ادخل بريدك الإلكتروني لتبدأ مجاناً الآن

أو

بالضغط على الزر اعلاه اوافق على شروط واحكام موقع إعزف
إيقاع الزار

تتعلم في هذا الدرس إيقاع الزار أو الأيوبي و يعطي نزار التمرينات المتعلقة بعد تشريح الإيقاع.


نزار الحمود:


"مرحبا، أنا نزار من إعزف دوت كوم. واليوم بدنا نكمل حصصنا بالدرس التاسع.


اليوم بدنا نتعلم إيقاع جديد اسمه إيقاع الزار. طب خلينا نتعرف عليه ونسمع شو هو قبل ما نشرّحه (يعزف الاستاذ نزار التمرين).


بنلاحظ إنه في عنّا المبينين عنّا هون ثلاث ضربات دُم وتك وتك وهلأ بدنا نعزف إيقاع الزار بدون تشكيل مع المترونوم على سرعة سبعين ضربة في الدقيقة، واحد تنين (يعزف الاستاذ نزارالتمرين) بالدروس الماضية شفنا انه في عنّا نوتة للدُم، وفي عنّا نوتة للتك، وفي عنّا كمان إشي، طلع معنا يمكن لاحظتوا شو هو بإيقاع الملفوف في هيك كان إشي غريب طالع بين الدُم والتك، ما عرفنا شو هو؟ اللي هو بنحكيله السكتة أو صوت ال إس، ال إس يعني أنا ما بعزف إشي.


يعني لو بدي أخذ إيقاع الزار وأحطه هيك بالمختبر وأشرحه، رح ألاقي عندي دُم إس دُم تك .....، بال إس أنا ما بعزف، إذا بدي أعزفه بضرباته الأساسية يعني برجع بعيد دُم سكتة دُم تك دُم إس دُم تك (يقرأ الأستاذ نزار التمرين قراءة إيقاعية) يعني بالإس بسكت، بسكت طبعاً بالعزف مش بسكت بالحكي يعني دوم (يعزف الاستاذ نزار الإيقاع) طيب هل إنه مثلاً بقدر ألعبه بالإيد اليمين التك؟


طبعاً. بقدر ألعب سك بدل تك؟ طبعاً (يعزف الاستاذ نزار التمرين) طيب بالإس إيش بقدر أعمل يا ترى؟ يعني هل مثلاً إذا كنت عم بعزف مع ناس بضلني اعمل (يعزف الاستاذ نزار التمرين)ولا بقدر أعزف في أشياء ثانية؟ لو بدي أستخدم إيدي الشمال، ممكن أعمل (يعزف الاستاذ نزار التمرين) عم بعمل (يعزف الاستاذ نزار التمرين) تاتا تاتا تاتا أو ممكن (يعزف الاستاذ نزار التمرين) ما بدنا نفوت بزخرفة الإيقاع حالياً لأنه زي ما حكينا ممكن رح نتعرف لقدام على كيف بنزخرف الإيقاعات، حالياً بدنا بس نتعرف على الإيقاع بشكله الرئيسي نتدرب عليه، رح أحكي إنه عبارة عن دُم إس دُم تك دُم سكتة... (يعزف الأستاذ نزار التمرين).


هيك أنا مسكت الإيقاع وشرّحته وعرفت إيش ضرباته الأساسية، ليه مهم إني أتعلم شو الضربات الأساسية للإيقاع؟ عشان أعرف وين بقدر أشكل الإيقاع؟ وما تستعجلوا ما تستعجلوا بالمرة رح نيجي ونعرف وين الإيقاع بتشكل؟ وإيمتى بتشكل؟ وإيمتى حلو ينلعب لحاله؟ كل هذا سوف نتعرف عليه في الحصص القادمة. وشكراً إلكم وباي باي."


فيديوهات دروس الدورة - تعلم الطبلة 1
1 ما هو الإيقاع ؟ Opened 03:04
2 كيف نمسك الطبلة؟ Opened 03:07
3.1 الأصوات الرئيسية للطبلة | صوت الدم Opened 06:02
3.2 الأصوات الرئيسية للطبلة | التمارين Opened 05:44
4 الأصوات الرئيسية للطبلة | صوت التك Opened 10:45
5 ايقاع ملفوف Opened 05:23
6 صوت التك اليد اليسرى Opened 08:45
7 صوت السك Opened 09:50
8 تمارين تبادل Opened 06:00
9 إيقاع الزار Opened 05:14
10 إيقاع المقسوم Opened 11:14
11 صوت الكتم Opened 10:51
12.1 النوتة الموسيقية Opened 15:46
12.2 النوتة الموسيقية Opened 13:56
13 تمرين الإحماء Opened 09:16
14 تمرين تبادل متقدم Opened 05:16
15 صوت الكتم التصاعدي و التنازلي Opened 09:37
16 قراءة النوتة الإيقاعية تمرين 1 Opened 04:54
17 قراءة النوتة الإيقاعية تمرين 2 Opened 07:33
18 قراءة النوتة الإيقاعية تمرين 3 Opened 07:03
19 قراءة النوتة الإيقاعية تمرين 4 Opened 13:12
20 إيقاع الشفتتلي Opened 06:36
21 تقنية الرول Opened 05:45
22 عزف الدم و التك معاُ Opened 04:39
23 إيقاع الفالز Opened 03:02
24 إيقاع الكراتشي Opened 03:07
25 إيقاع البلدي Opened 04:14
26 إيقاع السعودي Opened 03:57
27.1 تشكيل الإيقاعات Opened 10:21
27.2 تشكيل الإيقاعات Opened 10:26
28 تلخيص عام للدورة Opened 03:27