يتحدث نزار هنا عن أهمية الدروس التي سبقت نسبة لهذا الدرس و ينتقل ليعطي تمرين مهم لتبادل الضربات بين اليدين على الطبلة.

نزار الحمود:

"مرحبا، أنا نزار من إعزف دوت كوم. واليوم درسنا هذا رقم اربعة عشر.

شفنا كيف الأمور عم بتصير أصعب وأصعب كل ما بنمشي لقدام طبعاً هيك هي الحياة والموسيقى، إذا إنتوا وصلتوا لهذا الدرس بشكل ممتاز وكل الدروس اللي قبل صبرتوا عليها، وأعطيتوها وقتها وتدربتوا عليها بالموضوع كتير رح يكون سهل إلكم، يعني مش معقول إنه إحنا في الدرس أربعة عشر وعنا في حدا عنده مشكله بالدُم او بالضربات الأساسية لإنه صار يحكي إنهم سهلين، أو هذا أو بمشي حالي بسلك، لأ، فش تسيلك، بدك تكون عارف إذا وصلت هون معناته هدلاك الدُم والتك خلص شو يعني عبرت، بديش أرجع أعيدهم وأتمرن عليهم، عشان إيش هذا التمرين بعلمنا شوي خلينا نحكي إنه كيف نصيطر على حواسنا أو كيف نفصل حواسنا هذا تمرين مهم للدرس الجاي اللي بعده، هذا التمرين شو بحكي، بحكي (يعزف الاستاذ نزار التمرين).

يمين شمال يمين يمين شمال يمين شمال شمال، (يعزف الاستاذ نزار التمرين)، تمام عم بحكي لي (يعزف الاستاذ نزار التمرين) وهكذا هذا التمرين كتير بس تعملوه رح تحسوا اوف شو صعب كتير صعب، هذا التمرين مستحيل تعملوه إلا إذا بتبلشوا كتير كتير كتير كتير بطئ يعني سرعة بتزهق من كتر ما هي بطيئة، عشان هيك بدنا ناخد هذا التمرين بسرعة بطيئة جداً على المترونوم وبدنا نعده زي ما عدينا المرة الماضية ون أند تو أند ثري أند فور أند، ون أند تو أند ثري أند فور أند، نشوف شو بطلع معنا، طبعاً بدنا نحط وزنه أو زمنه أو التايم سجنشر تبعه أربعة على أربعة، ون تو ثري فور، ون أند تو أند ثري أند فور أند، (يعزف الأستاذ نزار التمرين).

تمام، هلأ هذا التمرين لما نسرع فيه رح نلاقي فيه صعوبة عشان هيك كتير كتير مهم إنه نعمله لإنه كعازف أو عازف مبتدئ إحنا متعودين مثلاً إنه نعمل يا إما ،أو نبادل يا، يا إما دايماً في ضربة من هون وضربة من هون، لأ هذا عم بخليني شوي أركز باللي عم بعمله، لأنه مرة عم بعمل يمين شمال يمين يمين شمال يمين شمال شمال يمين... (يقرأ الأستاذ نزار التمرين قراءة إيقاعية) عم بوجهني إنه مرات مضطر أعزف يمينين تكين بالإيد نفسها أو بدي أنوع، لأنه إذا بنسمع حتى الإحساس بختلف، مع إنه نفس الصوت عم بلعب (يعزف الأستاذ نزار التمرين).

فهذا التمرين اللي هو إله تمرين إضافي اللي رح يطلع عندكم هلأ إنه رح نعزفه بسرعة اكبر، طبعاً انا بنصحكم تتدرجوا بالسرعة، السرعة اللي إنت بتختارها بالنسبة للمترونوم أو بالنسبة لكم ضربة في الدقيقة إنت بتحب تعلبه تزيد خمس ضربات في الدقيقة، خمسة وستين، خمسة وسبعين، خمسة وثمانين، أو مش فارق المهم على راحتك، إذا إنت متمكن منه إنقل على السرعة اللي بعدها وبشوفكم الحصة الجاي، يعطيكم العافية."