الدروس
03:00:08 ساعة
34 الدروس
الغناء
المقامات الفرعية
ادخل بريدك الإلكتروني لتبدأ مجاناً الآن
بالضغط على الزر اعلاه اوافق على شروط واحكام موقع إعزف
نص الحوار

تهييء للكلام عن المقامات الفرعية , فوكاليز للإحماء , تذكير بالنصائح المهمة للغناء , تمرين غنائي مهم لفتحة الفك عند الغناء , تعريف للمزيد من المصطلحات.


ريبال خضري:


"بعد ما خلصنا المقامات التلاته العجم، النهاوند، الرست، ياللي نحنا حكينا عنهم سابقاً إن هم بيبلشوا بنفس الدرجه تقريباً.


طبعاً مع إختلاف يعني هلأ العجم أساساً هو يرجع لعجم عجم العشيران أو هي عجم السي بي مول، النهاوند و الرست بيبتدوا تنيناتهن من درجة الدو بس نحنا افترضناهن من نفس العلامه لحتى نقدر نرسخهم بدهنا أكتر، بعد ما خلصنا حديثنا عن هادا الموضوع، ضروري شوي إن قبل ما نكفي باقي المقامات ناخد فكره عن شي إسمه مقامات فرعيه، حنعمل فوكاليز بعدين حنلتفت للمقامات الفرعيه (يعزف الأستاذ ريبال التمرين).


هلأ التمرين اللي راح نعمله اليوم هو تمرين بسيط، دائماً برجع بذكر إذا نحنا بدنا نحافظ على صوتنا يكون دائماً أنيق و دائماً عم بيكون قادر مساحات واسعه، لازم دائماً نبتدي بالأقل فالأكثر فالأكثر كونو نحنا عشان نختصر وقت ما نرجع نعيد دائماً الأقل، بذكركم نحنا ابتدينا بتلات درجات، أربع درجات، خمس درجات، بعدين رحنا على الأوكتاف، إذا بتتواصلوا بتستمروا بإنكم تكرروهم دائماً يوم إي يوم لأ حيكون بنقدر نوصل لنتائج كتير منيحه بس (يعزف الأستاذ ريبال التمرين).


هلأ التمرين ياللي راح ناخده هلأ هو تمرين غنائي أكثر، يعني هو ماله تمرين خلص شغله و بتنعاد، لأ، هو تمرين فيه لحن عم بينقال، هادا التمرين هو (يقرأ الأستاذ ريبال التمرين قراءة ايقاعية)، أنا طلعت أربع مرات لي يا، طبعاً لاحظنا مو لي يا، مش متل ما كنا نعملها، هلأ أخدت اللي الغامقه لجوا (يقرأ الأستاذ ريبال التمرين قراءة ايقاعية)، الأولى (يقرأ الأستاذ ريبال التمرين قراءة ايقاعية)، التانيه (يقرأ الأستاذ ريبال التمرين قراءة ايقاعية)، التالته (يقرأ الأستاذ ريبال التمرين قراءة ايقاعية).


خلصوا، هاي الأربع وحدات بعدين برجع برجوع (يقرأ الأستاذ ريبال التمرين قراءة ايقاعية)، رجعت نزلت أربع نزلات، هادا الشي بنسميه بالميوزيك أو بالموسيقى بنسميه السيكوينس، شو هو السيكوينس؟ لما أنا بيكون عندي جمله، مثلاً (يقرأ الأستاذ ريبال التمرين قراءة ايقاعية)، نحنا كنا نقول (يقرأ الأستاذ ريبال التمرين قراءة ايقاعية)، أنا كنت دو عم بنزل و برجع بطلع للي فوق، بنفس الإيقاع و بنفس التفاصيل، بنفس الإيقاع و بنفس التفاصيل أنا راح إرجع إطلع على أكرر نفس اللحن بس من أعلى بدرجه فأعلى بدرجه فأعلى بدرجه حيكون عندي هادا بنسميه سيكوبنس هو متتابع (يقرأ الأستاذ ريبال التمرين قراءة ايقاعية).


بيجي عندي بعدين سيكوينس عكسي (يقرأ الأستاذ ريبال التمرين قراءة ايقاعية)، يعني عندي تو سيكوينس عم بنشتغلهن، حنبلش مع بعض لا ننسى فتحة التم و لا ننسى النفس الصحيح (يقرأ الأستاذ ريبال التمرين قراءة ايقاعية)، عم بطلع (يقرأ الأستاذ ريبال التمرين قراءة ايقاعية)، كمان (يقرأ الأستاذ ريبال التمرين قراءة ايقاعية)، آخر وحده (يقرأ الأستاذ ريبال التمرين قراءة ايقاعية)، هادا التمرين مش من التمارين اللي أنا بأديه لفوق و برجع بنزل فيه لتحت، هو تمرين غنائي أكتر سلس أكتر بالغني، كتير ضروري أحسه لما أنا عم بغنيه أكتر من أنو أنا بس أفكر بفتحة فكي، طبعاً في عنا تمارين كتيره حتكون من هادا النمط، بس يبقى دائماً الأفضل هي التمارين البسيطه أكتر ياللي الموتيف تبعها بسيط (يقرأ الأستاذ ريبال التمرين قراءة ايقاعية).


هاي بتبقى دائماً هي الأفضل."

عن المدرب
ريبال خضري
ريبال خضري
فنان سوري .. - له العديد من الأغاني الخاصة مثل " بلدي عم يوجعني – يا بيتي شو اشتقتلك - شوية حكي – الله معك – حبيبي انا " - له ثلاثة ألبومات وهي 1- " قصائد سياسية " من انتاج الصندوق العربي للثقافة والفنون التابع لجامعة الدول العربية وهو عمل من كلمات الشاعر الكبير احمد مطر والحان وتوزيع باسل رجوب .. 2- " توشيحات " : الخاص بفرقته فرقة " التوشيح الحديث " التي طرح فيها ريبال موشحات بأسلوبه الخاص و سيقوم بتقديم البومات دورية لها . 3- " شوية حكي " قدمه ريبال مع عام 2010 من انتاج شركة المورد الثقافي - ريبال خريج المعهد العالي للموسيقا في سوريا – دمشق قسم الغناء الشرقي يلعب ألتي البيانو والعود ... - حاصل على ماستر كلاس من جامعة الكسليك عام 2010 - حاصل على 1- وعلى الجائزة الأولى كأفضل صوت عربي ضمن ملتقى الاصوات الجميلة الذي تم تنظيمه من قبل المجمع العربي للموسيقى في كلية الكسليك – لبنان ونال على اثرها ماستر كلاس من الجامعة . 2- الجائزة الثانية كأفضل صوت عربي ارتجالي في مهرجان الموسيقى العربية في القاهرة السابع عشر 2008 - ريبال حاليا مدرس الغناء في المعهد الوطني للموسيقا في عمان ومدرس مادة الغناء العربي في الكونسرفاتوار الأردني ومدرب جوقة عمون للغناء الكورالي الحديث . - قدم حفلات كمغني منفرد ذائع الصيت مع فرقته الخاصة ومع اهم الفرق والاوركسترات العربية والعالمية من مثل " الأوركسترا السمفونية السورية – أوركسترا عمان الفلهوارموني – أوركسترا عمان سمفونيتا – كورال أوزنابروغ الألماني – فرقة طرب .. " وذلك في اثر من عشرين مدينة عربية وعالمية في " المانيا – ايطاليا – فرنسا – الصين – أذربيجان – تركيا – الامارات – مصر – السودان – تونس وغيرها ... "

شارك اعزف. ساعد غيرك يبدأ الرحلة!

أهدِ تجربة اعزف لشخص مميز!