
بالضغط على الزر اعلاه اوافق على شروط واحكام موقع إعزف
نص الحوار

يعطي نزار إيقاع البلدي و يعطي تمرينات و نصائح لازمة .


نزار الحمود:


"مرحبا، أنا نزار من إعزف دوت كوم. واليوم في الحصة رقم خمسة وعشرين، رح نتعرف على إيقاع جديد، هذا الإيقاع اسمه إيقاع البلدي،هذا الإيقاع بيشبه كتير إيقاع أخدناه بالزمانات يعني اللي هو إيقاع المقسوم، إذا بنتذكر إيقاع المقسوم كان (يعزف الأستاذ نزار التمرين) و(يقرأ الأستاذ نزار التمرين قراءة إيقاعية) هذا الإيقاع تقريباً نفس الإشي بس بدلنا التك الثانية بدُم، يعني كيف بصير (يعزف الأستاذ نزار التمرين) لو بدنا نشوف الفرق بينهم (يعزف الأستاذ نزار التمرين).


هلأ هداك الإيقاع المقسوم اللي هو شبيه البلدي بالعادة بينعزف مثلاً إذا كان وزن القطعة أربعة على أربعة، والإيقاع ماشي مثلاً مع القطعة الموسيقية أو الأغنية بتكون بالعادة سرعة الإيقاع هذا سريعة، أما إذا كنا بنحتاج لحس أبطء أو لحس خلينا نحكي أثقل كوزن، لو شبهنا هذا الإيقاع هذا المقسوم كان وهذا البلدي، لو كان حطيناهم على الميزان رح يكون البلدي أثقل منه، لإنه إحنا بدلنا بدل التك اللي بنتذكر حكينا إنه صوتها ناعم أو إذا بدنا نشبهّا بإشي بنشبهه بريشة إحنا بدلناها بدُم اللي هي المفروض صوتها أخشن أو أتقل من صوت التك، فبنشوف هون عنا على الشاشة هو وزنه على أربعة على أربعة، يعني عندي أربع ضربات من السوداء في كل بار، قسمناه بشكل نصاص أو بذات السن بحيث إنه يكون دُم دُم إس تك دُم إس تك إس.


يعني بدنا نعده ون أند تو أند ثري أند فور أند، هلأ بدنا نعزفه على المترونوم أو مع المترونوم بسرعة ثمنين ضربة بالدقيقة، ورح يكون العد ون أند تو أند ثري أند فور أند،(يعزف الأستاذ نزار التمرين).


هذا الإيقاع بتشكل كمان بشكل كبير وجميل وحتى ممكن إنه نلعبه بشكل أبطء إذا كنا محتاجين قطعة هيك نحسسها بثقلها أو بحجمها، فهذا الإيقاع تمرنوا عليه منيح، هي صار عنا إيقاعات موجودة في هاي الدورة، إيقاعات في منها سهل وفي منها صعب وصارت برضه برجع بعيد لكم النوتة صارت موجودة عندكم، بتعرفوا تعدوها، وبتعرفوا تعبوا الفراغات الموجودة وتحلوا الإيقاع، هذا الإيقاع تدربوا عليه بشكل يعني جدي، وزي دايما زي كل درس في تمرين إضافي اللي بطلع عندكم كتير مهم إنا ناخده بعين الإعتبار. 


وبشوفكم بالحصة القادمة."

عن المدرب
نزار الحمود
نزار الحمود
بدأ نزار بالعزف على آلة الطبلة في سن مبكرة, بعد حصوله على المستوى الأول و الثاني و الثالث في امتحان المدارس الملكية للموسيقى في عمر 12 سنة. شارك نزار الحمود في حفل قام في قبرص يجمع الموسيقيين الشباب من 7 دول حيث كان من الممثلين للتراث الأردني هناك. عمل مع العديد من الفرق المحلية و بعدها قام بالمشاركة بتأسيس فرقة البلكونة و يعمل الآن على مشروعه الموسيقي الجديد الأعرابي و هو يدمج الموسيقى الالكترونية مع الآلات الإيقاعية. يعمل نزار في موقع إعزف كمدير للبرامج التعليمية و هو المسؤول عن برنامج إعزف في المدارس الحكومية في الأردن إعزف في مدرستي

شارك اعزف. ساعد غيرك يبدأ الرحلة!

أهدِ تجربة اعزف لشخص مميز!