ادخل بريدك الإلكتروني لتبدأ مجاناً الآن

أو

بالضغط على الزر اعلاه اوافق على شروط واحكام موقع إعزف
قراءة النوتة الإيقاعية تمرين 1

يبدأ نزار بإعطاء تمرينات مع قراءة النوتة الإيقاعية.


نزار الحمود:


"مرحبا، أنا نزار من إعزف دوت كوم. واليوم رح نتابع هاي الدورة أو السلسلة من تعلم الطبلة في الدرس رقم ستة عشر.


في هذا الدرس وبمجموعة من الدروس القادمة رح يكون في عنا تمارين بتساعدنا على إنه نتعرف أكثر على طريقة العد اللي درسناها في درس الثاني عشر، ورح نعرف كيف نقرأ النوتة بشكل أفضل وأسرع، وزي ما لاحظتوا في الدرس الماضي كان عنا التك إذا كان فوقها إشارة زائد بنعزفها بالإيد اليمين واذا كان في فوقها إشارة ناقص بنعزفها بالإيد الشمال، في هذا التمرين اللي رح يطلع عندكم على الشاشة أربعة على ثمانية وزنه، مكون من أكثر من مزورة أو أكثر من بار بنلاحظ إنه الرقم اللي تحت ثمانية واللي فوق أربعة معناته في عندي أربع ضربات من ذات السن في كل بار لإنه ثمانية إيش النونة اللي بدي منها ثمانية عشان ترجعني للمستديرة، اللي هي ذات السن، بنيجي بنشوف المزورة الأولى مثلاً فيها أربعة دُمز أو أربع دُمات من ذات السن والمزورة اللي بعدها بكون في عنا أربع تكات يمين واللي بعديها تك يمين تك شمال تك يمين تك شمال، هلأ لو حاولنا نعزفها أول إشي بدون مترونوم مثلاً رح يكون عنا بهذا الشكل.


المزورة الأولى ون تو ثري فور، أوكيه، المزورة الثانية ون تو ثري فور بعدها ون تو ثري فور اللي بعدها ون تو ثري فور، واللي بعدها ون تو ثري فور، واللي بعدها ون تو ثري فور، كمان مرة ون تو ثري فور، وآخر مزورة ون تو ثري فور، هيك إحنا عملنا التمرين بشكل كامل هيك بنلاحظ انه في عنا أربعة من ذات السن في كل بار أو في كل مزورة معناته أربعة على ثمانية فهمناها، وصار في عنا تبادل بين اليمين والشمال والدُم، لو نيجي ناخده على المترونوم رح ناخذه بسرعة خمسين ضربة في الدقيقة طبعاً زي ما حكينا إذا كنتوا عم تستعملوا المترونوم ممكن إنه نحط تايم سجنشر بكون مكتوب أربعة على ثماينة يعني ممكن تطلع هلأ عندكم صورة تفرجيكم كيف بنحط المترونوم أو التايم سجنشر أربعة على ثمانية فبخمسين ضربة في الدقيقة رح يكون العد كالتالي، ون تو ثري فور (يعزف الأستاذ نزار التمرين).


هيك بكون هذا التمرين خلص. إذا لاحظتوا انه شوي طويل ومتنوع ممكن إنه إذا بنحط خمسين ضربة في الدقيقة يكون سريع علينا مش مشكله بنقلل السرعة وبنلعبه أربعين، بنلعبه على راحتنا لحد ما نتمكن من قراءة النوتة بشكل سلس يعني كل بار أو كل مزورة تكون بنفس السرعة ما بسرع أو بنعجق بغير إيدي هيك بطريقة عشوائية وبدي أنتبه على التك اليمين والتك الشمال يعني مثلاً بالمزورة الأولى عندي إياهم كلهم بالمزورة الثانية عندي إياهم كلهم يمين والمزورة الثالثة عندي إياهم يمين شمال يمين شمال وهكذا.


عشان هيك بدي كتير انتبه على السرعة اللي عم بمشي فيها بدي انتبه على النوتة اللي عم تنعزف اللي هي عم تطلع قدامكم وبتلاحظوا إنه كل نوتة بنعزفها بتضوي، عشان تعرف وين وصلنا، وتمرنوا على التمرين وبشوفكم في التمرين اللي بعده أو الدرس اللي بعده.


شكراً إلكم."


فيديوهات دروس الدورة - تعلم الطبلة 1
1 ما هو الإيقاع ؟ Opened 03:04
2 كيف نمسك الطبلة؟ Opened 03:07
3.1 الأصوات الرئيسية للطبلة | صوت الدم Opened 06:02
3.2 الأصوات الرئيسية للطبلة | التمارين Opened 05:44
4 الأصوات الرئيسية للطبلة | صوت التك Opened 10:45
5 ايقاع ملفوف Opened 05:23
6 صوت التك اليد اليسرى Opened 08:45
7 صوت السك Opened 09:50
8 تمارين تبادل Opened 06:00
9 إيقاع الزار Opened 05:14
10 إيقاع المقسوم Opened 11:14
11 صوت الكتم Opened 10:51
12.1 النوتة الموسيقية Opened 15:46
12.2 النوتة الموسيقية Opened 13:56
13 تمرين الإحماء Opened 09:16
14 تمرين تبادل متقدم Opened 05:16
15 صوت الكتم التصاعدي و التنازلي Opened 09:37
16 قراءة النوتة الإيقاعية تمرين 1 Opened 04:54
17 قراءة النوتة الإيقاعية تمرين 2 Opened 07:33
18 قراءة النوتة الإيقاعية تمرين 3 Opened 07:03
19 قراءة النوتة الإيقاعية تمرين 4 Opened 13:12
20 إيقاع الشفتتلي Opened 06:36
21 تقنية الرول Opened 05:45
22 عزف الدم و التك معاُ Opened 04:39
23 إيقاع الفالز Opened 03:02
24 إيقاع الكراتشي Opened 03:07
25 إيقاع البلدي Opened 04:14
26 إيقاع السعودي Opened 03:57
27.1 تشكيل الإيقاعات Opened 10:21
27.2 تشكيل الإيقاعات Opened 10:26
28 تلخيص عام للدورة Opened 03:27