يتحدث نزار هنا عن إيقاع ذو وزن مختلف عن الأوزان التي سبقت.

نزار الحمود:

"مرحبا، أنا نزار من إعزف دوت كوم، واليوم بدرسنا رقم ثلاثة وعشرين، رح نتعلم إيقاع جديد.

هذا الإيقاع اسمه ايقاع الفالز، وهي في رقصة مشهورة على هذا الإيقاع ممكن إنكم تكونوا بتعرفوها أو ما بتعرفوها بس اسم الإيقاع فالز أو فالز ما إله اسم تاني، طيب هذا الإيقاع وزنه ثلاثة على أربعة تمام، هذا الإيقاع هيك بنعزف (يعزف الأستاذ نزار الإيقاع) و(يقرأ الأستاذ نزار الإيقاع قراءة إيقاعية).

برضه هذا الإيقاع من الإيقاعات ما بتنلعب بش سريع ولا بشكل بطئ يعني عادي سرعة اعتيادية، هلأ بنشوف على المترونوم كيف نعزفه، كيف الإحساس تبعه بكون، طبعاً لاحظنا صار عنا بالوزن أو بالتايم سجنتشر ثلاثة أربعة يعني الرقم اللي فوق مش زي ما إحنا متعودين إللي هو بكون دائماً زوجي، صار في عندي رقم فردي، ثلاثة على أربعة، ما في عندي مشكله، لو نشوف كيف نوتته، دُم تك تك توتته كتير سهلة، اللي هي واحد واحد واحد يعني واحد زائد واحد زائد واحد يساوي ثلاثة وتحت هي أربعة عندي ثلاث ضربات من توتت السوداء في كل مزورة، رح نعزف هذا الإيقاع على المترونوم بسرعة مية ضربة في الدقيقة والعد رح يكون ون تو ثري، ون تو ثري، (يعزف الأستاذ نزار التمرين) و(يقرأ الأستاذ نزار التمرين قراءة إيقاعية).

تمرنوا على هذا الإيقاع السهل، حبيت أحطه بهذا الدرس أو بهذه الدورة عشان أبين لكم إنه في عنا إيقاعات مش كلها الرقم اللي فوق بكون زوجي، يعني تنين أربعة، أربعة أربعة، ثمنية أربعة، ممكن يكون عنا إيقاع أو الرقم اللي فوق فردي زي إيقاع الفالز اللي هو ثلاثة على أربعة، تمرنوا عليه منيح، وإعملوا التمرين الإضافي اللي الموجود في هذا الدرس. 

وبشكوفكم بالحصة القادمة، باي باي."