ينتقل نزار هنا ليعطي تقنيات جديدة مثل عزف الدم و التك معا بنفس الوقت على الطبلة.

نزار الحمود:

"مرحبا، أنا نزار من إعزف دوت كوم، واليوم رح نكمل دروسنا بالدرس رقم تنين وعشرين، طييب إحنا أخدنا دُم تك تك سك شو كمان أخدنا كتم تصاعدي تنازلي وأخدنا الرول وأخدنا إيقاعات مختلفة، طيب اليوم بدنا نأخذه على هوى تمرين هو، عم بعرفنا على إشي جديد ممكن إنه نستعمله في العزف، مثلاً خلينا ناخد الملفوف مثلاً (يعزف الأستاذ نزار التمرين).

ممكن حكينا إنه نحط مثلاً قبل الدُم رول (يعزف الأستاذ نزار التمرين) صح شو بمنعني أعزف الدُم والتك بنفس الوقت يعني بصير (يعزف الأستاذ نزار التمرين)يعني عم بلعب الدُم زائد التك بنفس الوقت (يعزف الأستاذ نزار التمرين) تمام يعني بعطي كمان تشكيلة أو تنويع ثاني للإيقاعات مثلاً (يعزف الأستاذ نزار التمرين).

تمام، (يعزف الأستاذ نزار التمرين) هاي عندي مثلاً إيقاع ثاني استخدمت فيه الدُم والتك بنفس الوقت، طيب لو بدنا نتمرن على مثلاً هذا التمرين، خلينا مثلاً نحكي إنه ون تو ثري فور، ون تو ثري فور، ون تو ثري فور، ون تو ثري فور، ( يعزف الأستاذ نزار التمرين).

تمام، بعد التمرين حكيت إنه قسمته لتنين حكيت ون تو ثري فور، ون أند توأند ثري أند فور أند، ون تو ثري فور، ون أند توأند ثري أند فور أند،( يعزف الأستاذ نزار التمرين)تمام، يعني هذا التمرين كتير سهل، بالنسبة إلكم كتير درس واحد وعشرين تنين وعشرين فيعني صار الموضوع عندكم سهل هو عشان تحسوا كيف بعمل هاي الضربة (يعزف الأستاذ نزار التمرين) طبعاً هاي كمان بنستخدمها بالتشكيل، زي ما حكينا مثلاً إيقاع الملفوف (يعزف الأستاذ نزار التمرين) لو نشوف بدون (يعزف الأستاذ نزار التمرين).

يعني هاي أنا شكلت فيه، مرة لعبته بدون ولا إشي، مرة حطيت رول، ومرة لعبت الدُم والتك بنفس الوقت، رح يطلع عندكم طبعاً زي ما حكينا التمرين الإضافي، عشان تتمرنوا عليه بشكل أحسن، هيك بكون صار عنا كتير كمشة يعني من الأشياء والأصوات اللي تعلمناها اللي ممكن تساعدنا بتشكيل بعض من الإيقاعات اللي أخذناها، فهيك أنا بكون خلصت هذا الدرس وشوفوني الدرس اللي بعده، يعطيكم العافية."