الدروس
03:00:08 ساعة
34 الدروس
الغناء
رنين االأنف غناء الغنّة
ادخل بريدك الإلكتروني لتبدأ مجاناً الآن
بالضغط على الزر اعلاه اوافق على شروط واحكام موقع إعزف
نص الحوار

استخدام رنين الأنف في أماكن بسيطة , رنين الأنف في بعض العرب البسيطة , مراجعة الوظيفة من الدرس السابق.


ريبال خضري:


"بيصفي في موضوع بدي أحكي عنه أنا إتقصدت أحكي عنه بدرس الرست اللي هو بيرجع لأماكن الرنين اللي حكينا عنها إذا بتتذكروا بأول دروسنا بالدرس التاني أو التالت ياللي هي أماكن رنين كان الرنين الصدري مكان الرنين الرقبي أو مكان الحنجره، مكان الرنين الرأسي.


هلأ في النوع التالت كمان من أنواع الرنين أو النوع الرابع اللي هو رنين الأنف، هلأ رنين الأنف اللي هو الصوت اللي من هادا النمط (يقرأ الأستاذ ريبال التمرين قراءة ايقاعية)، ياللي بيكون لحاله جداً مزعج بيكون فيه بيسموه بالغناء العربي نوعاً ما بنسميه غناء الغنه ياللي بيكون أكتر من رنين، أنا بجمع رنين بعبوه صغيره أو بفتحه صغيره اللي هي تجويف الأنف، هادا الغناء غالباً بالقديم المطربين اللي ما كانوا يتدربوا على الغناء بشكل صح كنا نسمع منهم بيغنوا بهادا الشكل، و حتى المطربين الموجودين هلأ في قسم منهم بيغني بهادا الأسلوب اللي هو أسلوب الأنف إن مثلاً (يقرأ الأستاذ ريبال التمرين قراءة ايقاعية).


طبعاً جداً بشع هادا الصوت لإن هو كتير مقيد كتير صغير برغم إن إحنا ما بنحس عليه، طبعاً هادا الصوت هو نفس الصوت اللي أنا بغنيه لما بكون مزكم أو معي إنفلونزا لإن بيكون كل هالمناطق بتكون مغلقه مسكره من ورا من ورا البلغم أو من ورا المخاط اللي بيكون موجود بهاي المنطقه بيصير الصوت غالباً بيضطر إن هو ما بيكون عنده مكان يرن فيه بشكل سليم غير هون أو هون فبكون في تباعد، فلما أنا بطلع صوتي باتجاه تمي راح يكون الصوت عم بيرن بهاي المنطقه، كتير بشع إن نستخدم هادا الرنين بشكل كامل، ممكن إني أستعمله بجزئيات بسيطه بحروف بسيطه ببعض المناطق البسيطه لما أنا بدي أعمل إشي معين نمط معين من العرب (يقرأ الأستاذ ريبال التمرين قراءة ايقاعية).


بس جداً سيّء غني انا أضل عم بقول (يقرأ الأستاذ ريبال التمرين قراءة ايقاعية)، اللي هو مزعج للإستماع، بيصفى إني أقول بالنسبه لوظيفة الدرس الماضي نحنا كنا عم بنحكي على سواح، حنيجي هالمره حنجرب نحل بدون عود حنقول (يقرأ الأستاذ ريبال التمرين قراءة ايقاعية)، فنحنا بآخرها (يقرأ الأستاذ ريبال التمرين قراءة ايقاعية)، هون (يقرأ الأستاذ ريبال التمرين قراءة ايقاعية)، أنا عم بحكي على مقام النهاوند بسواح، سيبولي قلبي و ارحلوا (يقرأ الأستاذ ريبال التمرين قراءة ايقاعية)، بالآخر بيكون عندي (يقرأ الأستاذ ريبال التمرين قراءة ايقاعية)، النهايه (يقرأ الأستاذ ريبال التمرين قراءة ايقاعية).


كمان رجعت بمقام النهاوند مش رست، هلأ حبيبي هو دور حبيبي هو لصالح عبد الحيّ (يقرأ الأستاذ ريبال التمرين قراءة ايقاعية)، آخر شي (يقرأ الأستاذ ريبال التمرين قراءة ايقاعية)، بفتش على الأغنيه ياللي أنا تاركها هي الباسك أو اللي هي بتذكرني بهادا المقام، بشوف هي أقرب لأني وحده من هدون التلاته، هل هي أقرب لأنساك، هل هي أقرب للبنت الشلبيه أم هي أقرب لهلاليا، صيد العصاري (يقرأ الأستاذ ريبال التمرين قراءة ايقاعية)، رست، آخر أغنيه اللي هي نسم علينا الهوا (يقرأ الأستاذ ريبال التمرين قراءة ايقاعية).


في نوع من الحزن بس مش النهاوند اللي نحنا متعودين عليه لإن لو جربنا البنت الشلبيه (يقرأ الأستاذ ريبال التمرين قراءة ايقاعية)، غيرت المقام لحتى قدرت أوصلها، نحنا نقنا (يقرأ الأستاذ ريبال التمرين قراءة ايقاعية)، أما البنت الشلبيه (يقرأ الأستاذ ريبال التمرين قراءة ايقاعية)، في إختلاف، هادا المقام مش من المقام اللي أخدناها إلى الآن هو مقام الكرد، بهيك نحنا بنكون تقريباً حكينا عن أكتر الأشياء ياللي بتهم أي حدا مبتدئ حتى يتعلم إشي عن المقامات، حكينا عن الأغاني، حاولنا ندرب إدنا، حاولنا نشوفها بشكل نظري.


بتمنى إن يكون وصلنا مقام الرست متل ما وصلنا مقام العجم و النهاوند. 


باي."

عن المدرب
ريبال خضري
ريبال خضري
فنان سوري .. - له العديد من الأغاني الخاصة مثل " بلدي عم يوجعني – يا بيتي شو اشتقتلك - شوية حكي – الله معك – حبيبي انا " - له ثلاثة ألبومات وهي 1- " قصائد سياسية " من انتاج الصندوق العربي للثقافة والفنون التابع لجامعة الدول العربية وهو عمل من كلمات الشاعر الكبير احمد مطر والحان وتوزيع باسل رجوب .. 2- " توشيحات " : الخاص بفرقته فرقة " التوشيح الحديث " التي طرح فيها ريبال موشحات بأسلوبه الخاص و سيقوم بتقديم البومات دورية لها . 3- " شوية حكي " قدمه ريبال مع عام 2010 من انتاج شركة المورد الثقافي - ريبال خريج المعهد العالي للموسيقا في سوريا – دمشق قسم الغناء الشرقي يلعب ألتي البيانو والعود ... - حاصل على ماستر كلاس من جامعة الكسليك عام 2010 - حاصل على 1- وعلى الجائزة الأولى كأفضل صوت عربي ضمن ملتقى الاصوات الجميلة الذي تم تنظيمه من قبل المجمع العربي للموسيقى في كلية الكسليك – لبنان ونال على اثرها ماستر كلاس من الجامعة . 2- الجائزة الثانية كأفضل صوت عربي ارتجالي في مهرجان الموسيقى العربية في القاهرة السابع عشر 2008 - ريبال حاليا مدرس الغناء في المعهد الوطني للموسيقا في عمان ومدرس مادة الغناء العربي في الكونسرفاتوار الأردني ومدرب جوقة عمون للغناء الكورالي الحديث . - قدم حفلات كمغني منفرد ذائع الصيت مع فرقته الخاصة ومع اهم الفرق والاوركسترات العربية والعالمية من مثل " الأوركسترا السمفونية السورية – أوركسترا عمان الفلهوارموني – أوركسترا عمان سمفونيتا – كورال أوزنابروغ الألماني – فرقة طرب .. " وذلك في اثر من عشرين مدينة عربية وعالمية في " المانيا – ايطاليا – فرنسا – الصين – أذربيجان – تركيا – الامارات – مصر – السودان – تونس وغيرها ... "

شارك اعزف. ساعد غيرك يبدأ الرحلة!

أهدِ تجربة اعزف لشخص مميز!