الدروس
03:00:08 ساعة
34 الدروس
الغناء
الدرس الأخير على مقام الرست
ادخل بريدك الإلكتروني لتبدأ مجاناً الآن
بالضغط على الزر اعلاه اوافق على شروط واحكام موقع إعزف
نص الحوار

تمييز مقام الرست من خلال الغناء , المزيد من فوكاليز الرست , الرست من "مي" , الرست من "ري" و من "دو" و الإنتقال السلس بينهما , أجناس مقام الرست , شرح مفصل لنوتة سلم مقام الرست , تعلم أبعاد سلم مقام الرست.


ريبال الخضري:


"مرحبا، أنا ريبال من إعزف دوت كوم.


اليوم هو الدرس الأخير عن مقام الرست، كتير ضروري بآخر هادا الدرس نقدر نميز مقام الرست بأي اغنيه راح يورد بأي مقطع راح يمرق معنا.


طبعاً كالعاده راح نبلش بإشي تدريب فوكاليز للصوت و للإدن بوقت واحد، طبعاً إنتوا ملاحظين إن نحنا بالمقامات الشرقيه مقام الرست أنا عم بعتمد أكتر على الأذن لإن دائماً إحساسي إن الأذن و حكيتها سابقاً إن الصوت البشري أقوى من أي آله موسيقيه كانتقالات سلّميه، حنجرب سلم الرست اللي هو (يقرأ الأستاذ ريبال التمرين قراءة ايقاعية).


التمرين ياللي راح نساويه هلأ هو أصعب شوي، حنقول من هون (يقرأ الأستاذ ريبال التمرين قراءة ايقاعية)، هلأ هاي الآ بدي أخلي إطلعع فيها سلم و أرجع بعدين بدي آخد التيون اللي بعدها بدي إطلع، بس طبعاً دائماً بدي إطلع لوحدي، حنكون مع بعض، واحد تو ثري حناخد التيون (يقرأ الأستاذ ريبال التمرين قراءة ايقاعية)، هلأ برجع باخدها مع دق (يقرأ الأستاذ ريبال التمرين قراءة ايقاعية)، أخدت الأعلى (يقرأ الأستاذ ريبال التمرين قراءة ايقاعية)، آخر وحده (يقرأ الأستاذ ريبال التمرين قراءة ايقاعية).


هادا التمرين كتير مفيد لحتى نقدر نتعود على إشي بنسميه بالميوزك الترانزبوزيشن، لما أنا بدي أغير الطبقه بكون مثلاً براي بدي أعمل نفس المقام بس من دو أو من سي أو من مي، دائماً بتكون الأدن شوي بتستصعب هالإنتقال بتنطر آله تعطيها هادا الإنتقال، فبهيك تمرين نحنا كتير بنقدر نتجاوز هادا الموضوع بإن نحنا عم بنقدر نوجد المقام بإدنا بدون ما نحتاج للآله الموسيقيه، بيصفالنا نحكي اليوم عن المقام مقام الرست كطريقة علميه كأجناس كيف هو، هلأ راح نيجي نطلع لمقام الرست، حنلاقي إن نحنا عنا من الدو للراي في عنا بعد، من الراي للمي راح يكون عنا فيه تلات أرباع البعد بحكم إن المي هي كار بي مول، طبعاً أتخيل إن حكينا سابقاً عن فكرة الكار بي مول اللي هو إن البي مول لما أنا بحط عليه شخطه فما بيعود هو بينزل العلامه فقط نصف بعد، لأ، بينزلها نصف نصف بعد يعني بنزلها أقل من هاي الكميه، بينزلها ربع بعد بدل ما تكون عم بنزل نصف بعد كامل، المي كار بي مول بالتالي صار عندي بين الراي و المي كار بي مول صار عندي تلات أرباع بعد.


بعدين من المي كار بي مول للفا عندي كمان تلات أرباع بحكم إن المي كانت نص، نزلت المي شوي فصارت تلات أرباع، الفا للصول عندي بعد كامل، من الصول للا عندي كمان بعد، من اللا للسي كار بي مول كإن بيحكي عن الراي للمي كار بي مول عندي تلات أرباع بعد، من السي كار بي مول للدو بيكون عندي كمان تلات أرباع بعد، هلأ لو إجينا لنقسمهم لأبعاد، أنا عم بقول (يقرأ الأستاذ ريبال التمرين قراءة ايقاعية)، هادا هو السنتر الأساسي لإلي بدها مقام اللي هو جنس الدو رست الدو، بيجي للجنس التاني اللي هو (يقرأ الأستاذ ريبال التمرين قراءة ايقاعية).


عم بيكون عندي جنسين، جنس من الدو و جنس من الصول، فإذا من تحت عم بيكون عندي واحد تلات أرباع تلات أرباع، و من فوق واحد تلات أرباع تلات أرباع فإذاً أنا مقام الرست هو عباره عن جنسي رست في بيناتهم بعد فاصل ياللي هو من الفا للصول."

عن المدرب
ريبال خضري
ريبال خضري
فنان سوري .. - له العديد من الأغاني الخاصة مثل " بلدي عم يوجعني – يا بيتي شو اشتقتلك - شوية حكي – الله معك – حبيبي انا " - له ثلاثة ألبومات وهي 1- " قصائد سياسية " من انتاج الصندوق العربي للثقافة والفنون التابع لجامعة الدول العربية وهو عمل من كلمات الشاعر الكبير احمد مطر والحان وتوزيع باسل رجوب .. 2- " توشيحات " : الخاص بفرقته فرقة " التوشيح الحديث " التي طرح فيها ريبال موشحات بأسلوبه الخاص و سيقوم بتقديم البومات دورية لها . 3- " شوية حكي " قدمه ريبال مع عام 2010 من انتاج شركة المورد الثقافي - ريبال خريج المعهد العالي للموسيقا في سوريا – دمشق قسم الغناء الشرقي يلعب ألتي البيانو والعود ... - حاصل على ماستر كلاس من جامعة الكسليك عام 2010 - حاصل على 1- وعلى الجائزة الأولى كأفضل صوت عربي ضمن ملتقى الاصوات الجميلة الذي تم تنظيمه من قبل المجمع العربي للموسيقى في كلية الكسليك – لبنان ونال على اثرها ماستر كلاس من الجامعة . 2- الجائزة الثانية كأفضل صوت عربي ارتجالي في مهرجان الموسيقى العربية في القاهرة السابع عشر 2008 - ريبال حاليا مدرس الغناء في المعهد الوطني للموسيقا في عمان ومدرس مادة الغناء العربي في الكونسرفاتوار الأردني ومدرب جوقة عمون للغناء الكورالي الحديث . - قدم حفلات كمغني منفرد ذائع الصيت مع فرقته الخاصة ومع اهم الفرق والاوركسترات العربية والعالمية من مثل " الأوركسترا السمفونية السورية – أوركسترا عمان الفلهوارموني – أوركسترا عمان سمفونيتا – كورال أوزنابروغ الألماني – فرقة طرب .. " وذلك في اثر من عشرين مدينة عربية وعالمية في " المانيا – ايطاليا – فرنسا – الصين – أذربيجان – تركيا – الامارات – مصر – السودان – تونس وغيرها ... "

شارك اعزف. ساعد غيرك يبدأ الرحلة!

أهدِ تجربة اعزف لشخص مميز!