ادخل بريدك الإلكتروني لتبدأ مجاناً الآن

أو

بالضغط على الزر اعلاه اوافق على شروط واحكام موقع إعزف
الأحرف الأنفية ميم و نون

التعامل مع الأحرف الأنفية و إخراجها بالشكل السليم في الغناء العربي.


ريبال خضري:


"مرحبا، أنا ريبال من إعزف دوت كوم.


المره الماضيه أخدنا تمارين على حرف الآ، على حرف الألف و جربنا ندمجهن بالصوت المستعار، هلأ اليوم تمرينا حيكون على حرف الميم و النون، بدنا ننتبه إن حروف الميم و النون هنن من الحروف الأنفيه، يعني أنا لو أغلقت أنفي حيكون جدّاً صعب إني أنا أقول حرف الميم، ما حيطلع معي حرف الميم، بنفس الوقت حرف النون ممكن أقدر أطلعه بشكل مبسط أكتر لإن النون هو عباره عن مخرجين سوا، هو عباره عن مخرج فموي مع مخرج أنفي، فممكن إقدر إفهمه هو (يقرأ الأستاذ ريبال التمرين قراءة ايقاعية).


بس مع هيك لو أنا بسكر أنفي بالكامل بالكامل ما راح يطلع معي لا ميم و لا نون، هلأ أنا لما بدي أحاول أغني كتير مهم إني أنا بالغنى العربي أكتر حروفي بتكون من هون، ما في غير حرفين من الأنف اللي هنن الميم و النون فأنا بدي أحاول أشدهن لمنطقة باقي الأصوات (يعزف الأستاذ ريبال التمرين)، يعني (يعزف الأستاذ ريبال التمرين)، كيف بدي أقول (يقرأ الأستاذ ريبال التمرين قراءة ايقاعية).


تمام، خليها كتير بسيطه أول شي (يقرأ الأستاذ ريبال التمرين قراءة ايقاعية)، النوتات العاليه أنا ما بدفش حنجرتي فيها، بحاول إني أدورها تدوير كإني عم بلقطها من تحت، أوكي (يقرأ الأستاذ ريبال التمرين قراءة ايقاعية)، للأنف أكتر أو للرأس أكتر (يقرأ الأستاذ ريبال التمرين قراءة ايقاعية).


هلأ أنا حاولت أخلي الميم يطلع لراسي أكتر و ما أخليه (يقرأ الأستاذ ريبال التمرين قراءة ايقاعية)، ما أشد حنجرتي، لأ (يقرأ الأستاذ ريبال التمرين قراءة ايقاعية)، أحاول أخلي الصوت يكون أكتر لفوق و لو كان مخنوق ببعض المناطق، بس هاد الإشي بيخلي حرف الميم يكون أوضح و بيخليه يرن بشكل أفضل، لو جربت إني أنا إدمج بين حرف الميم الطبيعي و الميم المستعار (يعزف الأستاذ ريبال التمرين)، مثلاً حختار عربه أنا بدي اياها على الفيك (يقرأ الأستاذ ريبال التمرين قراءة ايقاعية)، مثلاً (يقرأ الأستاذ ريبال التمرين قراءة ايقاعية).


أنا كيف عم بقول بالضبط، إذا بدي أقولها عالآ (يقرأ الأستاذ ريبال التمرين قراءة ايقاعية)، دائماً نوته فيك، نوته عاديه (يقرأ الأستاذ ريبال التمرين قراءة ايقاعية)، يعني إذا أنا عم بقول دو مي صول، الصول عاديه الفا فيك المي عاديه الراي فيك الدو عاديه (يقرأ الأستاذ ريبال التمرين قراءة ايقاعية).


أنا بس راح أوضحها راح أقولها هيك، هلأ أنا راح أقولها أم (يقرأ الأستاذ ريبال التمرين قراءة ايقاعية)، كل ما عم بطلع عم بحاول أخلي الفيك يكون طربي أكتر، يكون بيرن أكتر، يكون فيه وصل أكتر، هلأ في برجع بعيد نفس المعلومه، الميم أو الفيك فويس خلطهم على الصوت الطبيعي بالعرب مش راح يكون سهل من أول مره ولا التانيه ولا التالته، بعض الناس بتاخد سنين، بتاخد سنه ولا سنتين و هي عم بتتدرب عليه لحتى تقدر تتقنه و تتقن كيف بدها تنقل بشكل صح، الفيك فويس بحرف الميم و النون كتير يستخدم بتجويد القرآن الكريم، لما أنا في بعض الآيات راح إسمع من مقرئين كتير معروفين، هلأ إن هنن بكثير أوقات بيستعملوا الفيك فويس، بس دائماً المقرئ أو مجود القرآن لما بيستعمل الفيك فويس كتير بيحاول يعطيه عرض أكتر لحتى يكون أقرب للصوت الذكوري، ما يروح باتجاه الصوت الأنثوي، هاي بالنسبه لحرف الميم.


هلأ حرف النون نحنا عم بنتحدث على نفس الأسلوب بالضبط، حرف النون من فوائده إني أنا إذا عملت عليه نفس هادا التمرين إن الصوت بيقدم لقدام أكتر، يعني الميم ممكن إن يخنق الصوت أكتر شوي، النون كونه هو حرف عند الأسنان فممكن إن يخلي الصوت أعلى يعني (يقرأ الأستاذ ريبال التمرين قراءة ايقاعية)، دائماً نوته هيك نوته هيك، نوته عادي نوته فيك (يقرأ الأستاذ ريبال التمرين قراءة ايقاعية) هاد بالنسبه لحرف النون و حرف الميم، من الحروف السهله ياللي ممكن إني أنا إذا تمرنت عليها شوي تاخد فيرييشن أو عرب أكتر تساعدني لإن يكون العرب عندي أغنى، شكراً."


فيديوهات دروس الدورة - تعلم الغناء العربي 3
1 عرب صوتية على حرف آه Opened 04:34
2 عرب بسيطة و مراجعة تعريف العرب Opened 05:24
3 مقام الكرد Opened 05:31
4 تطبيق على مقام الكرد Opened 04:24
5 تعلم غناء موشح يمر عجبا Opened 07:54
6 متابعة غناء مقام الكرد Opened 07:21
7 تعلم غناء أغنية إنت عمري Opened 07:44
8 تعلم غناء أغنية مشغول عليك مشغول Opened 03:53
9 فروع مقام الكرد Opened 08:08
10 الصوت المستعار Opened 05:10
11 تطبيقات على الصوت المستعار Opened 05:14
12 الأحرف الأنفية ميم و نون Opened 05:30
13 تعلم غناء مقام الحجاز Opened 05:01
14 تطبيقات أخرى على مقام الحجاز Opened 04:18
15 موشح لسّيد درويش على حجاز ري Opened 06:51
16 التنويع بمقام الحجاز Opened 04:28
17 تعلم أغنية بحلم بيك Opened 05:56
18 تراث دمشقي على الحجاز Opened 05:39
19 تعلم مقام الشهناز في الغناء العربي Opened 04:18
20 الطريقة السليمة لتعلم غناء الأغاني Opened 08:36