يتحدث الأستاذ ريبال الخضري عن مقام الكرد و انتشاره في الموسيقى العربية الجديدة خصوصا ثم ينتقل لإعطاء تمارين على مقام الكرد.
ريبال خضري:
"مرحبا، أنا ريبال من إعزف دوت كوم.
اليوم بالنسبه للمقامات، متل ما حكينا بالبدايه نحنا أخدنا بالكورسات الماضيه أخدنا مقام العجم و أخدنا مقام النهاوند و أخدنا مقام الرست، هلأ راح نتعرف على مقام جديد مقام يمكن بالموسيقى الحديثه أو الموسيقى العربيه الحديثه كتير يعد من أهم المقامات، أكتر الأغاني ياللي نحنا بنسمعها بهادا الوقت لتحديداً لمطربين البوب يعني عم بنحكي بوب عم بنحكي عمر دياب عم بنحكي أصاله عم بنحكي أنغام عم بنحكي شيرين عم بنحكي يارا عم بنحكي أسماء كتيره، يعني أنا بقولكم شغله إذا بتراقبوا ألبوماتهم راح تلاحظوا إن مينيموم خمسين بالميه من الألبوم مبني على مقام الكرد، مقام الكرد هو من المقامات الحزينه البسيطه، يعني بقدر أقول ببساطه إن بيفرق عن مقام النهاوند بشكل كتير بسيط بس بنفس الوقت إله طابع مختلف عنه، حنجرب نعزف مقام الكرد، حنشوف عنا كيف الكرد نحنا راح نبتدي من الراي، راح نقول مقام الكرد، هلأ مجموعة المقامات ياللي راح ناخدها من هلأ و رايح حتكون مقامات تبتدئ من الدرجه التانيه بالسلم، يعني هي ما بتبلش من الدو للدو، لأ، هي بتبلش من الراي للراي، تمام، نيجي نقول (يعزف الأستاذ ريبال التمرين).
متل ما شايفين قدامنا بالنوت، أول نوته تونيك هو الراي (يقرأ الأستاذ ريبال التمرين قراءة ايقاعية)، بعدين عندي المي بي مول (يقرأ الأستاذ ريبال التمرين قراءة ايقاعية)، فا (يقرأ الأستاذ ريبال التمرين قراءة ايقاعية)، صول (يقرأ الأستاذ ريبال التمرين قراءة ايقاعية)، لا (يقرأ الأستاذ ريبال التمرين قراءة ايقاعية)، سي (يقرأ الأستاذ ريبال التمرين قراءة ايقاعية)، دو (يقرأ الأستاذ ريبال التمرين قراءة ايقاعية)، راي (يقرأ الأستاذ ريبال التمرين قراءة ايقاعية)، راي (يقرأ الأستاذ ريبال التمرين قراءة ايقاعية)، دو سي لا صول فا مي راي (يقرأ الأستاذ ريبال التمرين قراءة ايقاعية).
أكيد و إنتوا عم بتسمعوه مباشرةً فكرتوا بأكتر من أغنيه على نفس هادا على نفس هادا المقام، حرجع أعيد مره تانيه، حعمل تمرين كتير بسيط على مقام الكرد بعد ما أعيده مره، حقول المره التانيه (يقرأ الأستاذ ريبال التمرين قراءة ايقاعية)، المقام كتير بسيط كتير حساس، بدي أنتبه إن أنا حتى تمارين الفوكاليز اللي أخدتها ممكن إن أنا أقدر أنقذها على التمارين ياللي باخدها على المقامات يعني مثلاً (يقرأ الأستاذ ريبال التمرين قراءة ايقاعية).
فيني شوي إني أمارس بصوتي العرب أكتر لحتى أعود حنجرتي على الإهتزاز بشكل كتير كبير، هلأ ناخد تمرين كتير بسيط (يقرأ الأستاذ ريبال التمرين قراءة ايقاعية)، تمام، هلأ أنا مش راح أقدر أعزفها بكل يعني حأطلع متل ما تعودنا بالتمارين، هاف هاف، بس أنا راح أطلع فيها راح أعطي بس التونيك عالعود و راح أغنيها بصوتي (يقرأ الأستاذ ريبال التمرين قراءة ايقاعية).
أحاول قد ما بقدر أحمل النوته بصوتي مش إني أنا أخليها (يقرأ الأستاذ ريبال التمرين قراءة ايقاعية)، لأ، بدي أحاول أخليها بنفس البوزيشن و بنفس المكان الحنجره عم بتتحرك بتروح و بتيجي قريبه من السنان أكتر (يقرأ الأستاذ ريبال التمرين قراءة ايقاعية)، هلأ راح إرجع أعيده مره أخيره و راح أجرب كيف ممكن يكون بصوت البنت أو بصوت الفيك، كيف ممكن إني أخلي الصوت تقيل أكتر أحاول إني أمسكه من حنجرتي أكتر، حرجع من هون أبلش (يقرأ الأستاذ ريبال التمرين قراءة ايقاعية)، أحاول إني أمسكه قدر ما بقدر (يقرأ الأستاذ ريبال التمرين قراءة ايقاعية)، مش (يقرأ الأستاذ ريبال التمرين قراءة ايقاعية)، لأ (يقرأ الأستاذ ريبال التمرين قراءة ايقاعية).
عم بحسها أكتر (يقرأ الأستاذ ريبال التمرين قراءة ايقاعية)، هاي التمارين الفائده الكتير كبيره منها مش بس بالصوت، لأ، الفايده بإني أنا إقدر إنقل مقام الكرد من أي درجه، بتقويلي إدني أكتر و أنا عم بنقل المقامات، اليوم نحنا ابتدينا بمقام كتير مهم، و حكينا عن طريقة العرب الصوتيه.
أكيد راح نستكمل هادا الإشي بدروس لاحقه، شكراً."