الدروس
03:00:08 ساعة
34 الدروس
الغناء
إتقان الغناء على مقام الرست
ادخل بريدك الإلكتروني لتبدأ مجاناً الآن
بالضغط على الزر اعلاه اوافق على شروط واحكام موقع إعزف
نص الحوار

تمارين فوكاليز على مقام الرست , بناء المقام من نوتة الركوز , تأكيد على إتجاه الصوت من الفم و التنفس الصحيح عند الغناء , الصعود و النزول بغناء مقام الرست.


ريبال خضري:


"مرحبا، أنا ريبال من إعزف دوت كوم.


اليوم راح نكفي درسنا عن مقام الرست ياللي ابتديناه الدرس الماضي، هلأ راح نبلش مباشرةً ببعض الفوكاليز البسيطه العربيه على مقام الرست.


و طبعاً متل كل بداية درس بذكر ضروري نبتدي بتمارين التنفس، ضروري نبتدي بتمارين الفوكاليز اللي نحنا اشتغلناها بدروس سابقه، حنقول التمرين اللي حنقوله هو (يقرأ الأستاذ ريبال التمرين قراءة ايقاعية)، بس لعبتنا اليوم راح تكون بإن نحنا نغني هادا التمرين من المكان اللي نحنا حنسمع فيه التونينغ الجديد، يعني ما راح يكون عنا متل البيانو إن نحنا نقول الأكورد الأساسي و نحنا نشتغل عليهه، لأ، راح يكون نحنا بدنا نبني المقام من راسنا، كيف؟ أنا بدي آخد هون (يقرأ الأستاذ ريبال التمرين قراءة ايقاعية)، بدي آخد من هون (يقرأ الأستاذ ريبال التمرين قراءة ايقاعية)، هلأ بدي آخدها أعلى بكتير مثلاً (يقرأ الأستاذ ريبال التمرين قراءة ايقاعية).


بدي آخدها أوطى (يقرأ الأستاذ ريبال التمرين قراءة ايقاعية)، شو الغايه من متل هيك تمرين، في عنا غايتين طبعاً أول غايه اللي هي تمرين الصوت على فكرة العلامات الأرباع، الأرباع و التلات أرباع الموجودين بمقام الرست، تاني شي نبني بإدنا كيفية إن أنا بدي إنتقل من مقام لآخر بدون ما إني أتلبك بدون ما إني إحتاج لآله موسيقيه تعطيني التيونينغ على هاي الآله.


أنا دايماً بقولها إن الصوت البشري أقدر من الآلات الموسيقيه على إن يقول أي لحن ضمن أي نوت، لإن في أكتر الآلات مثلاً بيكون عنا مشاكل تقنيه بإن هاي العلامه من هاي العلامه بتقدر تقولها أو من هاي العلامه ما بتقدر تقول ، بيكون صعبه عليها المقام، بعكس الصوت البشري اللي هو قادر يطلع كلّ المقامات و ينزلها من أي مكان بده إياه طبعاً ضمن حدود الطّاقه البشريه، حنجرب، طبعاً التمرين اللي حكيناه برجع بذكره (يقرأ الأستاذ ريبال التمرين قراءة ايقاعية)، برجع بقول دائماً صوتي لقدام و تنفسي من معدتي (يقرأ الأستاذ ريبال التمرين قراءة ايقاعية)، أنا ما عم بعزف عم بحاول فقط إني أعطي التيونينغ الأساسي اللي بدي اياه (يقرأ الأستاذ ريبال التمرين قراءة ايقاعية)، حقول من هون (يقرأ الأستاذ ريبال التمرين قراءة ايقاعية).


ممكن يكون كتير صعب بس الغايه من متل هيك تمرين إن أنا أعود حنجرتي إن تروح على المكان اللي بيناسب هادا اللّحن بالضّبط حتى و إن كان صعب عليها، لإن بالبدايه أهم إشي و أنا عم بغني إني أنا اكون ضمن التيون من بعدها بيصفى كل الإشياء ثانويه، طيب حنجرب كمان حنقول (يعزف الأستاذ ريبال التمرين).


حنقول تمرين تاني حنقول من هون (يقرأ الأستاذ ريبال التمرين قراءة ايقاعية)، أكيد هادا تمرين أصعب من هداك إذا ما قدرنا نتجاوز التمرين الأولاني حنلاقي هادا أصعب بكتير، حرجع أعيده (يقرأ الأستاذ ريبال التمرين قراءة ايقاعية)، هلأ راح أقوله من هون (يقرأ الأستاذ ريبال التمرين قراءة ايقاعية)، حقول من هون (يقرأ الأستاذ ريبال التمرين قراءة ايقاعية)، برجع بأكد، مش الغايه جمالية الصوت هون و إنما الغايه إن أنا إقدر إضبط قد ما بقدر كيف بدي أجيب التيونينغ صح، حقول من هون (يقرأ الأستاذ ريبال التمرين قراءة ايقاعية).


كتير ضروري إن أنا أقدر أخلق الأفق مباشرةً من أول ما أسمع العلامه أقدر أحس المقام، إن (يقرأ الأستاذ ريبال التمرين قراءة ايقاعية)، طيب (يقرأ الأستاذ ريبال التمرين قراءة ايقاعية) مباشرةً إقدر إخلق التيون لمقام الرست."


عن المدرب
ريبال خضري
ريبال خضري
فنان سوري .. - له العديد من الأغاني الخاصة مثل " بلدي عم يوجعني – يا بيتي شو اشتقتلك - شوية حكي – الله معك – حبيبي انا " - له ثلاثة ألبومات وهي 1- " قصائد سياسية " من انتاج الصندوق العربي للثقافة والفنون التابع لجامعة الدول العربية وهو عمل من كلمات الشاعر الكبير احمد مطر والحان وتوزيع باسل رجوب .. 2- " توشيحات " : الخاص بفرقته فرقة " التوشيح الحديث " التي طرح فيها ريبال موشحات بأسلوبه الخاص و سيقوم بتقديم البومات دورية لها . 3- " شوية حكي " قدمه ريبال مع عام 2010 من انتاج شركة المورد الثقافي - ريبال خريج المعهد العالي للموسيقا في سوريا – دمشق قسم الغناء الشرقي يلعب ألتي البيانو والعود ... - حاصل على ماستر كلاس من جامعة الكسليك عام 2010 - حاصل على 1- وعلى الجائزة الأولى كأفضل صوت عربي ضمن ملتقى الاصوات الجميلة الذي تم تنظيمه من قبل المجمع العربي للموسيقى في كلية الكسليك – لبنان ونال على اثرها ماستر كلاس من الجامعة . 2- الجائزة الثانية كأفضل صوت عربي ارتجالي في مهرجان الموسيقى العربية في القاهرة السابع عشر 2008 - ريبال حاليا مدرس الغناء في المعهد الوطني للموسيقا في عمان ومدرس مادة الغناء العربي في الكونسرفاتوار الأردني ومدرب جوقة عمون للغناء الكورالي الحديث . - قدم حفلات كمغني منفرد ذائع الصيت مع فرقته الخاصة ومع اهم الفرق والاوركسترات العربية والعالمية من مثل " الأوركسترا السمفونية السورية – أوركسترا عمان الفلهوارموني – أوركسترا عمان سمفونيتا – كورال أوزنابروغ الألماني – فرقة طرب .. " وذلك في اثر من عشرين مدينة عربية وعالمية في " المانيا – ايطاليا – فرنسا – الصين – أذربيجان – تركيا – الامارات – مصر – السودان – تونس وغيرها ... "

شارك اعزف. ساعد غيرك يبدأ الرحلة!

أهدِ تجربة اعزف لشخص مميز!