نزار الحمود:
"مرحبا أنا نزار من إعزف دوت كوم. واليوم رح نبلش حصتنا الثانية في تعلم الطبلة.
الحصة الماضية عرفنا وفهمنا شو يعني إيقاع؟ وشو يعني آلة لضبط الإيقاع؟ اليوم في هاي الحصة رح نتعلم كيف نتعامل معها لهاي الآلة وأهم إِشي كيف نمسكها؟
هلأ لو مثلاً هاي عنا الطبلة اللي معي هلاً في كتير ناس من المبتدئين أو اللي ما عندهم خبرة في كيف إنهم يمكسوا الطبلة كيف يمسكوها بطرق كتير خطأ، ممكن إنها تئذي جسمهم، وممكن إنها تحد من إمكانية هاي الآلة.
يعني مثلاً ممكن إنه يحطوهم بين رجليهم زي هيك ويصيروا يعزفوا، أو ممكن يحملوها بطرق غريبة، هلاء عشان نحمل الطبلة ونتعامل معها بطريقة صحيحة لازم نراعي الأشياء اللي هلاً رح أحكيها.
يعني مثلاً الطبلة إذا لازم تكون إذا أنا يمّيني تنطبق عليك هاي الأشياء اللي بحكيها ، وإذا إنت بتعزف بالشمال يعني إنت بتأكل بشمال أو إيدك الرئيسية هي الشمال بتعمل عكس اللي بحكي، هلأ إذا أنا يميني لازم الطبلة تيجي على رجلي الشمال، بهاي الحالة بحطها بهذا الشكل، بتكون مايلة عشان ارتاح أكثر ممكن إني أرفع رجلي الشمال زي هيك، أركيها بهذا الشكل وأضم رجلي اليمين على الطبلة بحيث إنه أتمكن من السيطرة على الطبلة حتى وأنا رافع إيدي بهاي الطريقةيعني عشان أعرف إذا طبلتي موزونة وشكلها صحيح لازم إني أحطها هيك على رجلي الشمال ورجلي اليمين وأسيطر عليها وأنا رافع إيدي، لو بنجرب إذا نزلت رجلي الشمال، رح تفلت مني الطبلة بهاي الطريقة، فقبل ما نتعلم أي نغمة أو أي إيقاع لازم نكون محافظين على توازن الطبلة بهاي الطريقة مرة ثانية برفع رجلي الشمال، بضم رجلي اليمين بحيث إنها تلمس شوي طرف الطبلة من هاي الجهة، بحطها زي هيك، وبتأكد من إنها موزونة، برفع إيدي، خلص تمام الطبلة مية بالمية، كإنها صارت جزء من رجلي، ما عم تتحرك، إذاً أنا بقدر أنتقل المرحلة الجاي وأبلش بالعزف."
