ادخل بريدك الإلكتروني لتبدأ مجاناً الآن

أو

بالضغط على الزر اعلاه اوافق على شروط واحكام موقع إعزف
النوتة الموسيقية

يتابع نزار هنا الحديث عن النوتة و أسماء النوتات و معنى كل منها.


نزار الحمود:


"مرحبا، أنا نزار من إعزف دوت كوم، واليوم بدنا نتابع الجزء رقم تنين من الدرس الثاني عشر.


كيف كان معكم الدرس الماضي تمام الوضع مية بالمية، عشان اليوم بدنا نكمل نحكي عنه، هلأ بعرف إنه إنتوا عم تسمعوا يي نوتة فش عزف وفش هيك يمكن تكونوا زهقتوا بس هذا الدرس كثير كثير مفيد عشان رح يطوركم بسرعة يعني رح تكونوا هون بدل ما تطلعوا بتصيروا هون لأ بتنطوا نط.


يعني ولا إنتوا صرتوا تعرفوا وتشكلوا الإيقاع، خلينا نكمل بحصنتنا هاي، ليش إحنا كنّا عم بنسمع البم والبابابا وهاي القصص اللي عملناها المرة الماضية وليش دايماً بنعد للأربعة وليش دايماً أغلب الإيقاعات اللي شفتوها فيها رقمين واحد فوق وواحد تحت واللي تحت أغلب المرات بكون رقمه أربعة هلأ حتى بعدة المترونوم إذا بتلاحظوا أو إذا كنتوا تلاحظوا، أو إذا هلأ ستمعتونا هلأ كنا نحكي واحد تنين ثلاثة أربعة، طبعاً العد في للاربعة في للثمانية في للتسعة في للخمسة بس نحنا بدنا ناخد حالياً عدة الأربعة لأنها كتير كتير سهلة وبسيطة بالنسة للعدات الثانية، إحنا عم ناخد الأربعة هلأ في عنا رقمين هلأ رح يطلعوا على الشاشة كمثال أربعة على أربعة.


هلأ إنتوا بشوفوها كانها كسر وأنا حكيتها أربعة على أربعة أوكيه، خلينا نسميها هيك حاليناً في عنا رقم فوق اللي هو أربعةو كمان رقم تحت اللي هو كمان أربعة، هلأ كقراءة أو كحكي بنحكيها أربعة أربعة أو تنين أربعة أو ثمنية أربعة، أو أربعة ثمانية ما بنحكي على بس يعني من باب التسهيل على بس هي الأصح إنا نحكي أربعة أربعة ، تنين أربعة ، فالرقمين اللي طلعوا عندكم أربعة أربعة الرقم اللي تحت هو اللي بناخده مرجع المستديرة اللي هو أربعة، يعني إيش عندي أي نغمة بتعطيني إذا حطيت جمعت منها أربعة رح تعطيني مستديرة اللي هي إيش السوداء، يعني السوداء إذا جمّعت أربعة منها رح يعطوني وحدة مستديرة، طب لو غيرنا الأربعة حطيناها ثمانية فرضاً معناته عم بسألني كأنه إيش هي النوتة اللي ثمانية منها رح يعطوني وحدة مستديرة؟


اللي هي النص صح تمام. فلنفرض إني حطيت تنين عم بسألني هو إيش النوتة اللي زمنها تنين مثلاً إذا بدي أجمعها أرجّعها للمستديرة فهي رح تكون عندي البيضاء، فإذاً الرقم اللي تحت عم بحكي لي إيش هي النوتة اللي مرجع للمستديرة، معلش هو عم بصعب شوي بس هلأ رح يسهل شوي، لو حكيت أربعة أربعة صار عندي معناته اللي فوق عم بعدّ لي كم ضربة بقدر أستعمل، أوكيه هلأ بنشوف يعني مثلا عندي أربعة أربعة فهمنا اللي تحت هي المرجع تبعي للبيضاء قصدي للمستديرة وهي زمنها واحد، مثلاً بدي أحكي أربعة أربعة بدي أستعمل بس دُمات بحكي واحد تنين ثلاثة أربعة، واحد تنين ثلاثة أربعة أنا استعملت أربعة سود دُمات كانهم عملتهم عيلة وحدة أو شو بحكي لها مازورة، ليش صار عندي هلأ أنا بدي ألعب مزورة أو مجموعة أربع دُمات ورا بعض أو مزورة فيها دُم وتك بدنا نشوف شو يعني مزورة؟


والزمن أربعة على أربعة، أوكيه نشوف واحد تنين ثلاثة أربعة واحد تنين ثلاثة أربعة (يعزف الأستاذ نزار التمرين) هلأ عشان بالموسيقة ما تصير الأمور شوربة، يعني إنه أنا أعرف مثلاً هيك وما أعرف وانعجق.


لأ، بصير أتطلع هلأ الأربعة اللي فوق عم تحكي لي إنه عندي أربع ضربات سوداء في كل مزورة، بنشوف، هلأ رح يطلع عندكم هيهم واحد تنين ثلاثة أربعة، زمنهم واحد، إذا بجمعهم واحد زائد واحد تنين زائد واحد ثلاث زائد واحد أربعة، أوكيه وبالثانية مع إني استعملت فيها نوتة، نوتة ثانية اللي هي التك صار عندي واحد خلينا ناخد المازورة الثانية هيها رح تطلع عندكم واحد زائد واحد تنين زائد واحد ثلاث زائد واحد أربعة، فإنا حطيت أربع ضربات من السوداء في كل مزورة، تمام طيب هلأ لو بدي خلينا إحنا نتعامل مع السوداء وذات السن، لو بدي أبدل بالمزورة الثانية بدل التك الثانية، اللي هي مش حكينا دُوم تك دُم تك زمنها هاي التك واحد اللي هي يعني سوداء بدي أعملها يعني تتذكروا العصاي الوهمية، السوداء إذا بقسمها نصين شو بصير عندي شو بالزبط، بصير عندي ذات الرأس أو ذات السن، فعشان هيك، عشان أعوض إذا بدي أشيل التك هاي هيك أحطها على جنب، أعوض محلها من ذات السن أو ذات الرأس بدي تنتين أوكيه نشوف كيف بصير المجموع؟


بصير عندي واحد زائد نص زائد نص زائد واحد زائد واحد، يعني رياضيات كتير سهل، فشو صار المجموع أربعة، شو بصير عندي، واحد تنين ثلاث أربعة، واحد تنين ثلاث أربعة، حلو تمام، طيب هذا هو بشكل عام إذا مثلاً هلأ صار عندي نوتة الإيقاع الأساسية أو اللي بدون تشكيل، هلأ إنت كعازف أو كقارئ للنوتة بشكل بسيط بتقدر بعد ما شفت إنت تك، تحكي اه، أوكيه بقدر أقسمها نصين، مثلاً الإس لما كنا بدرس المئسوم، مثلاً، (يقرأ الأستاذ نزار التمرين قراءة إيقاعية)


مش حكينا الإس بنقدر نعملها (يعزف الأستاذ نزار التمرين) صح طيب، لأنه زمنها بالنسبة للتايم سجنتشر الموجودة على أول النوتة أو الزمن هو كان واحد أنا قدرت أقسمه نصين فصار عندي (يعزف الأستاذ نزار التمرين).


أوكيه، طيب، خلينا ناخد كمان مثال سريع نغيير بدل مثلاً الرقم نحطه أربعه نحطه ثمنية، نشوف شو بصير عنا؟ فرضاً الثمنية هاي شو عم تحكي لي في عندي الأربعة ثمنية صارت عم تحكي لي صار عندي أربع ضربات من ذات السن في كل مزورة، تمام أربع ضربات يعني صار عندي أربع نصاص في كل مزورة، يعني مثلاً إذا عملت هاي نص بصير عندي واحد تنين ثلاث أربعة، واحد تنين ثلاث أربعة، واحد تنين ثلاث أربعة، لو حطيتها مثلاً أربعة على أربعة رح تبطئ، بس ثمنية أعطتني الإحساس إنه الموضوع صار اسرع، عشان نفهم هذا الموضوع اللي يمكن رح تحكوا واال شو صعب ورياضيات، واحد زائد واحد، بدنا ناخد إيقاع سهل كتير كيتر اسمه الفوكس إبقاع توته هيها طلعت عندكم شوفوا هي الرقم اللي هو تنين أربعة، ونوتة الدُم عصايتها لفوق ونوتة التك عصايتها لتحت طيب، هلأ هو هيك بنعزف (يعزف الأستاذ نزار التمرين).


واحد تنين واحد تنين واحد تنين، لو إجيت بدي احكي أنا بدي اعزف مزورة دُم تك والمزورة الثانية بدي اشكل فيها وأحكي بدي اقسم التك الثانية اللي هي الدُم تك لقسمين أو لتكين، رح يتغير طبعاً شكل النوتة ليه، لأنه رح يصير عندي بهذا الشكل شوفوا كيف صار؟ صار عندي الدُم سوداء عصايتها لفوق، التك كيف صارت؟


بدل ما هي سوداء وعصايتها لتحت صارت، صارت ذات السن منها تنتين، لإنه إذا بدي أجمعها حكينا السوداء كم واحد زائد هاي كم نص صار عندي واحد ونص كم بدي عشان أوصل للتنين عشان يصير عندي تنين ونص فبصير عندي إذا بدي أعزفهم مع بعض (يعزف الأستاذ نزار التمرين).


طبعاً بين المزورة والمزورة خط هذا الخط عم بفصل لي بين المزورتين أو بين المجموعتين من الموسيقة فعشان هيك عم بحكي لي هاي المزورة الأولى، كيف بدي أعرف بدي أجمع واحدزائد واحد يساوي تنين معناته واحد واحد تنين، أو واحد نص نص صار عندي تنين (يعزف الأستاذ نزار التمرين) أوكيه عشان هيك صار عندي أوف اه اوكيه طيب ليه ما أقسم الدُم نصين طيب ليه ما أقسم التك نصين، لو بدي أعملهم، أعمل هاي الموازير أو هاي المجموعة من المزورة وراء بعض شوفوا كيف رح يكون لحاله متشكل (يعزف الأستاذ نزار التمرين).


لاحظنا، عملنا فارييشن، ممكن يكون حلو وممكن يكون لأ، أنا ما بفضل نعمل (يعزف الأستاذ نزار التمرين) يعني ما بفضل يكون الدُم مقسومة نصين، طيب فهذه هي تقريباً النوتة البسيطة للإيقاع، طبعاً إحنا عزفنا الأيقاع بدون مترونوم، هذا رح أخليه عليكم كتمرين إضافي، إني أعزف مع الإيقاع، هلأ إذا إنتوا عندكم أبليكيشن على الموبايل، رح تلاقي إنه إنت بتقدر تختار، يمكن يكون بالإنجليزي تايم سجنتشر، فإنت بتقدر مثلاً عندك هاي النوتة اللي وزنها تنين أربعة تحط تنين أربعة، تختار سرعة اللي إنت بدك إياها، مثلاً ستين ضربة في الدقيقة، خمسين ضربة في الدقيقة، مية وعشرين ضربة في الدقيقة، وبنحاول نعزف هاي الموازير أو المازورات، اللي طلعت عنا على الشاشة (يعزف الأستاذ نزار التمرين) في المزورة الأولى (يعزف الأستاذ نزار التمرين) أو في المزورة اللي بعدها أو (يعزف الأستاذ نزار التمرين) واللي بعدها (يعزف الأستاذ نزار التمرين).


أوكيه لهون شوي هذول الدرسين كانوا صعبين ودسمين فارجع عيدهم أو احضرهم أو خليهم يعلقوا بمخك أكثر وأكثر وأكثر عشان رح يسهلوا عليك بالدروس الجاي ويعطيكم العافية شباب، باي باي."


فيديوهات دروس الدورة - تعلم الطبلة 1
1 ما هو الإيقاع ؟ Opened 03:04
2 كيف نمسك الطبلة؟ Opened 03:07
3.1 الأصوات الرئيسية للطبلة | صوت الدم Opened 06:02
3.2 الأصوات الرئيسية للطبلة | التمارين Opened 05:44
4 الأصوات الرئيسية للطبلة | صوت التك Opened 10:45
5 ايقاع ملفوف Opened 05:23
6 صوت التك اليد اليسرى Opened 08:45
7 صوت السك Opened 09:50
8 تمارين تبادل Opened 06:00
9 إيقاع الزار Opened 05:14
10 إيقاع المقسوم Opened 11:14
11 صوت الكتم Opened 10:51
12.1 النوتة الموسيقية Opened 15:46
12.2 النوتة الموسيقية Opened 13:56
13 تمرين الإحماء Opened 09:16
14 تمرين تبادل متقدم Opened 05:16
15 صوت الكتم التصاعدي و التنازلي Opened 09:37
16 قراءة النوتة الإيقاعية تمرين 1 Opened 04:54
17 قراءة النوتة الإيقاعية تمرين 2 Opened 07:33
18 قراءة النوتة الإيقاعية تمرين 3 Opened 07:03
19 قراءة النوتة الإيقاعية تمرين 4 Opened 13:12
20 إيقاع الشفتتلي Opened 06:36
21 تقنية الرول Opened 05:45
22 عزف الدم و التك معاُ Opened 04:39
23 إيقاع الفالز Opened 03:02
24 إيقاع الكراتشي Opened 03:07
25 إيقاع البلدي Opened 04:14
26 إيقاع السعودي Opened 03:57
27.1 تشكيل الإيقاعات Opened 10:21
27.2 تشكيل الإيقاعات Opened 10:26
28 تلخيص عام للدورة Opened 03:27