يركز نزار في هذا الدرس على نقاء الأصوات من الطبلة و يعطي تمريناُ يستخدم الدم و التك و سلاسة إنتقال اليد اليمنى بين كل منها.

نزار الحمود:

"مرحبا، أنا نزار من إعزف، واليوم رح نكمل الدورة بالحصة الثامنة.

بهاي الحصة بدنا نريح شوي من المعلومات اللي أخذناهم بأول سبع حصص، وبدنا ناخد زي هيك تمرين بساعدنا على إنه يطلع معنا الصوت واضح وإنه يطلع معنا الصوت أنقى ويمكن يساعدنا شوي بالسرعة، بس هدفه هذا التمرين إنه أطلع الصوت بوضوح، كيف إني أنقل بين الإيدتين يمين وشمال، أخليهم يتعودوا على أبعاد الطبلة، فهو التمرين بهذا الشكل، دُم تك تك، (يعزف الأستاذ نزار التمرين).

طبعاً إذا بتلاحظوا إنه بطلع تك اليمين وتك الشمال نفس الصوت ما في فرق بينهم مش مثلاً زي ما بدي ألعب (يعزف الاستاذ نزار الإيقاع)لأ ، عم بطلعوا نفس الصوت هلأ هدفه هذا التمرين يا جماعة إنه أنا بدي أعود إيدي تنقل من الدُم للتك بطريقة سلسة وإنه كمان لما بدي ألعب تك يمين مع تك شمال، ما تطلعش خبصة، تطلع كلها المعزوفة متناسقة وحلوة، يعني مثلاً (يعزف الاستاذ نزار التمرين) في إشي غلط، عشان هيك هذا التمرين إنوجد، رح نلعب (يعزف الاستاذ نزار التمرين).

بس طبعاً رح نلعبه مع المترونوم رح نلعب المترونوم ستين ضربة في الدقيقة ونمشي مع المترونوم، واحد تنين ثلاثة أربعة، (يعزف الاستاذ نزار التمرين)، طيب هيك شو عملنا؟ عملنا هذا التمرين صارت إيدنا المفروض إنه زي ما نحكي حافظة أبعاد الطبلة، صرت بدون ما أطلع على الطبلة أقدر أعرف وين الدُم ووين التك دُم تك (يعزف الاستاذ نزار التمرين)أولها عادي بس أعزف أعمل (يعزف الاستاذ نزار التمرين) أو تكون حركتي أبطء (يعزف الاستاذ نزار التمرين) زي هيك، إنه مش عارفة إذا بس خلص هلأ صارت إيدي هي اللي حافظة وين الموقع بالزبط بدون حتى ما تعرف (يعزف الاستاذ نزار التمرين).

هيك شو عملت أنا؟ حفظّتها لإيدي وين موقع الدُم ووين موقع التك وهذا إشي، والإشي الثاني إني خليت إيدي اليمين مع الإيد الشمال بصدره نفس الصوت، دُم تك تك(يعزف الاستاذ نزار التمرين)، ونفس كمان الإشي عملته على المترونوم عأساس إني ما أووت أو ما أكون أوت، يعني ما أبطئ أو أسرع على كيفي، طيب نأخذ هيك زي عن شق صغير عن هذا التمرين، يعني مش حكينا دُم تك تك تك، خلينا نشوف إذا بقدر أشكل فيه، أو ألاقيله لعبة، بأشكال ثانية (يعزف الاستاذ نزار التمرين).

يعني مرة عم بلعب السك بعد الدوم، ومرة عم بلعب الإيد الشمال بعد الدُم، طبعاً بهاي الأشياء عم بطوّل التمرين بتصير تتعود أكثر وأكثر وأكثر وأكثر على مواقع الدُم والتك والسك في على وجه الطبلة، وكمان بتتعود على الصوت اللي بطلع من عندي دُم سك تك يمين تك شمال، هيك هذا التمرين لازم إني أعمله زي ما حكينا بسرعة ضربة بالدقيقة، بعديها التمرين الإضافي اللي هو أنا عملتلكم إياه زي نبذه عنه، هذا التمرين عليكم بتعملوه بالسرعة اللي بترتاحولها بالبداية كتير دايماً كل درس تقريباً.

بذّكر إنه ما بدنا نسرع، ما بدنا نوصل سرعة مية وعشرين ضربة في الدقيقة من أولها، لأ، يعني مش سيارة فراري نحنا، لسا يا دوبنا، ف بدي بالبداية أبدأ بداية بسيطة، اللي هي ستين ضربة في الدقيقة، حتى بتعرفوا إذا كان أنا مش متمكن من التمرين ما بديش ستين ضربة في الدقيقة، بدي أنزل ، بدي أروح على أربعين ضربة في الدقيقة، كان تمام، أوكي، على اللي بعده بطلع،سواها كذا، لما أوصل لاااا إن شاء الله لمية ألف ضربة بالدقيقة مش مهم، المهم إنه يطلع معي الصوت كتير واضح، وكثير حلو، وشوي شوي عم بصير بتصير الدورة احلى ولإنه صرنا نفوت بمعمعة المنتصف.

فبشوفكم بالدرس الجاي، ويعطيكم العافية، شكراً."