يتابع نزار بإعطاء أمثلة على التشكيل في عزف الطبلة.

نزار الحمود:

"مرحبا، أنا نزار من إعزف دوت كوم، واليوم رح نتابع حديثنا عن تشكيل الإيقاعات.

لاحظنا في تشكيل الإيقاعات إنه بصير الموضوع يعني مسلي وبنفس الوقت أصعب، اللي بحتاجه الإيقاعي عشان يعرف يشكل الإيقاع هو إنه أول إشي يعزف الإيقاع بشكل جيد، وثاني إشي مهم إنه يسمع، يعني إنت كل ما بتسمع إيقاعات أو أغاني أو قطع موسيقية فيها تشكيل رح لحاله رح يعلق بدانك، ولإنك إنت عارف تعمل إيقاع، رح تقدر ترجم هذا الإشي اللي سمعته للطبلة، فنصيحة عشان تصير تشكل بشكل جيد إنك تسمع بشكل جيد، إنك تسمع أغاني فيها أو قطع موسيقية فيها تشكيل وتلوين للإيقاعات، اليوم بدنا نحكي عن إيقاع بالتشكيل رح نشكله إيقاع المقسوم اللي هو (يعزف الأستاذ نزار التمرين).

تمام، هذا الايقاع من أكثر الإيقاعات اللي الايقاعيين عنا يعني بالشرق بحبوا يعزفوه لإنه كثير بتشكل وكتير فيه حركة، اليوم رح نحاول نتعلم ورح نتعلم هذا الإشي (يعزف الأستاذ نزار التمرين).

تمام، هاي الجملتين اللي ورا بعض، هلأ هذا التشكيل بحتاج منا لتقريباً إنه نفصل حواسنا أو نفصل الإيد اليمين عن الإيد الشمال لإنه هاي الإيد عم بتضل تعمل (يعزف الأستاذ نزار التمرين) ومش كل ما تسكت هاي الإيد يعني (يعزف الأستاذ نزار التمرين).

هاي الإيد عم تعزف، يعني الموضوع مش تبادل بين إيد اليمين والشمال، مش كل ما تعمل الإيد اليمين دُم تك هاي بتعمل تك، يعني (يعزف الأستاذ نزار التمرين) أو زي ما أخدناه (يعزف الأستاذ نزار التمرين) يعني كل ما توقف هاي الإيد عن الحركة هاي الإيد عم بتكون عم تشتغل، هلأ ممكن إنهم يكونوا عم بشتغلوا مع بعض نشوف كيف (يعزف الأستاذ نزار التمرين) تمام، هلأ عشان نقدر نفصل حواسنا طبعاً هذا رح يفيدنا بكل الأشياء اللي بنسمعها اللي بتحتاج منا إنه نفصل الحواس، خلينا نعد أربعة ونعزف الإيقاع مع بعض يعني ون تو ثري فور، (يعزف الأستاذ نزار التمرين).

وعلى كل ون بدنا نعزف تك بالايد الشمال يعني ون تو ثري فور (يعزف الأستاذ نزار التمرين) تمام، هلأ خلينا على كل ون وثري نعزف تك ون تو ثري فور (يعزف الأستاذ نزار التمرين) تمام، هلأ يعني إحنا بنعمل ون تو ثري فور ون تور ثري فور خلينا على الون والتوي والثري نعزف (يعزف الأستاذ نزار التمرين) فور، طبعاً بين كل لما بدنا نعمل (يعزف الأستاذ نزار التمرين)ون ..ون ... بدنا نتقنها، يعني ما بدنا إنه خلص الفيديو عم بيحكي خلينا نجرب لأ، خلينا نحضر هذا البارت (يعزف الأستاذ نزار التمرين) نتدرب عليه، تمام، صرنا نعرف نعمل ون.. (يعزف الأستاذ نزار التمرين) هلأ خلينا نروح على البارت فيه ثري نوقف الفيديو تمام، خلينا نروح على البارت اللي فيه ون تو ثري، خلينا نوقف الفيديو، تمام، خلينا هلأ نروح على البارت اللي فيه كل إشي ون تو ثري فور (يعزف الأستاذ نزار التمرين) تمام، هلأ هون إحنا خلص برمجنا إيدنا صارت عارفة إنه عم بتعد على ون تو ثري فور (يعزف الأستاذ نزار التمرين).

لدرجة إنه إيدنا اليمين بطلنا نفكر فيها، يعني صارت لحالها، يعني هي تبرمجت خلصت حفظت إنه عم تعمل (يعزف الأستاذ نزار التمرين)، فممكن أصير بإيدي الشمال مثلاً أبلش ون تو ثري فور (يعزف الأستاذ نزار التمرين).

تمام، يعني لو بدنا نعزفهم بطريقة بطيئة (يعزف الأستاذ نزار التمرين) تمام، هلأ هذا بتطلب منكم يعني أنا لو وصلت لمرحلة عم بعمل ون تو ثري فور (يعزف الأستاذ نزار التمرين) رح تشوفوا إنه لحالها هاي الجمل اللي عم بعملها وحفظت وهاي إيدي حفظت إنه عم تعمل (يعزف الأستاذ نزار التمرين).

هاي إيدي لحالها رح تصير تشتغل بشكل طبيعي، طبعاً مع التمرين والتمرين والتمرين والتمرين وأيام وأسابيع وأشهر يعني الموضوع مش خلص إنه (يعزف الأستاذ نزار التمرين) لأ بدي أتمكن منها هاي الون تو ثري فور، ممكن أعمل مثلاً (يعزف الأستاذ نزار التمرين) هيني عم بعمل ون أند تو أند ثري اند فور أند، ون أند تو أند ثري أند فور أند، ون أند تو أند ثري أند فور أند، يعني هي هاي لقدام شوي بنصير نعملها بنفس الوقت يعني على كل ضربة عم بينزل معها تك (يعزف الأستاذ نزار التمرين) تمام، هلأ هاي برضه فيها تنويع، ممكن اخلي بعد كل ضربة في تك، (يعزف الأستاذ نزار التمرين).

طبعاً عم بتلاحظوا طبعاً إنه السرعة فيها يعني صار يعني صارت أسرع لأنه بتطلبوا هدول الفارييشنز سرعة عشان يطلعوا بشكل أحسن للأذن عشان نلعبه بشكل بطيء رح يكون في كتير نوتات فهيك بتصير عجينة، فعشان هيك بداية كل هاي الجمل اللي بنعملها ون تو ثري فور (يعزف الأستاذ نزار التمرين) هون بالبداية خلينا نمشي بأبطء ما يمكن يعني أبطء سرعة ممكن نعملها ون تو ثري فور عشان ممكن عقلي يتبرمج أوكيه مع الون تيجي الدُم (يعزف الأستاذ نزار التمرين) فبتيجي التك يعني ون تو (يعزف الأستاذ نزار التمرين) التو بتيجي على الإس فممكن أحكي ون تو أوكيه ون تو ثري الثري عم تيجي على الدُم الثانية (يعزف الأستاذ نزار التمرين) والسك أو التك الأخيرة عم تيجي مع الفور فبصير عندي ون تو ثري (يعزف الأستاذ نزار التمرين).

بهيك بكون تقريباً غطينا جزء كبير من التشكيل في هذا الإيقاع، طبعاً لسا بتشكل بأشكال مختلفة جداً، يعني ممكن لقدام إنه نتعرف على أشياء زي هيك مثلاً إنه يصير في عندي صوتين طبلة بس وأنا لحالي عم بعزف مثلاً (يعزف الأستاذ نزار التمرين) هيك صار في عندي كإنه صوتين واحد عم بعمل رشة أو ترررر وواحد عم بعمل الإيقاع، بس بهذا الكورس الأول أو السلسة الأولى خلينا بس عم نحكي ع الأشياء البسيطة، طبعاً إنتوا خلال أصلاً يعني تجربتكم ورحلتكم بهذه السلسة أو الدورة لحالكم رح تصيروا تكتشفوا أشياء عن الطبلة يعني ما تخلينا نحد حالنا في التمارين اللي موجودة عنا، يعني ممكن أنا نفس التمرين أخذه والتمرين الإضافي وأجيب تمرين من عندي إني أزيد سرعته أو أشيل منه شغله أو أضيف له شغلة،يعني خلينا نكون متعاونين عشان نوصل للإشي اللي بدنا إياه.

هيك بتكون خلصت هاي الحصة من السلسلة، وبشوفكم الحصة القادمة وشكراً."