ادخل بريدك الإلكتروني لتبدأ مجاناً الآن

أو

بالضغط على الزر اعلاه اوافق على شروط واحكام موقع إعزف
الأصوات الرئيسية للطبلة | صوت التك

يشرح نزار بالتفصيل كيفية إصدار صوت التك من الطبلة و يعطي النصائح و التمرينات اللازمة على الأصوات الرئيسية للطبلة.


نزار الحمود:


"مرحبا أنا نزار من إعزف دوت كوم. واليوم بدنا نكمل دورتنا بالحصة الرابعة.


الحصة الماضية تعلمنا عن صوت الدُم وحكينا عن انه في صوتين رئيسين ممكن انهم يشكلوا أي إيقاع موجود في العالم اللي هم الدُم وتعلمنا كيف نعزفه واليوم رح نتعلم عن الصوت الثاني وكيف نعزفه ورح ناخد عليه تمارين واسمه التك، التك بنعزف بالإيد اليمين وبرضه بايد الشمال احنا بدنا نركز حالياً على إيدنا اليمين، بنعزف بهاي الطريقة (يعزف الأستاذ نزار التمرين) وهذا صوته.


إذا زي ما لاحظنا بالتك بفتح إيدي بهذا الشكل، برضه لازم تكون مرتاحة ومرخية، بستعمل بشكل أساسي الأصبع اللي في المنتصف وبستخدم منه العقلة الأولى أو الجزء الأول من الأصبع هذا، يعني وين في عندي العقلة الأولى بخليها تلمس الطبلة وبريح باقي أصابع الإيد على الطبلة بهذا الشكل، بحيث يكون عندي هيك، برفع إيدي (يعزف الأستاذ نزار التمرين).


بلاحظ هون إنه مش مهم عندي أو ما رح يأثر كتير على الصوت اذا خليت إيدي على الطبلة أو إذا شلتها بسرعة، بس عشان أخذ الصوت النقي بشكل أحلى وأوضح بنفضل دايماً أرفع إيدي عن الطبلة (يعزف الأستاذ نزار التمرين).


طيب إيش ممكن وأنا عم بطلع صوت التك يصير معي أخطاء؟ الخطأ الأكثر شيوعاً واللي بصير أكثر مع المبتدئين اللي هو إنه هي عندي العقلة الأولى من الأصبع وحطيتها على الطبلة ممكن أفوت بإيدي شوي لجوا على جلدة الطبلة بحيث إنه يصير الصوت (يعزف الاستاذ نزار التمرين) هيك بلاحظ إنه الصوت صار أخشن، لو بدي أشبه الأصوات بأشياء ملموسة رح أشبه صوت التك بإشي ناعم يعني مثلاً صوت الدُم رح يكون خشن عم بلمس إشي خشن، صوت التك إني عم بلمس إشي ناعم زي ريشة مثلاً، ف (يعزف الاستاذ نزار التمرين) ما بدنا نفوت جوا لجلدة الطبلة ما بدنا نتعمق بالإيد اليمين ونفوت لوسط الطبلة أو لحتى ثلاث أرباع الطبلة خلينا نحكي أو الجلدة لأ بدنا نحافظ إنه العقلة الأصبع الموجودة هون تيجي بالزبط على حفة الطبلة وأصابعي هدول مش لامسين الجلدة، مش لامسين، يمكن يبينوا إنهم لامسين الجلدة بس هم لامسين الحفة تبعت الطبلة، يعني (يعزف الاستاذ نزار التمرين).


ماشي خلينا نحكي شوي بسرعة عن نوتت الطبلة، هلأ الطبلة زي أي آلة موجودة في العالم ممكن إنه ينكتب لها نوتة موسيقية بحيث العازف يستطيع قراءة هاي النوتة وتطبيقها وعزفها، النوتة الموسيقية للطبلة رح نتعلمها طبعاً بشكلها البسيط والأساسي اللي هي رح تبين عندكم هلأ اللي هي نوتت الدُم بكون شكلها زي هيك، ورح يكون عنا نوتت التك ورح يكون شكلها زي هيك، ما رح نتعمق كتير بالنوتة تبعت الطبلة رح إن ندرسها بشكلها الأساسي فقط.


هلأ خلينا ناخد تمارين على التك زي الدُم نستخدم الجهاز اللي حكينا اسمه إذا بنتذكر اسمه المترونوم رح نبلش بسرعة بطئية اللي هي ستين ضربة في الدقيقة اللي هي نفس سرعة عقرب الثواني في الساعة وبعديها رح يصير معي الصوت نقي، بعديها رح اكون متمكن من الصوت بعديها ممكن أطلع للمية وعشرين إذا كانت المية وعشرين سريعة عليّ خليني أنزل وأنزل وأنزل لحديت ما ألاقي سرعة تكون ملائمة إلي، بحيث أقدر إني أعزف هذا الصوت بشكل تمام، رح نحط على المترونوم، المترونوم عم بعزف ستين ضربة بالدقيقة وعم بتمرن معه على ضربة التك، واحد تنين ثلاثة أربعة، (يعزف الاستاذ نزار التمرين) تمام.


نفس العملية حسيت حالي تمام طلع الصوت معي مثالي مية بالمية عم بطلع الصوت مش خمسة وتسعين بالمية ولا تسعة وتسعين بالمية، عم بطلع معي مية بالمية الصوت مثالي، ساعتها أنا بقدر اطلع للسرعة اللي أعلى منها، ما بدي أنتقل من سرعة بطيئة لسرعة عالية بدون ما يكون عندي الصوت مية بالمية، نفس الإشي برجع بذكركم ما بدي انتقل للدرس اللي بعده إذا إنت هون، يعني ما بدي انتقل للدرس اللي بعده بدون ما يكون الصوت مية بالمية، يعني إذا إنت جاي على هذا الدرس إذا الدرس اللي قبله درس الدُم كنت خمسة وتسعين بالمية لأ خليني أرجع على الدرس أتقنه مية بالمية بعديها أجى على درس التك أتقنته خمسة وتسعين بالمية لأ باخد وقتي بدّرب عليه بسرعة في البداية ستين ضربة في الدقيقة أتقنت السرعة هاي، خليني أتقنها مية بالمية، بعديها بنتقل للدرس اللي بعده.


ممكن أخذ تمرين شوي ممتع اللي هو بجمع بين الصوتين الرئيسين اللي هم الدُوم والتك، رح نلعب رح يتكون من لفتين عشان يصير ممتمع أكثر أحس حالي عم بطلع أصوات هيك مختلطة، في هذا التمرين رح ألعب بالطريقة هاي واحد تنين ثلاثة أربعة، واحد تنين ثلاثة أربعة، يعني رح يكون مكون من لفتين، اللفة الاولى رح تكون واحد تنين ثلاث أربعة، واللفة الثانية ثلاثة أربعة، (يعزف الاستاذ نزار التمرين) يعني كله على بعضه رح يكون (يعزف الاستاذ نزار التمرين)، طيب هلأ زي ما تعودنا لازم نستخدم المترونوم في التمرين، ورح يكون سرعة المترونوم ستين ضربة في الدقيقة، لو كان المترونوم مش موجود عندك ممكن إنك تستعمل الساعة الموجودة في بالبيت، سرعة المترونوم ستين ضربة في الدقيقة واحد تنين ثلاثة أربعة، (يعزف الاستاذ نزار التمرين).


نفس الإشي في التمارين اللي كانت قبل ما بنتقل من سرعة أعلى إلّا إذا طلع معي الصوت مية بالمية حتى ممكن إذا حسيت إنه السرعة هاي شوي سريعة عليّ، لإنه صرت عم بنتقل بين الضربات إيدي مش بنفس الموقع زي قبل الدُم نفس ما كانت والتك نفس ما كانت عم بنتقل بالطبلة وبإيدي على وجه الطبلة من النص للطرف وبالتبادل، لأ، خليني أبطّئ، أتقن الصوت مية بالمية بعديها أرجع أعزف ستين ضربة بالدقيقة، أتقنت الصوت مية بالمية، تمام، خليني أدوبل السرعة، وأسمع أكثر لمية وعشرين ضربة بالدقيقة.


هيك بكون صار عندي تمكن وداني تعودت على صوت الدُم والتك، برجع بذكركم إنه ما بدي أنتقل للدرس الثاني أو اللي بعده إلّا وأنا متمكن والتمارين الموجودة في هذا الدرس حافظها وعاملها مية بالمية، بشوفكم بالحصة الجاي. وشكراً."


فيديوهات دروس الدورة - تعلم الطبلة 1
1 ما هو الإيقاع ؟ Opened 03:04
2 كيف نمسك الطبلة؟ Opened 03:07
3.1 الأصوات الرئيسية للطبلة | صوت الدم Opened 06:02
3.2 الأصوات الرئيسية للطبلة | التمارين Opened 05:44
4 الأصوات الرئيسية للطبلة | صوت التك Opened 10:45
5 ايقاع ملفوف Opened 05:23
6 صوت التك اليد اليسرى Opened 08:45
7 صوت السك Opened 09:50
8 تمارين تبادل Opened 06:00
9 إيقاع الزار Opened 05:14
10 إيقاع المقسوم Opened 11:14
11 صوت الكتم Opened 10:51
12.1 النوتة الموسيقية Opened 15:46
12.2 النوتة الموسيقية Opened 13:56
13 تمرين الإحماء Opened 09:16
14 تمرين تبادل متقدم Opened 05:16
15 صوت الكتم التصاعدي و التنازلي Opened 09:37
16 قراءة النوتة الإيقاعية تمرين 1 Opened 04:54
17 قراءة النوتة الإيقاعية تمرين 2 Opened 07:33
18 قراءة النوتة الإيقاعية تمرين 3 Opened 07:03
19 قراءة النوتة الإيقاعية تمرين 4 Opened 13:12
20 إيقاع الشفتتلي Opened 06:36
21 تقنية الرول Opened 05:45
22 عزف الدم و التك معاُ Opened 04:39
23 إيقاع الفالز Opened 03:02
24 إيقاع الكراتشي Opened 03:07
25 إيقاع البلدي Opened 04:14
26 إيقاع السعودي Opened 03:57
27.1 تشكيل الإيقاعات Opened 10:21
27.2 تشكيل الإيقاعات Opened 10:26
28 تلخيص عام للدورة Opened 03:27