ادخل بريدك الإلكتروني لتبدأ مجاناً الآن

أو

بالضغط على الزر اعلاه اوافق على شروط واحكام موقع إعزف
إيقاع المقسوم

تتعلم في هذا الدرس إيقاع المقسوم و يعطي نزار التمرينات المتعلقة بعد تشريح الإيقاع.


نزار الحمود:


"أنا نزار من إعزف دوت كوم. معكم مرة ثانية بهاي الدروة واليوم رح ناخد الحصة رقم عشرة.


بهاي الحصة رح نتعلم إيقاع نعزفه كلنا و نعرفه كلنا، وبنحبه كلنا، هو إيقاع بالعادة لما الاستاذ بطلع من الحصة الكل بصير إيش يعمل؟ يطبلوا على الدرج.


الإيقاع هذا إسمه إيقاع المئسوم، زي ما شرّحنا إيقاع الزار بالحصة الماضية، هلأ بدنا نشرّح الإيقاع هذا بالحصة هاي إيقاع المئسوم أو المقسوم مكون من ضربات عديده ورح نسمعه هلأ، هيك بنلعب أو بنعزف بصوته الأساسي بدون ولا تشكيل، (يعزف الأستاذ نزار التمرين).


بنلاحظ إنه زي ما حكينا من قبل إنه بتكوّن من ضرباته الأساسية اللي هي دُم وتك، تعالوا نتعرف عليه كإيقاع مُشرّح خلينا نستعمل هذا المصطلح، بتكوّن إيقاع المقئسوم أو المقسوم من ثمن ضربات شوفوا مع بعض دُم تك إس تك دُوم إس تك إس دُم تك إس تك دُم إس تك إس، طبعاً بنعرف شو هي الدُم، وبنعرف إيش هي التك، أو (يعزف الأستاذ نزار التمرين) والإس اللي هي السكتة، لو بدنا نعزفه مرة بدُم، مرة تك بالإيد اليمين ومرة تك بالإيد الشمال بكون مثلاً زي هيك (يعزف الاستاذ نزار التمرين).


هيك إحنا عزفناه بشكله الأساسي اللي هو (يقرأ الأستاذ نزار التمرين قراءة إيقاعية)، طبعاً إيقاع المئسوم هو إيقاع جداً فرايحي جداً سريع كتير بنلاحظه بالأغاني اللي بتدل على الفرح بأغاني الأعراس، يعني هيك جووه مش إنه هو نكد أو حزين فبالعادة بنلعب سريع (يعزف الأستاذ نزار التمرين)، طيب لو نيجي شو نعمل مثلا ًهلا، إحنا حكينا (يقرأ الأستاذ نزار التمرين قراءة إيقاعية) ثمنية، طيب لو بدنا نعمل مثلاً نبدل بدل التك سك كيف بتغير صوته؟ أو كيف بصير؟ نجرب مع بعض (يعزف الأستاذ نزار التمرين) هيك إحنا ما عملنا ولا إشي، بس إحنا لما تعرفنا عليه للإيقاع شو عملنا فيه؟ شلنا التك، كل تك بدلناها بسك، هلأ بدنا نعزف إيقاع المئسوم بضرباته الأساسية بدون تشكيل، يعني (يقرأ الأستاذ نزار التمرين قراءة إيقاعية) بسرعة بطيئة وهادية عشان نقدر نسرع أكثر، هلأ رح نلعبه بمية ضربة بالدقيقة، واحد تنين ثلاث أربعة، (يعزف الأستاذ نزار التمرين).


هلأ هذا الإيقاع كتير كتير كتير كتير كتير قليل ممكن إنه نسمعه بحالته اللي بدون تشكيل، هلأ إنتوا لما حكيت لكم يمكن بتطبلوه على الدرج، بتسمعوه مش بهاي الطريقة، إنتوا بتعزفوه هيك(يعزف الأستاذ نزار التمرين) هيك صار يمكن عندكم أوضح، أو مثلاً (يعزف الأستاذ نزار التمرين)هذا واحد من الأشكال اللي ممكن نشكل فيها الأيقاع المئسوم، فلو إجيت مثلاً بدي أشكله، طيب ببدأ بلعبه أو بعزفه ب إيقاع بدون تشكيل (يقرأ الأستاذ نزار التمرين قراءة إيقاعية) وبدل كل تك ببدلها بسك (يعزف الأستاذ نزار التمرين)طيب بعدين بنلاحظ زي هديك المرة مثلاً لمّا شرّحنا إيقاع الزار حطينا بالإس او بالسكتة أشياء بنسميها حُليات أو تحلاي أو زخرفة، اللي بدكم إياه، بالإس دائماً بالعادة بنحلي الإيقاع كم إس عنا هون (يقرأ الأستاذ نزار التمرين قراءة إيقاعية).


عنّا ثلاث إسات هدول الثلاث إسات في بدايتنا البسيطة بعد ما تعرفنا هلأ على الدُم والتك برضه باليمين والتك بالشمال والسك والإس بقدر مثلاً هيك أخلط أخلط أحطهم مع بعض أشوف شو بطلع معي، مثلاً الإس بالإس الأولى مثلاً بدي ألعب تك بالإسات بعدد الإسات الموجودة عنّا بدي ألعب تك وحدة بالشمال يعني كيف بصير (يعزف الأستاذ نزار التمرين) بسرعة أسرع، لو باجي بشوف هون التك عندي هيك كنت بعزفها (يعزف الأستاذ نزار التمرين) هيك، هلأ مثلاً لو إجيت أنا بالدرس تبع التك كان عندي الوضع مش مزبوط الوضع مش تمام، ما رح ما رح يطلعوا معي رح أخربط مية بالمية يعني ممكن إحنا حكينا هيك بعدين هيك يعني الدرس المفروض نكون هلأ مية بالمية طالعين منه، لو إجيت صرت أحكي بدي يعني هيك خلص أنه اه التك يلا ممتاز هيك أنا كتير ممتاز فيه، وإجيت أنا على هذا الدرس المئسوم ما رح يطلع معي بهذا الشكل (يعزف الأستاذ نزار التمرين).


ونفس الإشي لو إجيت أنا على درس المئسوم ووالله الدُم عندي مش تمام ولّا السك عندي مش تمام، ولّا التك عندي اليمين مش تمام، رح ألاقي كتيير صعوبة بهذا الإشي، هلأ مثلاً إحنا لما بنعد مثلاً خلينا نحكي التك هاي (يعزف الأستاذ نزار التمرين) بدل ما أعمل التك زمنها واحد يعني ثانية بقدر ألعب أقسمها هيك ، لو تخيلت أنه عندي عصاي هاي هي التك بتخيل إنه هيك في بين إيدي عصاي وقسمتها من النص صار عندي نص تك هون ونص تك هون (يعزف الأستاذ نزار التمرين) لو مسكت التكين تك النص هاد وتك النص هاد وجمعتهم رح يصير عندي واحد (يعزف الأستاذ نزار التمرين)هي نفسها التك بس أنا بدل ما أخذها واحد قسمتها من النص وعملتها تنين يعني هي نفسها ما غيرتها واحد واحد واحد واحد واحد واحد يعني زمنها واحد طيب لو إجيت بدلت بدل التك الوحدة عملت نصين مش تكين نصين يعني (يعزف الأستاذ نزار التمرين)، هيك أنا قسمت التك (يعزف الأستاذ نزار التمرين) لنصين من هون ببلش عندي عمليات التشكيل والتطوير والتحلية للإيقاع، يعني مثلاً مرة بدي أحط نصين، مرة بدي أحط نص، مرة بدي أحط واحد، يعني ممكن يصير معي (يعزف الأستاذ نزار التمرين).


بهاي الحالة أنا صار عندي الإيقاع مشكل و ملون مزخرف، بس بحيث إني بس كنت عم بقسم، مرة بحط التك بقسمها نصين يعني تاتا بنحكيلها تاتا لما يكونوا ضربتين التك ورا بعض تاتا أو بكون عندي تك وحدة، هلأ إحنا إيمتى بدنا نوصل لل (يعزف الأستاذ نزار التمرين).


هاي التاتا لما تصير هاي الإيد مية بالمية لما يعني تصير ممتازة كتير كتير كتير سفاحة، خلص يعني (يعزف الأستاذ نزار التمرين) عم بقدر إني أعمل تاتا تاتا تاتا بسرعة مقبولة عشان ما بدي أقعد أفكر انا والله الإيقاع هذا سريع ولا بطئ وتكون إيدي الشمال مش شغالة تمام يعني (يعزف الأستاذ نزار التمرين) شفتوا كيف؟ يعني رح أخربط، لأ، بدي أحافظ اول إشي أول إشي أول إِشي بدي أتمكن إني ألعب الإيقاع بدون تشكيل، (يعزف الأستاذ نزار التمرين) 


بعدين أفوّت إيدي الشمال أو أزخرف بإيدي اليمين، ورح نشوف طرق كتيرة للزخرفة ومنها صوت كتير مهم بالزخرفة، رح نشوفه بالحصة اللي بعد هاي ورح نتعرف عليه، من هون لوقتها بدي إياكم طبعاً تتمرنوا على هذا الإيقاع، ونشوف كيف بنعزف بطريقته الأساسية بدون تشكيل ومع إنه نزيد تك بالإيد الشمال مرة ومرات نزيد تكين، أو نصين بالإيد اليمين بالإيد الشمال هيك بتكون خلصت هاي الحصة تمرنوا عليها كتير منيح.


هذا الدرس حلو مسلي، فبشوفكم الحصة الجاي. باي باي."


فيديوهات دروس الدورة - تعلم الطبلة 1
1 ما هو الإيقاع ؟ Opened 03:04
2 كيف نمسك الطبلة؟ Opened 03:07
3.1 الأصوات الرئيسية للطبلة | صوت الدم Opened 06:02
3.2 الأصوات الرئيسية للطبلة | التمارين Opened 05:44
4 الأصوات الرئيسية للطبلة | صوت التك Opened 10:45
5 ايقاع ملفوف Opened 05:23
6 صوت التك اليد اليسرى Opened 08:45
7 صوت السك Opened 09:50
8 تمارين تبادل Opened 06:00
9 إيقاع الزار Opened 05:14
10 إيقاع المقسوم Opened 11:14
11 صوت الكتم Opened 10:51
12.1 النوتة الموسيقية Opened 15:46
12.2 النوتة الموسيقية Opened 13:56
13 تمرين الإحماء Opened 09:16
14 تمرين تبادل متقدم Opened 05:16
15 صوت الكتم التصاعدي و التنازلي Opened 09:37
16 قراءة النوتة الإيقاعية تمرين 1 Opened 04:54
17 قراءة النوتة الإيقاعية تمرين 2 Opened 07:33
18 قراءة النوتة الإيقاعية تمرين 3 Opened 07:03
19 قراءة النوتة الإيقاعية تمرين 4 Opened 13:12
20 إيقاع الشفتتلي Opened 06:36
21 تقنية الرول Opened 05:45
22 عزف الدم و التك معاُ Opened 04:39
23 إيقاع الفالز Opened 03:02
24 إيقاع الكراتشي Opened 03:07
25 إيقاع البلدي Opened 04:14
26 إيقاع السعودي Opened 03:57
27.1 تشكيل الإيقاعات Opened 10:21
27.2 تشكيل الإيقاعات Opened 10:26
28 تلخيص عام للدورة Opened 03:27