يتحدث الأستاذ طارق في هذا الدرس عن مضاعفة الزمن بنظرنا عند قراءة النوتة.

طارق الجندي:

"مرحبا ، انا طارق الجندي من اعزف دوت كوم.

اليوم بدرسنا رقم تسعة رح نحكي عن الجزء الاخير من رقصة الحسيني ، نيجي نتطلع على النوتة المكتوبة رح نلاقي ، في عندي ثلاث اسنان باول مازورة ، واحنا ما اخدنا قبل هيك شو يعني هدول الثلاث اسنان ، اخدنا اخر ايشي الي هم السنين الي هم التفا تيفي ، هلاء احنا رح نبلش نحكي عن فكرة كيف احنا ممكن انا نضاعف الزمن بنظرنا ، يعني التفاتيفي خلينا نتخيلها التفاتيفي ، هي الها سنين ، يعني لو ضاعفناها بالنظر فهي بدها تصير تاتي تاتي وفعليا احنا هيك اشتقينا ريشتها ، يعني عنا مثلا ، تافا تيفي ( يعزف الاستاذ طارق التمرين ) بطءها شوي ( يعزف الاستاذ طارق التمرين ) ( يقرأ الاستاذ طارق التمرين قراءة ايقاعية ).

رقصة الحسيني واحنا عم نعزفها ، يعني هي رقصة ، بطيئة نوعا ما ، ننيجي نتطلع عندي انا هون ، في عندي انا هدول الثلاث اسنان بدنا نتعامل معهم على اساس انهم تافا تيفي كيف هاذا الحكي بدو يصير ، خلينا نيجي نتطلع على المثال المكتوب عنا هون ، ونعرف كيف ممكن احنا نضاعف بالنظر ونضرب ، ب حاطين هادا الرقم والي هو رقم اتنين ، اذا احنا بدنا نضاعف بالنظر يعني بدنا نضرب بتنين يعني كل كل وحده بدو ينقص سن منها ، في عندي هاي ثلاث اسنان بعدين علامة الكروش بعدين علامة التافا تيفي ، نقص سن من كل وحده رح يطلع عندي النتيجة هاي الي هي ، التافا تيفي تا تتي تتي ( يقرأ الاستاذ طارق التمرين قراءة ايقاعية ).

كيف هادا الحكي صار التلات سنان نقصت سن صارت سنين ، الي كان الها سن واحد بطل الها ولا سن صارت تا بعديين تافا تيفي نقصناها كل وحده سن صارت عندي تتي تتي فصارت الجمله كأنها ( يقرأ الاستاذ طارق التمرين قراءة ايقاعية ) المثال التاني مكتوب عندي ، هدول اول ضلعين من التافا تيفي الي هم تيفي بعدين في عندي التا بعدين في عندي كمان تيفي لو ضربناهم بتنين بدها تصير (| يقرأ الاستاذ طارق التمرين قراءة ايقاعية ).

طيب ، نيجي نتطلع كمان على مثال ثالث اطلعو كيف هادا ريست بزمن ربع اول ايشي ، بعدين عندي مكتوب تلات اضلاع من التافا تيفي بعدين في عندي كمان تافا تيفي خلينا كمان نجرب نضربهم بتنين ، نفس العملية ، الرست بدو ينقص منها سن ، بدها تصير ، اس تي تتي ، والتافا تيفي التانية بدها تصير تتي تتي ، اخر مثال عندي مكتوب ( يقرأ الاستاذ طارق التمرين قراءة ايقاعية ).

اول وحده كروش الها سن بعدين ،التا ما الها ولا ايشي والتيفي الها سنين نضربها بتنين الكروش بدها نوار النوار بده يصير بلانش وبعدين في عنا هدول التيفي الي هم دب ل كروش بدهم يصيرو كوشيه ، فصارت ( يقرأ الاستاذ طار ق التمرين قراءة ايقاعية ) معناها احنا بنقدر نقرأ هون بشكل هاي الاسماء الي احنا بحكيها تا وتتي وتافا تيفي ، هاي مختلفة اصلا من بلد لبلد بس كيف في عندي انا مثلا البيت ، انا الي عم بعزفو خلينا نيجي نتطلع على اول ايشي اول خانة درسناها الحصة الماضية وهي ( يقرأ الاستاذ طارق التمرين قراءة ايقاعية ).

انا ممكن اعملها ( يقرأ الاستاذ طارق التمرين قراءة ايقاعية ) انا زي كأ نني ماسك الايقاع ، طب انا ممكن اقرأها ( يقرأ الاستاذ طارق التمرين قراءة ايقاعية ) ما اختلف ايشي ، بس المسميات عندي اختلفت ، بس هي فعليا نفس الزمن لانه هاض هو الايقاع تبعها يعني ( يقرأ الاستاذ طارق التمرين قراءة ايقاعية ) فلاحظنا كيف."