ادخل بريدك الإلكتروني لتبدأ مجاناً الآن

أو

بالضغط على الزر اعلاه اوافق على شروط واحكام موقع إعزف
تقنية الرول

يعطي نزار هنا تقنية جديدة للزخرفة و هي تقنية الرول و يعطي التمارين و الأمثلة اللازمة.


نزار الحمود:


"مرحبا، أنا نزار من إعزف دوت كوم، واليوم في درسنا واحد وعشرين رح نتعلم تقنية جديدة عشان نستعملها للزخرفة في العزف، هاي التقنية اسمها الرول، نشوف كيف هي؟ (يعزف الأستاذ نزار التمرين).


بنلاحظ بهاي التقنية او الزخرفة بنستخدم إيدنا الشمال تمام، إذا بدنا نبسطها إذا بتلاحظوا مرات مثلاً بتكون إنت بتستنى واحد ومتأخر عليك بتصير تعمل على الطاولة يعني، بهذا الشكل، هذه الحركة بالثلاث أصابع هدول ممكن نستخدم الأربعة طبعاً بس هي تستخدم بكثرة بالثلاث أصابع هذول هي عبارة عن ولا إشي بس إنه بالزبط (يعزف الأستاذ نزار التمرين).


هلأ هي وين تستخدم، هلأ هاي ما بقدر أعبي فيها فراغ لأنه قيمتها الزمنية، ما إلها قيمة زمنية زي مثلاً السوداء واحد أو ذات السن نص تستخدم قبل النوتة اللي أنا بدي أستخدمها فعشان هيك بنستعملها قبل الدُم (يعزف الأستاذ نزار التمرين) لو بدي أعزف الملفوف (يعزف الأستاذ نزار التمرين).


تمام أو بنحكيها الرادُم اللي هي صوت الرول أو صوت رادُم أو راتك ( يعزف الأستاذ نزار التمرين) يعني ممكن إنه مثلاً (يعزف الأستاذ نزار التمرين) تمام، هلأ في عنا صوت ممكن استخدمه مع الراتك اللي هو إني أرجع أعمل تك بإيدي الشمال (يعزف الأستاذ نزار التمرين).


حلو، هلأ هذا الصوت كتير بيستعملوه الإيقاعيين يعني بيعطي زخرفة مع إنها صغيرة كحركة صغيرة، بس بيعطي إحساس كتير كتير كبير، يعني بدنا نلعب ملفوف بدون رول بالإيد الشمال وبدنا نلعب ملفوف مع الرول ونشوف شو الفرق (يعزف الأستاذ نزار التمرين) تمام، لاحظنا إنه صار بيعطي إحساس تاني، زي كإنه بيسحب الدُم معه أو بيسحب التك معه، يعني كأنه معه صنارة وبروح بجيب الدُم لعنّا، أو بجيب الصوت لعنّا، يعني بسحبها هيك، فهذا ممكن إنه نتمرن مثلاً نعمل (يعزف الأستاذ نزار التمرين)، تمام، إنه (يعزف الأستاذ نزار التمرين).


هلأ طبعاً كل ما بنبطئه رح يكون الصوت أصعب، هلأ ممكن نتمرن عليه، هداك قصة، إنه أولها ممكن رح يكون الشكل اللي عم بعمله إنه عم بيكون بتفكروه سهل، هو سهل مع التمرين، بس ممكن إني أكون مصتصعبه بالأول فممكن إني أبلش أعمل (يعزف الأستاذ نزار التمرين).


بعدين مثلاً أعزف أي إيقاع أنا حابه مثلاً الملفوف أدخل فيه الدُم (يعزف الأستاذ نزار التمرين)تمام، هذا الرول ممكن إني هلأ صار عندي أكم أيقاع تعلمناهم ممكن إني استعمله بأي إيقاع أنا حابه هيك صار عندي كتير تنويعات و إختلافات بعد ما صرنا نعرف النوتة الموسيقية، شايفين، عشان هيك أنا لما تعلمت النوتة الموسيقية تمام أوكيه، عندي هون دُم بحط قبلها مثلاً رول، عندي تك ممكن أحط قبلها رول وبهذا الشكل، حاولوا إنكم تتقنوا هذا التمرين بشكل كويس، أو هاي التقنية بشكل كويس عشان رح نستعملها لقدام بتحلية الإيقاع.


بشوفكم الحصة اللي بعدها، شكرأ إلكم."


فيديوهات دروس الدورة - تعلم الطبلة 1
1 ما هو الإيقاع ؟ Opened 03:04
2 كيف نمسك الطبلة؟ Opened 03:07
3.1 الأصوات الرئيسية للطبلة | صوت الدم Opened 06:02
3.2 الأصوات الرئيسية للطبلة | التمارين Opened 05:44
4 الأصوات الرئيسية للطبلة | صوت التك Opened 10:45
5 ايقاع ملفوف Opened 05:23
6 صوت التك اليد اليسرى Opened 08:45
7 صوت السك Opened 09:50
8 تمارين تبادل Opened 06:00
9 إيقاع الزار Opened 05:14
10 إيقاع المقسوم Opened 11:14
11 صوت الكتم Opened 10:51
12.1 النوتة الموسيقية Opened 15:46
12.2 النوتة الموسيقية Opened 13:56
13 تمرين الإحماء Opened 09:16
14 تمرين تبادل متقدم Opened 05:16
15 صوت الكتم التصاعدي و التنازلي Opened 09:37
16 قراءة النوتة الإيقاعية تمرين 1 Opened 04:54
17 قراءة النوتة الإيقاعية تمرين 2 Opened 07:33
18 قراءة النوتة الإيقاعية تمرين 3 Opened 07:03
19 قراءة النوتة الإيقاعية تمرين 4 Opened 13:12
20 إيقاع الشفتتلي Opened 06:36
21 تقنية الرول Opened 05:45
22 عزف الدم و التك معاُ Opened 04:39
23 إيقاع الفالز Opened 03:02
24 إيقاع الكراتشي Opened 03:07
25 إيقاع البلدي Opened 04:14
26 إيقاع السعودي Opened 03:57
27.1 تشكيل الإيقاعات Opened 10:21
27.2 تشكيل الإيقاعات Opened 10:26
28 تلخيص عام للدورة Opened 03:27