نزار الحمود:

"مرحبا أنا نزار من إعزف دوت كوم. واليوم رح ناخد الدرس السابع.

أخدنا بالدرس الماضي حكينا عنه درس صعب وحكينا عنه كيف ينعزف وشرحنا مية بالمية اللي هو التك الشمال، اليوم كمان بدي أتحداكم بدرس برضه صعب، اللي هو السك أو الصك، شو هو صوت السك أصلاً؟

اوكي السك هو الصوت في ناس بحكوله بين الدُم والتك، خلينا نسمع كيف صوته بالأول، يعني نسمع دوم وسك دوم وسك (يعزف الأستاذ نزار التمرين) أظن إنه بين معكم في فرق كتير كبير بين الدُم والسك مع إنهم إذا بتلاحظوا عم بلعبهم بنفس بعزفهم بنفس المنطقة اللي هي هون، بس كل مرة عم بيكون شكل إيدي مختلف، بالدُم طبعاً شرحنا وشبعنا منه وتمرن منه والمفروض هلأ الدُم عنّا مية بالمية عم بنعزف، طيب السك نفس الإشي بنلعب الإيد اليمين بكون فاتح إيدي زي هيك، أوكي بس كيف بدي أعملها بدي أعمل إيدي زي هيك بدي أكورها أوكي هلأ الدُم بتذكر إنه صوته ارتداد الطبلة ارتداد الإيد عن الطبلة يعني هيك بدي أبالغ إني أبعّد إيدي طبعاً هذا الصوت غلط هيك هذا الدُم السك بالانجليزي كمان بسموه سلاب زي كأني عم بضرب حدا كف ضربة فكيف بخلي يكون الموضوع مية بالمية صح حكينا أول إشي بكور إيدي بعملها زي هيك ورح تطلع عندكم على الشاشة صورة بتفرجي إيدي كيف لازم تكون بالزبط رح تكون اوكي برفع ايدي نفس الشي بالدُم زي كاني عملتها بالدُم بس هاي المرة رح أخلي إيدي ما بدي اتخيلها اشي ساخن واشيل ايدي بسرعة لأ بدي اخلي ايدي على الطبلة، طبعاً هيك الصوت اذا بتلاحظوا كتير خشن، ابداً مش ناعم ابداً مش مش هيك رهيّف، لأ كتير كتير خشن.

خنشوف الفرق بالمرة بين الدُم والسك، هي دوم هي سك هي دوم هي سك عرفنا طبعاً كيف نلعبه، رح يبين كمان معكم على الصورة وين المنطقة تحديداً اللي بتلمس الطبلة من إيدي، هل هذا كله اذا بدي افرجيكم رح يبين من هون كله هذا الجزء رح يبين رح يلمس الطبلة يلزق الطبلة طبعاً هاي ملاحظة لازم نعرفها هلأ واحنا بنتمرن ممكن نلعب صوت الدُم كتير عالي خلص لإنه احنا ممكن يكون عنّا زي هيك فكرة إنه الطبلة اشي كتير لازم يكون صاخب بس هو مش شرط يعني ممكن ألعب الدُم عالي وممكن ألعب دوم كثير واطي والتنين صح نفس الشي السك بتحس بحتاج لقوة عشان اطلع الصوت بس برضه مش مزبوط هذا الحكي السك هيك بطلع صوته، كمان مرة رح نعيد بين الدُم والسك اوكيه اوكي وين بستعمل السك؟ إذا حكينا احنا كل الضربات الاساسية عم بتكون بين الدُم والتك بعمل اي ايقاع بالعالم والسك وين بستعمله؟

السك بيجي عشان يبين لي ضغوطات الايقاع طب شو هي ضغوطات الايقاع؟ مثلاً احنا شو اخدنا؟ اخذنا ايقاع اسمه ايقاع الملفوف مكون من ثلاث ضربات دوم تك تك، صح، طيب هلأ لما بتسمعوا عازف عم يعزف ايقاع الملفوف ما رح تسمعوه بفرقة بحفلة باوركسترا ما رح يكون بعزف الايقاع زي ما اخدنا دوم تك تك بيكون بطلّع اصوات كثير من الطبلة وعشان يزخرفه اكثر بس احنا اول ما حكينا حكينا بدنا نتعلمه بضرباته الاساسية اذا بنتذكر طيب، لو اجيت بدلت، احنا حكينا انه السك هو بده يظّهر ضغوطات الايقاع صح، طيب لو اجيب بدلت بدل كل تك سك يعني بفهم من هيك انه انا ممكن احط بدل التك سك والدُم بضلها دوم ما بقدر اشيل الدُم، يعني بدل ما اعمل دوم تك تك زي هيك، لأ خليني بعمل دوم سك سك طيب ايش بستفيد أنا غير انه صار في تنويع اكثر يعني صار في عندي في فرق بين الدُم والتك، اذا انا لعبت كل اشي بايدي اليمين.

لو بدي كوووول الدروس اللي اخدتهم الدُم اليمين مع التك اليمين مع الملفوف مع ايقاع الملفوف مع التك الشمال جمعتهم كلهم مع بعض في هذا الايقاع، كيف بده يطلع معي؟ لو اجيب بدي اجمعه اولها بدي اعمل دوم تك تك دوم بعدين دوم سك سك، طيب هون ايدي الشمال تعلمت فيها التك الدرس الماضي صح طيب لو هلأ بدي ادخلها على الايقاع، كيف بتصير ؟ يعني كتير احلى من، طبعاً في درس رح يجي كيف الواحد بيزخرف الايقاع؟ 

لقدام عشان انا بعرف انه اي واحد لما بده يسمع ايقاع او بده يعزف على طبلة طبعاً يعني بستهلك اكبر كمية ممكنة من الاشياء اللي بعرفها عشان يزخرف الايقاع، يعني ممكن الملفوف يصير زي لما سمعت نصير متطورين اكثر ممكن يصير زي هيك، طبعاً هلأ هذا كله مع التمرين انا ما عملتش ولا اشي غير اني جمعت كل الدروس اللي تعلمناها اللي هي الدُم يمين تك شمال وسك، هلأ ممكن ناخد تمرين بسيط على الدُم او على السك بحيث انه يجمع بين الدُم والسك، ليش؟ عشان اعرف اميز صوت الدُم عن صوت السك، طبعاً بدنا نشغل المترونوم على سرعة ستين ضربة في الدقيقة زي دايما اذا ما عندي مترونوم بحاول اني استعين بعقرب الثواني اللي بالساعة على سرعة ستين ضربة في الدقيقة، واحد تنين ثلاثة اربعة.

اللي عملناه هو تمرين على السك بجمع بين الدُم والسك، ستين ضربة بالدقيقة بادلنا بين الدُم والسك ، دوم سك دوم سك كالعادة بنضلنا نحكي خلينا نبلش بهاي السرعة البطيئة، شفنا حالنا تمام اووف يلا، خلينا نطلع على ثمنين ضربة في الدقيقة وبنعزفه، وكمان بذكركم انه كمان رح يكون في عنا التمرين الاضافي.

هذا التمرين عشان انتوا تتمرنوا عليه عندكم اذا كان عندكم وقت فراغ زيادة ممكن انه نتمرن عليه التمرين الاضافي ورح يساعدنا كثير كتير كثير، رح يساعدنا انه نطلع الصوت احلى، نطلع الصوت اوضح، ورح يخلي ايدينا تتعود على اللعب بسرعة. وهيك بكون خلص هذا الدرس وبشوفكم الدرس الجاي ان شاء الله باي باي."