يعزف الأستاذ طارق مقطوعة سماعي بيات عربي قديم كاملة , و يتحدث عن إمكانية العزف بالأصابع بدون الريشة في حالات خاصة.
طارق الجندي:
"هلأ انا بدي احاول اعيده من اولو عشان نشوف الترتيب تبعو كيف خانة اولى ، تسليم ، خانة تانية ، تسليم ، تالتة ، تسليم ورابعه تسليم ، اختصارا للوقت ما رح اعيد البريما والسي كوندا باتسليم رح اعيد بس السي كوندا ، فالتسليم رح ينعزف مرة وحده ، وبيصير هادا الحكي جائز لانه السماعي مؤلف عادة بطيء وطويل ون تو ثري ( يعزف الاستاذ طارق التمرين ).
لاحظتو في بعض الاحيان ، كنت بدل ما اضرب البيس كنت استخدم مثلا ( يعزف الاستاذ طارق التمرين ) كنت مرات استخدم اصبعي ، بيصير عشان بكون ما بدي اعمل ( يعزف الاستاذ طارق التمرين ) بكون ما بدي هادا السوط العالي ، بكون بدي اخف شوي ( يعزف الاستاذ طارق التمرين ).
بس بهاي المرحلة بلاش ما نستخدم اصبعنا ، بس شوي شوي رح يصير حركة ايدينا اسهل لانه في كتير مقطوعات بنستخدم فيها اصابعنا وما بنستخدم فيها الريشة ، بس لهاي المرحلة خلينا نستخدم فيها الريشه وخلينا نحاول نوظف البيس مع النوتات الي احنا عم نستخدمها.
هيك بنكون خلصنا سماعي بيات عربي قديم."
