ادخل بريدك الإلكتروني لتبدأ مجاناً الآن

أو

بالضغط على الزر اعلاه اوافق على شروط واحكام موقع إعزف
النوتة الموسيقية

يعطي نزار نبذة عن مبادىء النوتة الموسيقية دون تعمق و لكن بهدف تسهيل شرح الإيقاعات.


نزار الحمود:


"مرحبا، أنا نزار من إعزف دوت كوم. واليوم رح نتابع الدورة اللي تعلمناها بالدرس رقم اثنا عشر.


هلأ نحنا أخدنا تقريباً أهم الأساسيات والأصوات في الإثنى عشر الحصة الأولى، اللي هم مثلاً دُم، تك، سك، وتك بالإيد الشمال، وصوت الكتم، وكنا نشوف ونحنا عم نعزف مثلاً إيقاع الملفوف أو إيقاع المئسوم أو إيقاع الزار اللي أخدناهم كان يطلع عنا على الشاشة قبالنا هيك رقم فوق ورقم تحت ونونة وإلها عصاي وإشي إله عصاي تحت ويمكن في إشياء ما عرفنا شو معناها وشو هي؟


اليوم بدنا ما بدنا نتعمق كثير بالنوتة زي ما حكينا بالأول بالأول، بدنا ناخد هيك نبذه عشان إذا فهمنا شوي مبادئ النوتة صح ممكن إنه نعرف كيف نشكل ونزخرف ونحلي الإيقاع اللي بناخذه تمام حلو، بدي إياكم هلأ كتير مركزين معي وانتباهكم ألف وخمسمية وعشرين بالمية عشان بدنا ناخد شوي عن النوتة، طيب عشان نفهم النوتة منيح خصوصاً نوتة الإيقاع، بدي أفهمكم إياها هيك بهاي الطريقة، إحنا لو جبنا هاي العصاي الوهمية ماشي، اللي تخيلناها مرة لما حكينا تك والتاتا لو جبنا هاي العصاي الوهمية وتخيلنا فلننفرض إنه طولها مثلاً أربعة سانتي، أو اللي بدكم إياه بس المهم طولها أربعة، لو مسكنا حطينا هاي العصاي بإيدنا اليمين رح يكون اللي بقابلها و بساويها كقيمة في الموسيقى نوتة رح تطلع عنكم على الشاشة شكلها إسمها المستديرة و زمنها أربعة، أربعة أيش؟


هلأ بنشوف، بس خليكم معي هاي المستديرة المدورة هي خلينا نحكي جد جد النوتات بشجرة العائلة، طيب لو رجعنا مسكنا هاي العصاي الوهمية أوكيه وقمسناها بالتساوي بالنص، صار عندي جزئين، كل واحد فيهم تنين صح يعني الأربعة سانتي قسمناهم بالنص، نص الاربعة تنين، صار عندي تنين وتنين، لو أخدنا هاي الاتنين وحطيناها بإيدنا اليمين نشوف إيش بساويها بالموسيقى رح نلاقي إنه النوتة اللي رح تطلع عندكم هلأ واسمها البيضاء، أوكيه، أو المنيم، بس إحنا بدنا نتعلمهم بالعربي أوكيه، هلأ زمنها تنين تمام، هلأ صار عنا كل تنتين بيضاء هدول إذا وصلناهم مع بعض رح يعطوني أربعة سانتي كاملين اللي هم المستديرة، يا سلام كيف لهون؟


تمام. تمام. إذا إنت وصلت لهذا الفيديو أو لهذا الجزء من الفيديو لسا مش راكبة معك الأمور، إرجع عيده من الأول وأنا ما بتعب، إرجع عيده من الأول عشان تقدر تكمل للي رح أشرحه بعدين، طيب هلأ حكينا إنه العصاي أربعة سانتي، قسمناها صارت تنين بتنين صارت قيمتهم متساوية إذا وصلناهم مع بعض رح تعطيني الكبيرة اللي هي المستديرة، لو إجيت مسكت البيضاء اللي هي تنين، هيها أقصر كانت هيك صارت هيك مسكت البيضاء وقسمتها من النص نص التنين واحد فالنوتة الجديدة اللي هلأ رح تطلع عندكم اللي هي اسمها السوداء، أوكيه، زمنها واحد، يعني صار عندي واحد وواحد فكل تنين سوداء اللي هم بايدي اليمين وبإيدي الشمال إذا وصلتهم مع بعض رح يعطوني إيش؟ رح يعطوني ال بالزبط، رح يعطوني البيضاء.


 أوكيه، فإذاً عشان أشكل أو أرجع أرجّع السوداء اللي هي واحد للمستديرة اللي هي الكبيرة كم وحدة بدي؟ إذا هي واحد. كم؟ أربعة. ليه؟ لإنه أنا قسمت المستديرة اللي هي أربعة سانتي قسمتها نصين فصار عندي هون تنين وهون تنين، والتنين هدول قسمتهم نصين بنصين صار عندي واحد تنين ثلاث أربعة، وهيك كونت عندي المستديرة. طيب. خلينا ناخد كمان جزئية من النوتة، اللي هي نص الواحد. نص الواحد كم؟ نص. فإذا إجيت مسكت السوداء بعصايتي الوهمية وقمست السودا لنصفين،شو رح يطلع عندي؟ اللي هي النوتة اللي رح تطلع عندكم هلأ، اللي هي ذات السن اللي هي سمهوها ذات السن، اللي من الواضح إنها عندها سن، فعندي النص هذا كم وحدة من ذات السن بدي أعمل أو أجمع مع بعض عصي عشان توصل للكبيرة، كم؟ ثمانية، ثمن نصاص بيعطوني أربعة، أربع أربع وحدات، أربعة من زمن واحد بيعطوني مستديرة، تنين من زمن البيضاء بيعطوني المستديرة، يعني أنا دايماً براسي بفكري كنوتة بدي أرجع أطلع وين؟ على المستديرة، هي ال يعني الخط تبعي أو الحد تبعي، أو السقف تبعي، دايماً بدي أخد الإشي بالنسبة للمستديرة.


يعني كمان ببسطها كمان، يعني النص هي ذات السن النص بالنسبة للمستديرة ثمانية، لإنه ثمنية نصاص هذا اهو النص لزقت ثمن نصاص جنب بعض رح يعطوني الأربعة سانتي اللي كنت بحكي عنه بالأول السوداء إذا لزقت أربعة جنب بعض رح يعطوني وحدة كمان المستديرة، البيضاء إذا لزقت تنين جنب بعض رح يعطوني وحدة مستديرة، حلو لهون، طيب خلينا نكمل، إذا إنت مش فاهم لحد هاي اللحظة، إرجع بالفيديو لورا شوي عشان تفهم شو عم بحكي وتكون معي تمام، طيب هلأ الأربعة والتنين والواحد والنص هدول كيف هم بالموسيقى هل هم ثانية؟ هل بمثلوا زمن؟ ولا بمثلوا شو؟ طيب لو تخيلت لو بإيدي كبسة هاي الكبسة بس أكبسها بطلع صوت بم، وإجيت بدي أعزف صوت المستديرة، كيف رح يكون؟


رح يكون بمممم عم بكون أربعة (يقرأ الأستاذ نزار التمرين قراءة إيقاعية) مش بم بم بم بم، لأ بمممم تمام طيب نشوف شو الفرق إذا بدي أعزف تنتين بيضاء بالبم تبعتنا (يقرأ الأستاذ نزار التمرين قراءة إيقاعية) أوكيه الحس احتلف صار عندي (يقرأ الأستاذ نزار التمرين قراءة إيقاعية) بالمستديرة شو كان عندي (يقرأ الأستاذ نزار التمرين قراءة إيقاعية) في عندي أكسنت أو ضغط واضح على الواحد، (يقرأ الأستاذ نزار التمرين قراءة إيقاعية).


واحد تنين ثلاث أربعة ، واحد تنين ثلاث أربعة، أوكيه، لو بدي أجي على السوداء لو بدي أشوف كيف بدي أعزفها بالبم تبعتي (يقرأ الأستاذ نزار التمرين قراءة إيقاعية).


أوكيه، (يقرأ الأستاذ نزار التمرين قراءة إيقاعية) يعني واحد تنين ثلاث أربعة، واحد تنين ثلاث أربعة، وبنفس الإشي بالنص، لو بدي أعزفها عشان يعطوني وحدة مستديرة بعزفها (يقرأ الأستاذ نزار التمرين قراءة إيقاعية) هيك أنا عزفت ثمن نصاص بزمن المستديرة، طيب، خلينا نفهم كمان أكثر وأكثر زمن النوتة، هلأ إحنا مبدئياً في هاي الدورة رح نتعامل مع الواحد اللي هي السوداء وإشارتها بتكون سوداء هلأ رح تبين معكم على الشاشة، إذا كانت عصاي إذا كانت سوداء وعصايتها لفوق بنعزفها دُم، وإذا كانت سوداء وعصايتها لتحت بنعزفها تك، طيب عشان نفهم الزمن أكثر وأكثر بدنا نستعين بالمترونوم، شايفين المترونوم ما أقواه وما أحسنه وشو قيمته عالية، طيب لو بدنا نعزف مثلاً البم تبعتنا بالمستديرة كيف رح تكون؟


مع كل ما يخلص زمن المستديرة بدي أرجع أزقف، تنين ثلاثة أربعة (يقرأ الأستاذ نزار التمرين قراءة إيقاعية)، طبعاً سرعة المترونوم كانت ستين ضربة في الدقيقة طيب بنرجع نستعمل المترونوم بستين ضربة في الدقيقة بس هاي المرة بدنا نقسم المستديرة لتنتين يعني بدها تصير بيضاء، كيف بنتوقع يا ترى يطلع الصوت؟ أنا بتوقع إنه ما يطلع (يقرأ الأستاذ نزار التمرين قراءة إيقاعية)لأ رح يصير في عندي زقفة زيادة رح تلاقوا، لإنه الوحدة من المستديرة لما قسمتها صارت نصين فبدها تظهر عندي، فبدها تطلع زقفة وكمان وحدة، ون تو ثري ثور، (يقرأ الأستاذ نزار التمرين قراءة إيقاعية)واحد تنين ثلاثة أربعة، ون تو ثري فور (يقرأ الأستاذ نزار التمرين قراءة إيقاعية).


طيب، يمكن هلأ صار عنا شوي الزمن تبعها أحسن أو فهمنا اكثر خلينا ناخد كمان على السوداء قبل ما نسمعها على المترونوم كيف يعني كيف إذا عملنا (يقرأ الأستاذ نزار التمرين قراءة إيقاعية) وبعدين عملنا (يقرأ الأستاذ نزار التمرين قراءة إيقاعية) هلأ لو بدنا نستعمل السوداء كيف تتوقعوا يطلع صوتها عشان رح يطلع عنا أربعة من الضغوطات او الأكسنتس أو الضغطات عشان يساوي المستديرة مزبوط واحد تنين ثلاثة أربعة نبلاحظ كل ما بنصغر الزقفة بتكتر خلينا نشوف كيف رح تطلع معنا؟ واحد تنين ثلاث أربعة، واحد تنين ثلاث أربعة (يقرأ الأستاذ نزار التمرين قراءة إيقاعية).


هلأ هون إحنا بنستعمل ستين ضربة في الدقيقة يعني كل بم أو كل أربعة عبارة عن اربع ثواني تقريباً بس هل هي دايماً الزمن الواحد دقيقة يعني الزمن الواحد هو ثانية هاي البم ثانية، لو إجينا سرّعنا المترونوم حطيناه مية وعشرين ضربة في الدقيقة نشوف كيف رح يتغير العد؟ ورح نلعب هاي المرة مستديرة (يقرأ الأستاذ نزار التمرين قراءة إيقاعية) إذاً بين كل بم يعني بين كل زقفة وزقفة صار عنا الموضوع أسرع، لو بدنا نلعبها أو نعزفها أو نزقّفها نصين، يعني ثنتين بيضاء نشوف شو بصير، واحد تنين ثلاث أربعة (يقرأ الأستاذ نزار التمرين قراءة إيقاعية)، وهلأ كمان إذا بدنا نعدها أو بدنا نزقفها بزمن واحد، واحد تنين ثلاث أربعة (يقرأ الأستاذ نزار التمرين قراءة إيقاعية).


هيك لاحظنا إنه بس أسرع أو أبطئ إيش عم بصير الصوت عم بقصر أو بسرع أو أو أو، مش إنه أربع، عشان هيك لما جبت العصاي حكيتلكم خلينا نتخيلها أربعة سانتي ما حكينا إنه هاي زمنها أربع ثواني، لإنه الثانية هي سرعة ثابتة، بين الثانية والثانية، بس هون على المترونوم أنا بتحكم كم ضربة بالدقيقة بدي إياها، فإذا عملتها سريعة، رح يصير عندي كل زقفة إذا بدي أخد من السوداء أربعة، رح يصير عندي أسرع (يقرأ الأستاذ نزار التمرين قراءة إيقاعية) أو أسرع (يقرأ الأستاذ نزار التمرين قراءة إيقاعية) أو أسرع (يقرأ الأستاذ نزار التمرين قراءة إيقاعية)أو أبطئ (يقرأ الأستاذ نزار التمرين قراءة إيقاعية)


حلو طيب هلأ هون بهاي المرحلة إذا إنت فاهم لحد ما وصلت شو عم بحكي وقادر إنه تستخلص وتلخص وتستنج من هذا الفيديو إيش حكيت تمام إذا لأ بنصحك إنك ترجع تعيد الفيديو من الأول وتحضره كمان مرة، وتفكر فيه أكثر وأكثر عشان بنفس هذا الدرس بالجزء الثاني رح نكمل عن النوتة ونتعرف عليها أكثر،


تمام، بشوفكم بالجزء الثاني من هذا الدرس."


فيديوهات دروس الدورة - تعلم الطبلة 1
1 ما هو الإيقاع ؟ Opened 03:04
2 كيف نمسك الطبلة؟ Opened 03:07
3.1 الأصوات الرئيسية للطبلة | صوت الدم Opened 06:02
3.2 الأصوات الرئيسية للطبلة | التمارين Opened 05:44
4 الأصوات الرئيسية للطبلة | صوت التك Opened 10:45
5 ايقاع ملفوف Opened 05:23
6 صوت التك اليد اليسرى Opened 08:45
7 صوت السك Opened 09:50
8 تمارين تبادل Opened 06:00
9 إيقاع الزار Opened 05:14
10 إيقاع المقسوم Opened 11:14
11 صوت الكتم Opened 10:51
12.1 النوتة الموسيقية Opened 15:46
12.2 النوتة الموسيقية Opened 13:56
13 تمرين الإحماء Opened 09:16
14 تمرين تبادل متقدم Opened 05:16
15 صوت الكتم التصاعدي و التنازلي Opened 09:37
16 قراءة النوتة الإيقاعية تمرين 1 Opened 04:54
17 قراءة النوتة الإيقاعية تمرين 2 Opened 07:33
18 قراءة النوتة الإيقاعية تمرين 3 Opened 07:03
19 قراءة النوتة الإيقاعية تمرين 4 Opened 13:12
20 إيقاع الشفتتلي Opened 06:36
21 تقنية الرول Opened 05:45
22 عزف الدم و التك معاُ Opened 04:39
23 إيقاع الفالز Opened 03:02
24 إيقاع الكراتشي Opened 03:07
25 إيقاع البلدي Opened 04:14
26 إيقاع السعودي Opened 03:57
27.1 تشكيل الإيقاعات Opened 10:21
27.2 تشكيل الإيقاعات Opened 10:26
28 تلخيص عام للدورة Opened 03:27