يبدأ الأستاذ طارق الجندي الدرس الأول من سلسلة فيديوهات تعلم العود 3 بإعطاء التمارين اللازمة لإحماء و مرونة اليد اليمنى و اليسرى قبل بدء العزف على العود لهذه المرحلة . هذه التمارين هي تمارين صعود و هبوط على سلم العجم و ينتقل الأستاذ الى التعريف بسلم الماينور هارمونيك و من ثم ينصح بتطبيق تمارين السلالم على مقامات البيات و الرست و الحجاز و غيرها.\ __ تعلم العود 3 – طارق الجندي –الدرس الاول- تمارين لمرونة اليد اليمنى واليسرى.
طارق الجندي:
"مرحبا انا طارق الجندي من اعزف دوت كوم.
اليوم بدرسنا الاول رح ناخد شوية تمارين على السلالم عشان نزيد المرونة للايد اليمين والايد الشمال نتطلع على التمرين الي موجود عنا على سلم عجم الدو ،سلم عجم الدو زي ماحنا بنعرف من الدو للدو ، ورح نعزف السلم ؛ رح نصير نعزفهم ( تفا تيفي تفا تيفي تفا تيفي تاتي ).
صاعد وهابط ،فنيجي نتطلع ، احنا بنعرف انو التفا تيفي دايماا هي داون اب داون اب وبتكون ( يعزف الاستاذ طارق التمرين ) هاض التمرين ، هلاء نيجي نتطلع ،او تفا تيفي ( يقرأ الاستاذ طارق التمرين قراءة ايقاعية ) (يعزف الاستاذ طارق التمرين ) الريشة مبين انها داون اب داون اب ، بعدين ، (يقرأ الاستاذ طارق التمرين قراءة ايقاعية ) لما بنرجع ما بنعيد الدو ،بنرجع من السي (يعزف الاستاذ طارق التمرين ) هاض التمرين لاوم نتمرن عليه بالبداية بشكل بطيء فهو بكون بالاول ( يعزف الاستاذ طارق التمرين ).
بدي اذكر انو اصابعي لازم دايما تتحرك اقل حركة يعني ما بيصير اعمل ( يعزف الاستاذ طارق التمرين ) لازم دايما تكون قريبة من الزند ( يعزف الاستاذ طارق التمرين).
وهاض التمرين بهاض الكورس مطلوب انو هلاء نبلش نزيد السرعه ، لانه رح نبلش نعزف شوية لونجات وشوية مقطوهات بتتطلب مرونة ، والمرونة بتيجي من التمرين البطيء وبنزيد السرعه تدريجيا ، نتطلع عالتمرين التاني ، وكمان على سلم عجم الدو ، بس عندي هاض الكل بيكون تا تيفي تافا تيفي تا تيفي تافا تيفي وفي عنا علامة اعادة بعدين بنختم على التا ، التا تيفي هي داون داون اب زي مهو مكتوب ، ورح تكون ( يعزف الاستاذ طارق التمرين ) كمان مرة ( يعزف الاستاذ طارق التمرين).
بعدين السلم الهابط ، تا تيفي تافا تيفي (يعزف الاستاذ طارق التمرين ) هيك بدون اعاده واتطاعو كيف تا تيفي تافا تيفي السلم الهابط داون كمان داون اب فصارت ( يعزف الاستاذ طارق التمرين).
بدي اعمل التمرين مرتين يعني مع الاعاده ( يعزف الاستاذ طارق التمرين ) هاي تمارين بدنا نبلش تدرب عليها كمان بطيء فبدها تكون ( يعزف الاستاذ طارق التمرين ) بس مطلوبانو بعد اشهر انو يكون التمرين بهالشكل ) وريشتي كمان لازم نركز انها تكون خمسة واربعين درجه مش تسعين لانو اذا بدي اعمل ريشتي بهالشكل رح تكون ( يعزف الاستاذ طارق التمرين).
في صعوبة وفي مقاومة بين الريشة والوتر فبدها تكون خمسة واربعين اكتر ( يعزف الاستاذ طارق التمرين ) ما بدنا نبلش نتمرن عليه سريع ،لانه اذا بلشنا نتمرن عليه سريع ما رح يزبط ، الفكرة انو نرفع السرعه تدريجيا ، وانه هاذا يكون جزء من تما رينا اليومية ، اول ما بلش نعزف يعني لو عندي بس عشر دقائق يكون فيها بس احماء ، نفس التمرين رح نعملو على نهاوند الدو ، فنيجي نتطلع نفس الانماط الي عملناها ، ( يعزف الاستاذ طارق التمرين ) الي هو او تمرين ( يقرأ الاستاذ طارق التمرين قراءة ايقاعية ) (يعزف الاستاذ طارق التمرين ) مطلوب كتير التركيز بالريش ، سريع ( يعزف الاستاذ طارق التمرين).
نتطلع كمان على النمط التاني حطينا على نهاوند الدو ، ( يقرأ الاستاذ طارق التمرين قراءة ايقاعية ) ( يعزف الاستاذ طارق التمرين).
نفس الملاحظات الي بدها تصير على عجم الدو بدها تصير عليه ، نيجي نتطلع اليوم كمان بدنا ناخد مقام جديد ، الي هو الميلودك ماينر على درجة الدو ، هلاء احنا كنا ديما ناخد المقام على نهاوند الدو ( يعزف الاستاذ طارق التمرين ) لما نوصل لهون مافي اختلاف ) بس كنا ناخد اللابي مول ( يعزف الاستاذ طارق التمرين ) سي ناتشورل ( يعزف الاستاذ طارق التمرين ) دو ، الميلودك ماينر بيقلك انو لازم ترفع الدرجه السادسة في مقام النهاوند الي هي ، واحد اتنين تلاتة اربعه خمسة هي السادسة ( يعزف الاستاذ طارق التمرين ) نعزفها نص لتصير لا ناتشورال والسي بدها تضلها ناتشورال فبدها تصير ( يعزف الاستاذ طارق التمرين).
شايفين كيف في عندي ، زي في عندي هون نهاوند بعدين عجم ( يعزف الاستاذ طارق التمرين ) ولما نرجعه بنرجع بشكل طبيعي في العلامات الموجودة في دليل المقام يعني السي بي مول واللا بي مول ف صارت ( يعزف الاستاذ طارق التمرين ) فنيجي نتطلع عالتمرين الموجود الي هو اسمه عالميلودك ماينر او على نهاوند صبي في العربي ( يعزف الاستاذ طارق التمرين ) التمرين الثاني نفس العملية تبعت هداك ( يقرأ الاستاذ طارق التمرين قراءة ايقاعية ) ( يعزف الاستاذ طارق التمرين).
انا بعزفهم بشكل سريع نسبيا بس احنا اعرفنا الفكرة كيف لازم تكون واني اتمرن عليهم بطيء (يعزف الاستاذ طارق التمرين ) مقام البيا نفس العملية ( يعزف الاستاذ طارق التمرين ) ضروري نطبق هاي الانماط وهاي التمارين على كل المقامات بس انا اخدت مقام العجم ومقام النهاوند وهلاء رح نطبقها على مقام البيات عشان درجة الري وبتقدرو تطبقوها على مقام الحجاز وبتقدرو تطبقوها على مقام الرصد ، نيجي نتطلع على مقام البيات وحطيت هون علامة السي نص بي مول هلاء رح تمر معانا فاول تمرين ( يعزف الاستاذ طارق التمرين).
لاحظتو كيف سي نص بي مول ( يعزف الاستاذ طارق التمرين ) وبالرجعه ( يعزف الاستاذ طارق التمرين ) السلم الهابط فصار عندي المقام البيات كالتالي ( يعزف الاستاذ طارق التمرين ) اسرع شوي ( يعزف الاستاذ طارق التمرين ) هاي التمارين رح تزيد من عملية المرونة بين الايدتين وتازرهم بين بعض يعني الايد اليمين تكون ملحقة على الشمال والعكس صحيح ، التمرين التاني على مقام البيات وعلى نفس النمط (يقرأ الاستاذ طارق التمرين قراءة ايقاعية ) يعزف الاستاذ طارق التمرين ) كتير لازم نعطي اهتمام للريشة ).
مش كل الريشة تكون هابطة وصاعدة داون اب بالعكس ، زي ما مكتوب الريش نلتزم فيها واذا بدنا نلتزم فيها وتكون صح لازم تكون بهاذا الشكل البطيء وهاي التمارين رح تصير جزؤ من تمرينا اليومي اول ما نمسك العود بالاضافة لتمارين رح تمر معنا بعد شوي في بعض الدروس ، كلما نمسك العود المفروض انو نبلش انلين وبعدين نعمل هذا التازر بين الايد اليمين والشمال."
