تتعلم في هذا الدرس إيقاع السعودي أو الخليجي.

نزار الحمود:

"مرحبا، أنا نزار من إعزف دوت كوم، واليوم بدرسنا رقم ستة وعشرين رح نتعلم إيقاع جديد.

اللي هو ايقاع خليجي أو سعودي، هذا الإيقاع كيف نحنا الإيقاع الماضي أخدنا المقسوم كان دُم تك أس تك دم إس تك إس، وعملنا البلدي دُم دُم بدل التك، عشان حسنا إنه وزنه أثقل، هون هذا الإيقاع مشابه لإيقاع الملفوف اللي أخذناه بالزمانات، هذا الإيقاع زي ما لاحظتوا إنه كنا بالملفوف نعمل (يعزف الأستاذ نزار التمرين) هون صار عندي (يعزف الأستاذ نزار التمرين).

ونفس الطريقة اللي كنا نشكل فيها الملفوف أو نحكي فيها عن الملفوف، كنا مثلاً بدلنا التك سك، (يعزف الأستاذ نزار التمرين)، فزي ما هلأ عملنا قررنا إنه نبدل بدل التك نعمل سك، برضه هذا الإيقاع من اسمه الخليجي أو السعودي نسمعه بالأغاني الخليجية بشكل عام، أو القطع المؤلفات الموسيقية الخليجية، ممكن طبعاً نسمعه بأي محل حتى لو كان التراك أو القطعة الموسيقية غربية، حالياً صاروا يستعلموا هذا الإيقاع بكثرة، اللي هو بنرجع نسمعه (يعزف الأستاذ نزار التمرين).

فهذا الإيقاع وزنه تنين أربعة، وضرباته الأساسية دُم دُم تك، دُم دُم تك، دُم دُم تك، هذا الإيقاع يمكن تكون نوته يعني مش مفهومة بشكل كبير إنه برضه زي ما حكينا، كيف لما حكينا عن الشفتتلي إنه هو إيقاع بيعتمد على الحس أو الإحساس هذا نفس الإشي، بدنا نحس الدُم دُم، إذا بدنا نشبهه بحركة إيدي رح يكون دُم دُم تك دُم دُم تك دُم دُم تك بتحس في عندي زي تدفق بالإيقاع، كمان مرة بنسمعه (يعزف الأستاذ نزار التمرين).

بدنا نعزف هذا الإيقاع مع المترونوم بسرعة خمسة وتسعين ضربة بالدقيقة، تأكدوا إنه التايم سجنتشر أو الزمن تنين أربعة رح يكون بهذا الشكل واحد تنين .. ون تو..(يعزف الأستاذ نزار التمرين)، هذا الإيقاع عزفناه وتمرنّا عليه، وعرفناه، بحب إنكم تتمرنوا عليه كتير، وبرجع بعيد صار عنا كمشة إيقاعات، أو عدد كبير من الإيقاعات اللي بنعرفها وتعلمناها وعزفناها مع بعض، وبرضه برجع بعيد إنه في بصير عنا التمرين الإضافي خلينا نعمله وبهيك أنا بكون خلصت الايقاع الخليجي أو السعودي، بشوفكم في الحصة القادمة. ويعطيكم العافية."