ادخل بريدك الإلكتروني لتبدأ مجاناً الآن

أو

بالضغط على الزر اعلاه اوافق على شروط واحكام موقع إعزف
صوت الكتم التصاعدي و التنازلي
يعطي نزار هنا تمرينات على تقنية إصدار صوت الكتم التصاعدي و التنازلي . يعزف الأستاذ نزار التمرين.


نزار الحمود:


"مرحبا، أنا نزار من إعزف دوت كوم. بهاي الحصة أو الدرس رح نتعلم هذا الإشي اللي شفتوه قبل شوي.


هذا الإشي إسمه كتم تصاعدي وكتم تنازلي، إحنا بحصة رقم إحدى عشر أخذنا الكتم وسميناه الكتم البسيط ،وأخدنا عليه تمارين وشفنا وين بنستعمله وووو...إلخ، هلأ بهاي الحصة رح نتعلم كيف رح نعزف هذا الإشي،، هلأ ممكن إذا إنت عم بتشوف هذا الدرس، أو عم بتحضرني بتحس إنه الموضوع كتير سهل، إنه عم بطلع بإيد وبنزل بالإيد الثانية هو الموضوع مش كتير صعب بس بحتاج لتمرين يمكن وإحنا وصغار كانوا بحكوا لك بتقدر تعمل هاي بنفس الوقت إنك عم بتطلع وبتنزل بإيد الثانية عم بتضرب.


هاي نفس العملية، بهاي الشغلة أو بهذا التكنيك أو هاي التقنية اللي بدنا نستعملها، في عندي إيد بتطلع وبتنزل وفي عندي إيد عم تضرب، عشان أسهّل على حالي الموضوع، هيك رح يكون شكل إيدنا نحطها على حفة الطبلة، أوكيه، رح أعد للأربعة واحد تنين ثلاثة أربعة، واحد تنين ثلاثة أربعة، بهاي المرحلة الأولى إحنا بدنا نقسم مراحل عزفه لأربع أقسام المرحلة الأولى بدي اعمل ،بعدين ما بدي أسحب إيدي بدي أطلع طلوع زي كأني عم بعمل بس هيك، واحد تنين ثلاثة أربعة، واحد تنين ثلاثة أربعة، هيك أنا كأني قسمت الطبلة بسكينة لأربع أجزاء الجزء الأول، طيب البارت الثاني او الجزء الثاني من تعليمي لهاي التكنيك أو التقنية هو إني أعمل التالي، (يعزف الأستاذ نزار التمرين).


برضه قسمت الطبلة لأربع أقسام بس هاي المرة بدل ما اطلع نزلت، شو رأيكم نعمله على المترونوم بطريقة كتير بطيئة وبسيطة، في هذا التمرين رح نطلع وننزل آخذين بعين الإعتبار إنه بدنا نقسم الطبلة لأربع أجزاء، رح نعزف بسرعة ستين ضربة في الدقيقة، واحد تنين ثلاثة أربعة، واحد تنين ثلاثة أربعة ..، هيك نحنا كنا عم نعمل، طيب هلأ لو إجيت أسرعت شوي أنا، رح تلاقي إيدي طبعاً هذا التمرين بدي أعمله ليه عم بعود إيدي عم تطلع وتنزل وإيدي عم تضرب أوكيه عشان هيك عم بعودها، هلأ لو إجيت بدي أسرع بدي ألاحظ إني مش رح أقدر ألحق إني أشيل إيدي وانزلها عشان هيك واحد تنين ثلاثة أربعة، واحد تنين ثلاثة أربعة، واحد تنين ثلاثة أربعة، واحد تنين ثلاثة أربعة، أسرع ممكن إني أسرع إيدي هاي (يعزف الأستاذ نزار التمرين).


بدل ما تعمل، طب هذا وين بقدر أستخدمه؟ مثلاً في بعض الأحيان خلينا نحكي عن الداينامكس او دناميكيت القطعة الموسيقية إنه مش دايماً تكون القطعة الموسيقية أو الأغنية عالية في مرات في جزء منها بنكون بدنا نخلي آلة موسيقية ثانية صوتها أعلى أوتلعب أو تعزف اشي اسمه سولو او المغني بدنا اياه يكون صوته اعلى أو أو ... ،فبدنا شوي نوطّي من الداينامكس أو الديناميكية تبعت الاغنية، فهون ممكن إنه نستخدم صوت الكتم او التصاعدي والتنازلي، مثلاً بدي اعزف ملفوف (يعزف الأستاذ نزار التمرين).


أوكيه، هون بحس إنه اللي معي الفرقة الموسيقة زيطة وعرس وهيك وكله تمام، هلأ ممكن إني بدي أوطي صوت الإيقاع وكل الآلات الموسيقية اللي معي بدها توطى معي وتخلي صوت الطبلة هو لحاله أو صوت إشي تاني مثلاً قنون عود مغني اي حدا ثاني هو أعلى، فعشان هيك ممكن أني أوصل او أنزل من الداينامكس ممكن إني أخفض صوت اللعب أو صوت العزف، (يعزف الأستاذ نزار التمرين)، بس حتى لو بنفضل أو نكون نستخدم مثلاً صوت الكتم، بس في هاي الحالة إذا عملت (يعزف الأستاذ نزار التمرين).


شوي بكون ممل، فممكن إني استخدم التصاعدي والتنازلي، (يعزف الأستاذ نزار التمرين)، هي ممكن أولها يكون صعبة إني أنقل بين الدُم التصاعدي، أو االدُم لتنازلي (يعزف الأستاذ نزار التمرين).


حتى عملت فيه تنويع أو تحلية نفسه، يعني مرة عملت سرّعت هاي (يعزف الأستاذ نزار التمرين)، هون رح أسرعها (يعزف الأستاذ نزار التمرين)بصير (يعزف الأستاذ نزار التمرين).


تمام، بنصحكم هذا الدرس نتمرن بسرعة بطيئة زي ما حكينا واحد تنين ثلاثة أربعة، واحد تنين ثلاثة أربعة، ون تو ثري فور، ون تو ثري فور، ون تو ثري فور، ون تو ثري فور، ون تو ثري فور، برضه رح نحكي إنه الإيد الشمال عم بصير عليها ضغط كبير، ممكن تصير إيدنا توجعنا من هاي المنطقة، إذا حسينا في وجع أو تعبتنا إيدنا، خلينا نريح، ناخد بريك، وبنرجع نكمل التمرين، طبعاً بنصحكم ما تنتقلوا على زي أي درس يعني مش بس هاد، ما تنقلوا على الدرس اللي بعدين وما تيجوا على الدرس اللي قبله إلّا وإنتوا عارفين الدرس مية بالمية، عشان تقدروا تستخدموه بشكل أحسن وأواضح.


هيك بتكون خلصت هاي الحلقة وهذا الدرس وبشوفكم إن شاء الله بباقي دروس الدورة. يعطيكم العافية."


فيديوهات دروس الدورة - تعلم الطبلة 1
1 ما هو الإيقاع ؟ Opened 03:04
2 كيف نمسك الطبلة؟ Opened 03:07
3.1 الأصوات الرئيسية للطبلة | صوت الدم Opened 06:02
3.2 الأصوات الرئيسية للطبلة | التمارين Opened 05:44
4 الأصوات الرئيسية للطبلة | صوت التك Opened 10:45
5 ايقاع ملفوف Opened 05:23
6 صوت التك اليد اليسرى Opened 08:45
7 صوت السك Opened 09:50
8 تمارين تبادل Opened 06:00
9 إيقاع الزار Opened 05:14
10 إيقاع المقسوم Opened 11:14
11 صوت الكتم Opened 10:51
12.1 النوتة الموسيقية Opened 15:46
12.2 النوتة الموسيقية Opened 13:56
13 تمرين الإحماء Opened 09:16
14 تمرين تبادل متقدم Opened 05:16
15 صوت الكتم التصاعدي و التنازلي Opened 09:37
16 قراءة النوتة الإيقاعية تمرين 1 Opened 04:54
17 قراءة النوتة الإيقاعية تمرين 2 Opened 07:33
18 قراءة النوتة الإيقاعية تمرين 3 Opened 07:03
19 قراءة النوتة الإيقاعية تمرين 4 Opened 13:12
20 إيقاع الشفتتلي Opened 06:36
21 تقنية الرول Opened 05:45
22 عزف الدم و التك معاُ Opened 04:39
23 إيقاع الفالز Opened 03:02
24 إيقاع الكراتشي Opened 03:07
25 إيقاع البلدي Opened 04:14
26 إيقاع السعودي Opened 03:57
27.1 تشكيل الإيقاعات Opened 10:21
27.2 تشكيل الإيقاعات Opened 10:26
28 تلخيص عام للدورة Opened 03:27