يتابع الأستاذ ريبال تطبيق على مقام الكرد و هو أغنية حبك نار للفنان الراحل عبد الحليم حافظ.
ريبال خضري:
"(يقرأ الأستاذ ريبال التمرين قراءة ايقاعية)، مرحبا، أنا ريبال من إعزف دوت كوم.
إبتديت بحبك نار لعبد الحليم لحتى أجرب أشوف هل نحنا متذكرين مقام الكرد، نحنا بحبك نار عم بنشتغل على نفس المقام، حتى أنا أخدت نفس الركوز بالضبط، أخدت مقام كرد من درجة الراي أو من درجة الدوكاب بالإسم العربي، أنا حاولت أركز على أكتر من شي و أنا عم بغني حبك نار، حاولت أركز إن أنا عندي كلمة نار، فدائماً لازم يكون تمي مفتوح فيها، مش منطقي أقول (يقرأ الأستاذ ريبال التمرين قراءة ايقاعية).
و إن كنا بنشوف بعض المطربين أو المشاهير بيغنوا هيك، للأسف في بعض المطربين أو المشاهير ما يعني ما بيفكروا فيها و ما بيشوفوا قديش هي بتئذي الصوت إني أنا أغني دائماً و تمي مسكر، غير هيك أنا حاولت كتير أستعين بالعرب اللي أنا حاولت أشتغل عليها بالدرس الماضي (يقرأ الأستاذ ريبال التمرين قراءة ايقاعية).
إني أخليها شوي تصير بطيئه أسرع أسرع أس رع لحتى أقدر أحقق العربه اللي أنا عم بفكر فيها، بهادا الدرس راح ناخد تمرين أكتر تعقيداً من التمرين الماضي على مقام الكرد، و دائماً لما نحنا نشتغل فوكاليز على العود، دائماً نحنا بس بنسمع البدايه و بنحاول إن نحنا نغنيها، مش من أول مره ممكن إن نحنا تزبط، بس شوي شوي إدني راح تتدرب إن تسمع السكيل اللي هو كرد الراي عم بنتقل لكرد المي بي مول عم بينتقل لكرد المي و هيك، التمرين الجديد أعقد شوي، بدي أحاول أركز كيف بدي أفتح تمي بدي أحاول أركز كيف بدي أنقل المقام (يقرأ الأستاذ ريبال التمرين قراءة ايقاعية)، هلأ برجع بعليه شوي (يقرأ الأستاذ ريبال التمرين قراءة ايقاعية).
حاولت أحافظ عليها، هلأ بعد ما حفظت اللحن هلأ راح أحاول إني إلعب أكتر باللحن، حنقول (يقرأ الأستاذ ريبال التمرين قراءة ايقاعية)، عم بحاول كتير أكون دقيق بفكر بالنوت اللي أنا عم بطلعها، بفكر بفتحة تمي صح، بفكر بإني أنا أنقل التمرين بشكل صحيح (يقرأ الأستاذ ريبال التمرين قراءة ايقاعية).
هلأ بالنسبه للناس اللي صوتها باس أو صوتها ما بيجي كتير عالي ممكن أقولها من تحت، ممكن يقولوها من هون (يقرأ الأستاذ ريبال التمرين قراءة ايقاعية)، و يطلعوا فيها مثلاً أنا بلشت من هون ببلش (يقرأ الأستاذ ريبال التمرين قراءة ايقاعية).
هادا التمرين هو من التمارين البسيطه ياللي شوي شوي بتخليني آخد على المقام بشكل أكتر.
هادا كان بالنسبه لدرسنا اليوم، شكراً إلكن."