الدروس
03:00:08 ساعة
34 الدروس
الغناء
المقامات الفرعية لمقام الرست
ادخل بريدك الإلكتروني لتبدأ مجاناً الآن
بالضغط على الزر اعلاه اوافق على شروط واحكام موقع إعزف
نص الحوار

تعلم المقامات الفرعية لمقام الرست , تعلم المقام "السوزناك" , مثال من أغنية "على الله تعود على الله" وديع الصافي , مثال من أغنية "يا مسهرني" أم كلثوم , تعلم مقام " النيروز" , مثال من موشح "يا هلالا" , مقام المستعار.


ريبال خضري:


"مرحبا، أنا ريبال من إعزف دوت كوم.


اليوم بعد ما حكينا عن المقامات الفرعيه لمقام العجم و مقام النهاوند، صار ضروري نحكي عن مقامات متفرعه من مقام الرست، برجع بذكر إن نحنا لما نحكي عن مقامات متفرعه فنحنا عم بنقول عن تلات طرق ليكون عنا مقام فرعي، إما إن أنا أغير بالأماكن اللي أنا عم بستقر عليها بصوتي ضمن المقام نفسه أخلقله أجناس مختلفه، أو إن أنا أحياناً أعمل ترانسبوز إني أنا أغير مكان المقام اللي بيكون نهاوند دو ممكن يصير نهاوند راي يصير عندي بوسليك، أو بالحال التالت اللي هو إني أنا أغير الجنس الآخر أو الجنس الأعلى من المقام متل ما شفنا بمقامات متفرعه للعجم و النهاوند.


هلأ اليوم راح نحكي عن مقامين أساسيّين ياللي هن مقام مش أساسيّين مقامين متفرعين من مقام الرست الأساسي و هن تقريباً فينا نقول واحد منهم كتير الإستعمال ياللي هو مقام السوزناك، مقام السوزناك يمكن من أكتر المقامات اللي غني عليها أو اللي تلحن عليها أغاني خاصةً بالقديم، لما أنا بيكون عندي جنسين، أنا بالرست بالأصل كان عندي إذا بنتذكر كان عندي جنس رست دو (يعزف الأستاذ ريبال التمرين)، و جنس رست صول (يعزف الأستاذ ريبال التمرين)، بعدين بالعوده (يعزف الأستاذ ريبال التمرين)، كان عندي جنس رست من الدو و جنس رست من الصول، هلأ اللي راح يصير إني انا راح أبدل جنس الرست الفوقاني الصول بجنس حجاز من الصول فحيكون عندي (يقرأ الأستاذ ريبال التمرين قراءة ايقاعية).


أنا لما بدلت الجنس الأعلى بالحجاز صار عندي روح مختلفه للمقام، روح يمكن البعد يعدها أكتر شرقيه، يعني لو سمعنا على سبيل المثال أغنية علله تعود علله للفنان وديع الصافي راح نلاقي من فوق من بآخر مقطع (يقرأ الأستاذ ريبال التمرين قراءة ايقاعية)، عطاني (يقرأ الأستاذ ريبال التمرين قراءة ايقاعية)، بعدين (يقرأ الأستاذ ريبال التمرين قراءة ايقاعية)، عطاني بهادا المقطع عطاني مقام السوزناك اللي هو حجاز مع رست، كمان أمثله تانيه (يعزف الأستاذ ريبال التمرين)، حنقول بيا مسهرني لأم كلثوم بآخر المقطع الأول و هي عم بتقول (يقرأ الأستاذ ريبال التمرين قراءة ايقاعية)، ساعدنا بالرست (يقرأ الأستاذ ريبال التمرين قراءة ايقاعية)، لحديت الآن تقريباً نحنا ضمن الرست بعدين (يقرأ الأستاذ ريبال التمرين قراءة ايقاعية).


هلأ (يقرأ الأستاذ ريبال التمرين قراءة ايقاعية)، بالنزول الأخير كان عندي حجاز مع رست، يعني أنا هون كنت ضمن فروع المعروفه لمقام الرست اللي هو السوزنام، هلأ راح أنتقل لمقام تاني من فروع الرست اللي هو مقام النيروز، مقام النيروز اللي بيختلف عن مقام الرست بإن صار عندي مقامين شرقيين من المقامات اللي معقده شرقياً و بنفس اتمط سنين مع بعض، هلأ طبعاً كونه هو متفرع عن الرست فبالأسفل حيكون عندي جنس رست بس بالأعلى حيكون عندي جنس بياتي، حيكون بهادا الشكل (يعزف الأستاذ ريبال التمرين).


يعني (يقرأ الأستاذ ريبال التمرين قراءة ايقاعية)، هلأ من الأشياء اللي مشهوره عليه هو موشح إسمه موشح يا هلالاً (يقرأ الأستاذ ريبال التمرين قراءة ايقاعية)، عطاني أول الدخول بياتي بعدين ختملي على مقام الرست، طبعاً مقام الرست من المقامات ياللي غنيه ياللي لو بحثنا راح نلاقي كمان في كتير فروع على مقام الرست بعضها مستعمل و بعضها الأكتر مش مستعمل متل مثلاً لما عم بنحكي عن مقام المستعار اللي هو ممكن ما بيستعملوه غير المغنيين أساساً هو واحد من المقامات ياللي بنستعمل فيه الربع.


نحنا دائماً بنقول نحنا بنستعمل تلات أرباع أقل شي، نصف و تلات أرباع بالموسيقى العربيه، بس هو من المقامات ياللي إنو (يقرأ الأستاذ ريبال التمرين قراءة ايقاعية)، اللي هو بيكون عندي مي كار بي مول بتقلب شوي علبي مول و بترجعها كار بي مول بنوع من الحركه على هادا المقام، هاي بالنسبه لفكره عامه عن فروع مقام الرست ياللي أكيد حابب إن يتعمق فيها راح يلاقي كتير بحوث و مراجع عن هادا الموضوع، الدرس القادم راح نحكي عن قلب الموشحات بهدول المقامات التلاته و راح ناخد عن كل واحد من هدول المقامات موشح أو ربما مقطع من موشح بس لحتى نشوف كيف ممكن نطبق المقام مع الغناء مع اللّفظ السليم للغه العربيه الفصحى، باي."

عن المدرب
ريبال خضري
ريبال خضري
فنان سوري .. - له العديد من الأغاني الخاصة مثل " بلدي عم يوجعني – يا بيتي شو اشتقتلك - شوية حكي – الله معك – حبيبي انا " - له ثلاثة ألبومات وهي 1- " قصائد سياسية " من انتاج الصندوق العربي للثقافة والفنون التابع لجامعة الدول العربية وهو عمل من كلمات الشاعر الكبير احمد مطر والحان وتوزيع باسل رجوب .. 2- " توشيحات " : الخاص بفرقته فرقة " التوشيح الحديث " التي طرح فيها ريبال موشحات بأسلوبه الخاص و سيقوم بتقديم البومات دورية لها . 3- " شوية حكي " قدمه ريبال مع عام 2010 من انتاج شركة المورد الثقافي - ريبال خريج المعهد العالي للموسيقا في سوريا – دمشق قسم الغناء الشرقي يلعب ألتي البيانو والعود ... - حاصل على ماستر كلاس من جامعة الكسليك عام 2010 - حاصل على 1- وعلى الجائزة الأولى كأفضل صوت عربي ضمن ملتقى الاصوات الجميلة الذي تم تنظيمه من قبل المجمع العربي للموسيقى في كلية الكسليك – لبنان ونال على اثرها ماستر كلاس من الجامعة . 2- الجائزة الثانية كأفضل صوت عربي ارتجالي في مهرجان الموسيقى العربية في القاهرة السابع عشر 2008 - ريبال حاليا مدرس الغناء في المعهد الوطني للموسيقا في عمان ومدرس مادة الغناء العربي في الكونسرفاتوار الأردني ومدرب جوقة عمون للغناء الكورالي الحديث . - قدم حفلات كمغني منفرد ذائع الصيت مع فرقته الخاصة ومع اهم الفرق والاوركسترات العربية والعالمية من مثل " الأوركسترا السمفونية السورية – أوركسترا عمان الفلهوارموني – أوركسترا عمان سمفونيتا – كورال أوزنابروغ الألماني – فرقة طرب .. " وذلك في اثر من عشرين مدينة عربية وعالمية في " المانيا – ايطاليا – فرنسا – الصين – أذربيجان – تركيا – الامارات – مصر – السودان – تونس وغيرها ... "

شارك اعزف. ساعد غيرك يبدأ الرحلة!

أهدِ تجربة اعزف لشخص مميز!