الدروس
01:51:94 ساعة
20 الدروس
الغناء
موشح لسّيد درويش على حجاز ري
ادخل بريدك الإلكتروني لتبدأ مجاناً الآن
بالضغط على الزر اعلاه اوافق على شروط واحكام موقع إعزف
نص الحوار

تتعلم هنا موشح لسّيد الموشحات السيد درويش على إيقاع السماعي الثقيل.


ريبال خضري:


رحبا، أنا ريبال من إعزف دوت كوم.


راح نقول موشح كتير بسيط على حجاز الراي، الموشح لسيد الموشحات للسيد درويش، موشح قديم هو مبني على الإيقاع السماعي الثقيل ياللي هو المقام اللي بيستعمل بالإشيا الكتير تقيله بالموسيقى العربيه، بيستعمل بقسم كبير بالموشحات، في قالب خصوصي إسمه قالب السماعي، نحنا لو شفنا قدامنا هلأ راح نشوف النوت ياللي بيوضح عندي كيف شكل هادا الإيقاع، طبعاً نحنا دائماً نحن هون الإيقاع عنا عشره عتمنيه، يعني عندي بكل بار أنا عندي عشره كويفرز، بنفس الوقت أنا عندي لما بتكون العصايه مرسومه لفوق معناتها أنا عندي دو، لما تكون العصايه مرسومه لتحت معناتها أنا عندي تك، هلأ الإيقاع متل ما شايفين عندي، أنا عندي أول شي دوم بعدين عندي رست رست، عندي سكتتين، بعدين عندي تاك رست، بعدين عندي دوم دوم، بعدين عندي تك و عندي رست رست، تمام، حإرجع إعزفه، حنحاول نعزفه أكتر من مره لنقدر نحس بالإيقاع أكتر، حنقول (يقرأ الأستاذ ريبال التمرين قراءة ايقاعية).


حقوله مره مع رست بعدين برجع بقوله أقوله أكتر من مره مع رست بعدين حإرجع أكرره بدون الرست (يقرأ الأستاذ ريبال التمرين قراءة ايقاعية)، سوري (يقرأ الأستاذ ريبال التمرين قراءة ايقاعية)، هلأ خلي الرست بقلبي (يقرأ الأستاذ ريبال التمرين قراءة ايقاعية)، هلأ أنا راح إعزف موشح يا غصين البان مره، راح يكون كتير صح لو جربنا إن و أنا عم بعزفه إن نحنا نغنيه، هلأ موشح يا غصين البان بيفوت من الضربه الخامسه، يعني أنا حيكون عندي أربع ضربات فاضيين بعدين بيفوت الموشح، يعني عندي ون تو ثري فور (يقرأ الأستاذ ريبال التمرين قراءة ايقاعية).


أنا هلأ راح أعد تلاته بعدين ياللي حابب يجرب معي يعزف الإيقاع و أنا راح أفوت على الضربه الخامسه معه، ون طبعاً الموشح راح نشتغله من حجاز الراي، ون تو ثري، ون تو ثري فور (يقرأ الأستاذ ريبال التمرين قراءة ايقاعية).


أنا راح إكتفي بالدور الدور الأول و الدور التاني من الموشح، يعني راح أقول بس أول مقطع و تاني مقطع، طبعاً متل ما بنعرف الموشح اللي نحنا عم بنحكي الدور التالت راح يرجع يعطني لحن جديد، الدور الرابع راح يرجعني للحن للمقطع الأول و التاني، كتير ضروري إنتبه و أنا عم بغني لبرجع بعدي للطبقه، إني أنا هو عن بغنيه يمكن بطبقة مغني تانر أو مغنية سوبرانو، هلأ راح نروح لأنا لو بدي أغنيه بطبقة مغني باس أو مغنية ألتوم، إتذكروا إن الإيقاع قد ما قدرتوا تعزفوا الإيقاع صح مع المغني معناتها إنتوا عم بتحسوا مع الإيقاع لما إنتوا عم بتغنوه (يعزف الأستاذ ريبال التمرين)، هلأ راح نقوله من حجاز اللا لمغنيين الباس و الألتوم (يعزف الأستاذ ريبال التمرين).


حقول تلاته بعدين ببلش أعد من أول بار، ون تو ثري (يقرأ الأستاذ ريبال التمرين قراءة ايقاعية)، منتبهين كيف أنا حتى لما عم بغني رحت عم بخلي صوتي عم بخلي صوتي لقدام و عم بفنح تمي أكتر، مشان يكون البوزيسيون أوضح و أريح للشخص ياللي عم بيغني، لاحظتوا إن الموشح مش كله حجاز يعني حتى البارت نفسه اللي أخدناه عم بيكون عندي أول شي حجاز، عم بقول (يقرأ الأستاذ ريبال التمرين قراءة ايقاعية).


هلأ هون (يقرأ الأستاذ ريبال التمرين قراءة ايقاعية)، راح على مقام تاني ياللي هو البيات، بيات اللا (يقرأ الأستاذ ريبال التمرين قراءة ايقاعية)اللي هو راح نيجي عليه بدروس لاحقه، بهيك نحنا حنكون حكينا على مقام الحجاز، أخدنا تمرين نقدر نقوي أكتر سمعنا لمقام الحجاز، إضافةً لهيك غنينا أول أغنيه على مقام الحجاز، بشوفكم الدرس الجاي عشان نحكي أكتر على هادا المقام الكتير مهم، باي."

عن المدرب
ريبال خضري
ريبال خضري
فنان سوري .. - له العديد من الأغاني الخاصة مثل " بلدي عم يوجعني – يا بيتي شو اشتقتلك - شوية حكي – الله معك – حبيبي انا " - له ثلاثة ألبومات وهي 1- " قصائد سياسية " من انتاج الصندوق العربي للثقافة والفنون التابع لجامعة الدول العربية وهو عمل من كلمات الشاعر الكبير احمد مطر والحان وتوزيع باسل رجوب .. 2- " توشيحات " : الخاص بفرقته فرقة " التوشيح الحديث " التي طرح فيها ريبال موشحات بأسلوبه الخاص و سيقوم بتقديم البومات دورية لها . 3- " شوية حكي " قدمه ريبال مع عام 2010 من انتاج شركة المورد الثقافي - ريبال خريج المعهد العالي للموسيقا في سوريا – دمشق قسم الغناء الشرقي يلعب ألتي البيانو والعود ... - حاصل على ماستر كلاس من جامعة الكسليك عام 2010 - حاصل على 1- وعلى الجائزة الأولى كأفضل صوت عربي ضمن ملتقى الاصوات الجميلة الذي تم تنظيمه من قبل المجمع العربي للموسيقى في كلية الكسليك – لبنان ونال على اثرها ماستر كلاس من الجامعة . 2- الجائزة الثانية كأفضل صوت عربي ارتجالي في مهرجان الموسيقى العربية في القاهرة السابع عشر 2008 - ريبال حاليا مدرس الغناء في المعهد الوطني للموسيقا في عمان ومدرس مادة الغناء العربي في الكونسرفاتوار الأردني ومدرب جوقة عمون للغناء الكورالي الحديث . - قدم حفلات كمغني منفرد ذائع الصيت مع فرقته الخاصة ومع اهم الفرق والاوركسترات العربية والعالمية من مثل " الأوركسترا السمفونية السورية – أوركسترا عمان الفلهوارموني – أوركسترا عمان سمفونيتا – كورال أوزنابروغ الألماني – فرقة طرب .. " وذلك في اثر من عشرين مدينة عربية وعالمية في " المانيا – ايطاليا – فرنسا – الصين – أذربيجان – تركيا – الامارات – مصر – السودان – تونس وغيرها ... "

شارك اعزف. ساعد غيرك يبدأ الرحلة!

أهدِ تجربة اعزف لشخص مميز!