يتايع نزار إعطاء التمرينات التي تعزز القراءة و العد.

نزار الحمود:

"مرحبا، أنا نزار من إعزف دوت كوم، واليوم في حصتنا رقم ثمانية عشر، رح ناخد كمان تمرين هذا التمرين برضه بساعدنا على قراءة النوتة بشكل صح وعلى معرفة كيف إنه نعد برضه بشكل صحيح.

في هذا التمرين رح تطلع عندكم نوتّه على الشاشة، بنلاحظ إنه هو أربعة على أربعة، أو أربعة أربعة، يعني عندي أربع ضربات من السوداء في كل مزورة، طيب نيجي نشرحه، تمام، بنلاحظ إنه في عنا في المزورة الأولى المستديرة، بنلاحظ إنه اللي هي عديتها أربعة فخلص هي سكرت المزورة مزبوط.

بنلاحظ إنه في المزورة اللي بعدها في ثتنين من البيضاء معناته قيمة كل وحدة تنين، معناته تنين زائد تنين يساوي أربعة والمزورة اللي بعدهاعندي أربعة من السوداء يعني واحد زائد واحد زائد واحد زائد واحد يساوي أربعة، واللي بعدها عندي ثمنية من ذات السن اللي هي نص، فثمنية في نص اللي هو برضه أربعة وهكذا لنهاية التمرين لإنه بصيروا ينخلطوا بين البيضاء وذات السن والسوداء لو نيجي بدنا نعده هذا التمرين بنلاحظ إنه في ذات السن موجودة فمن الأسهل لنا إنه نعد بطريقة ون أند تو أند ثري أند فور أند، شوف المزورة الأولى فيها المستديرة فرح تكون بهذا الشكل ون أند تو أند ثري أند فور أند، المزورة اللي بعدها (يعزف الأستاذ نزار التمرين).

يعني أنا عم بعزف على الواحد والثنين والثلاثة والأربعة المزورة اللي بعدها رح تكون هي اللي فيها ثمنية من ذات السن فرح تكون (يعزف الأستاذ نزار التمرين) لو بدي أعدها بدون الأندات كيف رح تكون (يعزف الأستاذ نزار التمرين) تمام المزورة اللي بعدها رح تكون بالشكل التالي (يعزف الأستاذ نزار التمرين) لأنه عندي بيضاء وسوداء وذات السن، والمزورة اللي ما قبل الأخيرة قبل ما يخلص هذا التمرين رح تكون (يعزف الأستاذ نزار التمرين).

تمام، وآخر مزورة في عندي فيها تكات رح تكون (يعزف الأستاذ نزار التمرين) هذا التمرين عم بفرجيني أربعة على أربعة مش شرط يكون في بكل مزورة نفس النوتة أو نفس الطول كلهم، ممكن يكون عندي بيضاء مع ذات سن، ممكن يكون عندي مستديرة لحالها ممكن خلطة من النوتات، تمام هذا لو إجينا نتطلع على المزورة الأخيرة، فيها سوداء وفيها ذات سن، بدنا نشوف إذا هي مكتوبة صح أو خطأ، بنشوف النوتة الأولى هي سوداء عدها كم واحد، مزبوط اللي بعديها في عنا نوتة ذات السن اللي هي نص، فصار عندي واحد ونص، اللي بعديها كمان نص فصار عندي تنين، اللي بعديها سوداء صار عندي ثلاثة، اللي بعديها ذات سن فصار عندي ثلاثة ونص واللي بعديها نص فصار عندي أربعة، هيك أنا صار عندي أربعة، بطّلع على الزمن عندي أو المفتاح فبصير عندي أربعة على أربعة ، واللي هو حقق هذا الإشي، يعني أنا هيك ما بقدرش أحط نوتة ثانية.

مثلاً يعني لو حطيت بيضاء رح يصير عندي ستة لإنه واحد زائد نص زائد نص زائد واحد زائد نص زائد نص زائد تنين صار عندي ستة اللي هو خالف التايم سجنتشر أو الزمن اللي هو أربعة على أربعة، فإذاً خليني انتبه على إنه أنا مثلاً بدي أكتب لحالي تمرين بدي أحط مثلاً أربعة على أربعة وبدي أنوع بالنوتات خليني دائماً أعد إنه مثلاً نص ونص واحد وهكذا، عبين ما يصير عندي المجموع في كل مزورة أربعة، طيب نيجي نعزفه على المترونوم رح نعزفه على المترونوم بسرعة خمسين ضربة في الدقيقة، على المترونوم بنحط التايم سجنتشر أربعة على أربعة والديفيجن رح يكون بأثمان رح يكون يعني التايم سجنتشر أربعة على أربعة التمبو أو السرعة خمسين ضربة في الدقيقة وتقسيم الضربة رح يكون أثمان، فرح يكون كالتالي (يقرأ الأستاذ نزار التمرين قراءة إيقاعية).

هيك إحنا عملنا التمرين على المترونوم طبعاً زي ما شفنا بدنا نحافظ على سرعتنا ونمشي على المترونوم صح زي ما بنحكي بكل تمرين إنه نمشي مزورة مزورة لحالنا بدون مترونوم نطلع، نقرأ، نعرف شو معنى النوتة يمين شمال دُم تك نعرف إذا هي نص أو واحد التايم سجنتشر موجود عندي، نعتمد على المترونوم وتمرنوا عليه منيح منيح وبشوفكم التمرين بالحصة الجاي. 

باي باي."