الدروس
03:00:08 ساعة
34 الدروس
الغناء
الإستماع لمقام النهاوند
ادخل بريدك الإلكتروني لتبدأ مجاناً الآن
بالضغط على الزر اعلاه اوافق على شروط واحكام موقع إعزف
نص الحوار

تمييز مقام النهاوند , الفرق و الشبه بين مقام العجم و مقام النهاوند , أكورد نهاوند , تمييز أكورد النهاوند عن العجم , و إعطاء الوظيفة المرتبطة بذلك , أغاني مبينة على مقام النهاوند , تمييز مقام النهاوند , تعلم أغنية "يا مسافر وحدك" عبد الوهاب , تعلم أغنية "على الله تعود على الله " وديع الصافي , تعلم أغنية "ذكريات" أم كلثوم , تعلم أغنية "حكايتي مع الزمان" وردة الجزائرية , "على بابي واقف قمرين " ملحم بركات.


ريبال خضري:


"هلأ لو إجينا لحتى نسمع شوية جمل عليه (يقرأ الأستاذ ريبال التمرين قراءة ايقاعية)، ممكن إسمع كمان بمكان تاني (يعزف الأستاذ ريبال التمرين).


ممكن إسمع من هون (يقرأ الأستاذ ريبال التمرين قراءة ايقاعية)، طبعاً هاي بالنسبه لآلية الألحان كيف بتكون فيه، هلأ بيجي أنا بدي أسمع شي منه مثلاً في أغنيه كلكن بتعرفوها بتخيل، قال جاني بعد يومين (يقرأ الأستاذ ريبال التمرين قراءة ايقاعية).


طبعاً في شي ضروري كمان أنبه عليه إن نحاول نحنا لما نسمع الأغنيه ندير بالنا على المقام مش على الإيقاع، لإن في بعض الأغاني بتكون مقامها حزين بس أنا لما بركب عليها إيقاع بيكون سريع شوي أو إيقاع يحرك شوي حغير من المود، مسلاً لو سمعنا زيديني عشقاً لكاظم الساهر حتكون بدون إيقاع (يقرأ الأستاذ ريبال التمرين قراءة ايقاعية)، حزين نهاوند، بس مسلاً لما بركب عليه الإيقاع بيصير (يقرأ الأستاذ ريبال التمرين قراءة ايقاعية)، فأنا بصير بحس إن فيها شي من الفرح بس هي لأ مش هيك، إذا أنا بدي أركز على أسلوب اللّحن مش على طريقة اللحن مع التوزيع لازم كتير دير بالي على كيفية صياغة اللحن.


حنشتغل كمان شي حكيناه المره الماضيه اللي هو إحنا أخدنا الأكورد مش الكورد، الأكورد تبع العجم اللي قلنا إن هو الأولى مع التالته مع الخامسه، هلأ عم بقول (يقرأ الأستاذ ريبال التمرين قراءة ايقاعية)، هادا العجم أما النهاوند الإختلاف الأساسي بالعلامه التالته، إحنا قلنا الأولى مع التالته مع الخامسه، النهاوند بيشترك مع العجم بالأولى و بيشترك مع الخامسه، بس التالته بتكون مختلفه شوي، بتكون نازله أكتر، بحس إن هي هلأ مسلاً هاي العجم (يقرأ الأستاذ ريبال التمرين قراءة ايقاعية)، أما النهاوند بيكون (يقرأ الأستاذ ريبال التمرين قراءة ايقاعية)، بتضل عندي (يقرأ الأستاذ ريبال التمرين قراءة ايقاعية)، الأولى و الخامسه ضلوا متل ما هنّ، العلامه اللي بالنص (يقرأ الأستاذ ريبال التمرين قراءة ايقاعية)، بالنهاوند، بينما بالعجم (يقرأ الأستاذ ريبال التمرين قراءة ايقاعية)، هي اللي اختلفت عندي، حنجرب شوي نغني نسمع تتراكورد و نحاول نغنيه نسمع الأكورد نشتغله و نغنيه (يقرأ الأستاذ ريبال التمرين قراءة ايقاعية)، أحاول إلقطه أكتر (يقرأ الأستاذ ريبال التمرين قراءة ايقاعية)، ما تنسى تفتح تمك (يقرأ الأستاذ ريبال التمرين قراءة ايقاعية).


طيب نجرب هلأ إن نسمع و نحاول نخمن أني مقام عم بنسمعه (يعزف الأستاذ ريبال التمرين)، واضح إن نهاوند، العجم بيكون هيك (يعزف الأستاذ ريبال التمرين)، أما النهاوند بيكون (يعزف الأستاذ ريبال التمرين)، نجرب ناخده من غير مكان (يقرأ الأستاذ ريبال التمرين قراءة ايقاعية).


هلأ بحكي عن مقام نهاوند، إذا كان عجم من نفس الدرجه حيكون (يقرأ الأستاذ ريبال التمرين قراءة ايقاعية)، هلأ حنقول هون (يعزف الأستاذ ريبال التمرين)، صار عجم، كان نهاوند صار عجم (يعزف الأستاذ ريبال التمرين)، هاي بالنسبه لليوم.


بالنسبه للوظيفه اللي حنشتغل عليها اليوم، حيكون عنا هالمره تو هومورك حيكون عنا وظيفتين، أول وظيفه إني أنا راح إلعب خمس أكورات خمس أكوردات من اللي هلأ لعبتهن، مش راح حقول هنن عجم هنن نهاوند هنن شو بالضبط، حأطلب منكن إن على الأقل نقدر نفتش أني أكوردات اللي هي أكوردات عجم، أنا راح أعزفهم بشكل متتالي، و راح اقول الإجابه أكيد للدرس القادم، حنبلش أول واحد حيكون (يعزف الأستاذ ريبال التمرين)، تاني واحد هو (يعزف الأستاذ ريبال التمرين)، تالت واحد هو (يعزف الأستاذ ريبال التمرين)، رابع واحد هو (يعزف الأستاذ ريبال التمرين)، خامس واحد هو (يعزف الأستاذ ريبال التمرين).


أنا هون مرق عندي مجموعه من النهاوند و مجموعه من العجم، بتمنى نحاول فيهم للدرس القادم، هلأ حيكون عندي كمان حيكون عندي متل هديك المره خمس أغاني، بهادا الدرس مش راح أطلب إن يكون في عندي إشي عجم راح أطلب بس إن إحنا نجرب نسمعهم متل أول درس أخدناه عن العجم، نحاول نكتشف أني من هدول المقامات أني من هدول الأغاني مبنيه بالكامل على مقام النهاوند، الأغاني اللي راح ناخدها ليوم للدرس القادم حيكون عنا أول أغنيه هي: لموسيقار الأجيال محمد عبد الوهاب يا مسافر وحدك، حيكون عندي أغنية علله تعود علله لوديع الصافي.


حيكون عندي اغنية ذكريات للسيده أم كلثوم، حيكون عندي أغنية حكايتي مع الزمان لورده الجزائريه، و حيكون عندي من أغاني الفنان ملحم بركات حنقول أغنية على بابي واقف قمرين، عنا خمس أغاني، بتمنى إنو للدرس الجاي نكون سمعنا و عرفنا أني اللي منهن مقامها حزين أكتر، باي"

عن المدرب
ريبال خضري
ريبال خضري
فنان سوري .. - له العديد من الأغاني الخاصة مثل " بلدي عم يوجعني – يا بيتي شو اشتقتلك - شوية حكي – الله معك – حبيبي انا " - له ثلاثة ألبومات وهي 1- " قصائد سياسية " من انتاج الصندوق العربي للثقافة والفنون التابع لجامعة الدول العربية وهو عمل من كلمات الشاعر الكبير احمد مطر والحان وتوزيع باسل رجوب .. 2- " توشيحات " : الخاص بفرقته فرقة " التوشيح الحديث " التي طرح فيها ريبال موشحات بأسلوبه الخاص و سيقوم بتقديم البومات دورية لها . 3- " شوية حكي " قدمه ريبال مع عام 2010 من انتاج شركة المورد الثقافي - ريبال خريج المعهد العالي للموسيقا في سوريا – دمشق قسم الغناء الشرقي يلعب ألتي البيانو والعود ... - حاصل على ماستر كلاس من جامعة الكسليك عام 2010 - حاصل على 1- وعلى الجائزة الأولى كأفضل صوت عربي ضمن ملتقى الاصوات الجميلة الذي تم تنظيمه من قبل المجمع العربي للموسيقى في كلية الكسليك – لبنان ونال على اثرها ماستر كلاس من الجامعة . 2- الجائزة الثانية كأفضل صوت عربي ارتجالي في مهرجان الموسيقى العربية في القاهرة السابع عشر 2008 - ريبال حاليا مدرس الغناء في المعهد الوطني للموسيقا في عمان ومدرس مادة الغناء العربي في الكونسرفاتوار الأردني ومدرب جوقة عمون للغناء الكورالي الحديث . - قدم حفلات كمغني منفرد ذائع الصيت مع فرقته الخاصة ومع اهم الفرق والاوركسترات العربية والعالمية من مثل " الأوركسترا السمفونية السورية – أوركسترا عمان الفلهوارموني – أوركسترا عمان سمفونيتا – كورال أوزنابروغ الألماني – فرقة طرب .. " وذلك في اثر من عشرين مدينة عربية وعالمية في " المانيا – ايطاليا – فرنسا – الصين – أذربيجان – تركيا – الامارات – مصر – السودان – تونس وغيرها ... "

شارك اعزف. ساعد غيرك يبدأ الرحلة!

أهدِ تجربة اعزف لشخص مميز!