ينهي نزار السلسلة بتلخيص عام للدورة و لأهم المفاهيم و يعيد التأكيد على أهمية التمرين قبل الإنتقال من درس لآخر . مرحبا.

نزار الحمود:

"أنا نزار من إعزف دوت كوم، واليوم بحلقتنا أو حصتنا تمنية وعشرين والأخيرة، رح نحكي شوي عن هاي الدورة ونراجع شو أخدنا بطريقة سريعة وسهلة وسلسلة.

بنتذكر إنه كيف ما كنا نعرف نمسك الطبلة، كنا بحطها بأشكال غريبة، نحطها بين رجلينا أو نحطها بطريقة مش واثقة من نفسها لإنه صرنا نكون قاعدين ناسيين أصلا في عنا طبلة صارت جزء من جسمنا، وتعلمنا عن الدُم (يعزف الأستاذ نزار التمرين)، تك يمين (يعزف الأستاذ نزار التمرين) تك شمال (يعزف الأستاذ نزار التمرين)وأصوات زي السك(يعزف الأستاذ نزار التمرين) وأصوات زي الكتم (يعزف الأستاذ نزار التمرين) كتم هيك كتم بسيط (يعزف الأستاذ نزار التمرين) وكتم تصاعدي (يعزف الأستاذ نزار التمرين) وكتم تنازلي (يعزف الأستاذ نزار التمرين).

وحكينا عن إيقاعات (يعزف الأستاذ نزار التمرين)، أو (يعزف الأستاذ نزار التمرين)، وحكينا عن كيف نشكل الإيقاع، وكيف نستفيد من إنه صرنا نعرف النوتة، وإيش يعني أربعة أربعة، وشو الفرق بين أربعة على ثمنية، وشو يعني تنين أربعة وهكذا، بتمنى إنه تكون الدورة هاي استفدتوا منها بشكل كبير وبتمنى إنه ما يوقف تعليمكم لحد هاي اللحظة، يعني زي ما دائماً بحكوا إنه التعليم مزبوط إنت عم تاخد من الفيديو كتير أشياء كتير معلومات.

بس برضه بتحتاج إنك تسمع أغاني أو قطع موسيقية، يعني كل ما بتسمع وكل ما بتسمع وكل ما بتسمع رح تستفيد أكثر، بأي فيديوا إنت حضرتوا وما عرفت عنه أي معلومة أو أي إشي، ممكن إنك ترجع تعيده وترجع تعيده، لحد ما إنك تلقط المعلومة بشكل مية بالمية، هاي الدورة احتوت على كثير أشياء للمبتدئين، وبرضة يعني ما بدنا نحكي بصورة متوسط يعني صرنا أقل من المتوسط بشوي أو يعني بسنة، فبتمنى منكم إنكم حتى التمارين، مثلاً في عنا كان تمرين الإحماء إذا بتتذكروه اللي هو(يعزف الأستاذ نزار التمرين).

بتمنى منكم إنه هدول التمارين إذا عرفناهم خلص، ورحنا على الدرس اللي بعده ننساهم، لأ هذا التمرين للإحماء يعني إنت قبل ما تبلش إعمله، في تمارين التبادل كنا ناخدها ضلكم إعملهم، يعني قد ما بتفكر حالك وصلت للبوينت اللي خلص سكرت معك، صدقني إذا بترج لهم وبتتدرب عليهم على المترونوم رح تقدر تعملهم بشكل أسرع.

هيك بتكون خلصت هاي الدورة، بتمنى لكم كل خير، وإن شاء الله تكونوا استفدتوا منها بقدر مية وعشرة بالمية، 

يعطيكم العافية، والي اللقاء."