تمرين جديد على مقام الحجاز.
ريبال خضري:
"مرحبا، أنا ريبال من إعزف دوت كوم.
الدرس السابق تحدثنا عن مقام الحجاز و أخدنا لمحه كتير بسيطه عن المقام، هلأ اليوم نحنا حناخد تمرين شوي أصعب من إن إحنا مجرد عم بنغني سكيل مقام الحجاز، طبعاً ضروري إن أنا أنوه على شي معين، بالإنغلش أو بالكاريكيوليم الأر بي إس إم أو المناهج التانيه بيتعاملوا مع النوتات كمثلاً الدو هي سي، أسماء بالإنغلش أو حروف ليترز، دو سي، راي دي، المي إي، الفا إف، الصول جي، اللا إي، و السي عم بنحكي على بي، بس طبعاً و بيتعاملوا كمان إن هاي الحروف إذا أنا بدي إرفعها نص، هادا المربع نحنا بنسميه شارب، و بالإشاره اللي متل البي اللي بتنزل نص بنسميها فلات، هلأ بالإضافه لهيك في المنهج الفرنسي اللي هو بيتعامل مع هاي النوتات كدو راي مي فا صول لا سي دو، ما بيتعامل معاها بسي دي إي إف جي أي بي، و بيتعامل معها على أساس إن الشارب إسمه دييز و البي مول هو فلات، هلأ أنا ضمن المنهج أو ضمن ما عم بشتغل بحاول كتير إني أنا أذكر كل هدول، بحاول مرات أروح على الإف شارب، مرات بقول فا شارب، مرات بقول فا دييز لحتى نتعود أكتر ندمجهن، كتر الإستعمال لهاي المصطلحات راح يخليها سلسه أكتر إلنا ضمن الموسيقى و بنقدر نتفاهم مع أي حدا من الموسيقيين، هلأ راح ناخد تمرين أكثر تعقيداً بمقام الحجاز، راح نقول (يعزف الأستاذ ريبال التمرين).
تمرين جميل، أنا بس بدي أحاول إلى أوضح صوتي، إفتح تمي أخلي التمرين لقدام أكتر أكون سلس أكتر و أنا عم بغني، حنقول (يقرأ الأستاذ ريبال التمرين قراءة ايقاعية)، حخلي عندي حرف الآو حرف الإي و بدي إتزكر إن حرف الآ مفتوح (يقرأ الأستاذ ريبال التمرين قراءة ايقاعية).
أما حرف الإي مفتوح بالعكس، كإن عم بحكي عن تفاح و موز (يقرأ الأستاذ ريبال التمرين قراءة ايقاعية)، و كتير مهم إن يكون نفس البوزيسيون اللي أنا عم بغني فيه، حنقول (يقرأ الأستاذ ريبال التمرين قراءة ايقاعية)، بعرف إن صعب بس على التكرار راح إقدر إنقل للحجاز من أي نوته أنا حاببها (يقرأ الأستاذ ريبال التمرين قراءة ايقاعية)، تمام، هادا إلى حد الآن من عم بنفترض إن نحنا عم بنغني من طبقة التلر، لو نحنا بدنا نغنيها من طبقة باس أو بالنسبه للبنات من طبقة ألتو، حنقولها من هون (يقرأ الأستاذ ريبال التمرين قراءة ايقاعية).
ما إنسى فتحة التم و ما إنسى كيف إن الفتحه بتختلف من حرف لحرف، بشوفكم بالدرس الجاي مشان نحكي أكتر عن هادا المقام الكتير مهم، باي."